Is-sharaǵa Qazaqstan halqy Assambleıasy Tóraǵasynyń orynbasary J.Q.Túımebaev, Assambleıanyń jáne QHA qoǵamdyq qurylymdarynyń músheleri, etnomádenı birlestikter men jastar qozǵalysynyń ókilderi, qoǵam qaıratkerleri men qala qonaqtary qatysty.
Festıvaldiń negizgi ıdeıasy – Qazaqstan halqynyń mádenı qundylyqtary men til alýandyǵyn kórsetý, qoǵamdyq kelisim men ulttyq birlikti nyǵaıtý, etnos ókilderi arasynda tyǵyz baılanys pen dostyq qarym-qatynas ornatyp, ártúrli ulttyń oıyndaryn úırenýge, mádenı muralarymen tanysýǵa múmkinshilik jasaý. Sondaı-aq ústel oıyndarynyń shyǵý tarıhy men paıdasy týraly áńgimeleý, jastar arasynda salaýatty ómir saltyn qalyptastyrýǵa uıytqy bolý.
Festıval barysynda ústel oıyndary sheberlerimen kezdesý uıymdastyrylyp, sheberlik synyptary ótkizildi. QHA etnomádenı birlestikteri shyǵarmashylyq ujymdarynyń konserttik baǵdarlamasymen jalǵasty.
Sońynan jeńimpazdar baǵaly syılyqtarmen marapattalyp, alǵyshattar tapsyryldy.
