El mártebesin bıiktetken
Sársenbi, 16 qańtar 2013 7:13
Shejirege aınalǵan 2012 jyl eńseli elimiz úshin tabysty jyl boldy dep aýyz toltyryp aıtýǵa tolyq negiz bar. Búkil álemniń nazaryn aýdarǵan London Olımpıadasynda Qazaqstannyń abyroıy asqaqtap, kók týymyz álemdik tuǵyrda bir emes, birneshe ret kóterilip, el mártebesin mereıli etkeni kóńilimizdi tasytty. El úmitin aqtaǵan, sertine senimi saı sport sańlaqtarymyz qorjynymyzdy medaldarmen qosa qýanyshqa toltyryp, Qazaqstannyń qýatty el ekenin tanytty.
Sársenbi, 16 qańtar 2013 7:13
Shejirege aınalǵan 2012 jyl eńseli elimiz úshin tabysty jyl boldy dep aýyz toltyryp aıtýǵa tolyq negiz bar. Búkil álemniń nazaryn aýdarǵan London Olımpıadasynda Qazaqstannyń abyroıy asqaqtap, kók týymyz álemdik tuǵyrda bir emes, birneshe ret kóterilip, el mártebesin mereıli etkeni kóńilimizdi tasytty. El úmitin aqtaǵan, sertine senimi saı sport sańlaqtarymyz qorjynymyzdy medaldarmen qosa qýanyshqa toltyryp, Qazaqstannyń qýatty el ekenin tanytty.
Qazaqstan úshin jyldyń úlken jeńisi London Olımpıadasynan keıin bedelimizdi bıiktetken jeńis – EKSPO-2017 kórmesin Astanada ótkizý quzyryna ıe bolǵany dep bilemin. Kemel eldiń kókjıegin keńeıtetin bul kórme kórkem keleshegimizdiń kepili bolatynyna senim kámil. Bul jeńis – búkil álemniń aınasynda ajarymyzdy áspettep kórseter jarqyn jeńis. Bul kórme eldiń erteńine, Qazaqstannyń jer jahanǵa jol tartatyn altyn kópiri bolary sózsiz.
Táýelsiz eldiń tolaǵaı tabystaryn taǵy bir jeńispen molaıtqan Elbasymyzdyń eńbegi de ushan-teńiz. Tórtkúl dúnıege Qazaqstandy aıshyqty Astanasymen tanytqan Memleket basshysy el bolashaǵyn bederli eter bul kórmeniń atbasyn Qazaqstanǵa burǵyzdy. Endi búkil álem «Bolashaqtyń energııasyn» Qazaqstanda sezinip, elimizde tamashalaıtyn bolady. Endeshe, bárimiz Elbasy men el jeńisine qoldaý kórsetip, EKSPO-2017 kórmesin, ıaǵnı osyndaı keleli isti abyroımen atqaryp, ótkizýge atsalysaıyq.
Orynbek PAZYLOV,
№4 Jambyl Jabaev atyndaǵy
orta mektep-gımnazııanyń muǵalimi.
