Ekspedısııanyń bastalýyna oraı, búgin Visit Almaty týrıstik aqparattyq ortalyǵynyń baspasóz ortalyǵynda baspasóz konferensııasy ótti. Jıynda «Kazakh Tourism» UK» AQ marketıng, sıfrlandyrý jáne baılanys bóliminiń menedjeri D. Tegenbaev, ekspedısııa jetekshisi Á. Ahmedjanov, jolnusqaýshy B. Izmaǵambetov jáne «QazaqGeography» RQB baspasóz qyzmetiniń qyzmetkeri A. Jumataeva spıker boldy.
Uıymdastyrýshylardyń aıtýynsha, jobanyń negizgi maqsaty — ekspedısııa kezinde týrıstik nysandardy tizbekteý, ınfraqurylymdy jaqsartý boıynsha usynystar engizý jáne jańa transshekaralyq baǵyttardy qurý arqyly ishki jáne syrtqy týrızmniń áleýetin damytý. Sheteldik qonaqtar Qazaqstan, О́zbekstan jáne Qyrǵyzstan tarıhymen tanysýǵa jáne osy aýmaqta ómir súrgen baıyrǵy halyqtar mádenıetin tamashalaýǵa qyzyǵýshylyq tanytady.
Atalmysh ekspedısııa QR Tuńǵysh Prezıdenti – Elbasy N. Nazarbaevtyń «Uly dalanyń jeti qyry» maqalasy jáne «Rýhanı jańǵyrý» baǵdarlamasy aıasynda Qazaqstannyń mádenı-geografııalyq obektileriniń týrıstik áleýetin paıdalaný mindetin tolyq júzege asyrylýyna edáýir úles qosatyndyǵyn atap ótken jón.
Baspasóz konferensııasynan keıin kásipqoılar toby Qazaqstan, Qyrǵyzstan jáne О́zbekstan baǵytynan turatyn on úsh kúndik ekspedısııaǵa attandy. Ekspedısııa quramynda bilikti jýrnalıstter, fotograftar, telearnalardyń túsirilim toby, týrıstik blogerler men týroperatorlar bar. Sapardyń nátıjesi boıynsha elimizdiń tabıǵı nysandary boıynsha jańa týrıstik baǵyttar, sapaly foto-jáne vıdeobankter qurylady. Bolashaqta bul aqparat kórshiles Qyrǵyzstan, О́zbekstan elderiniń jáne otandyq týrkompanııalarǵa beriletin bolady.
Ekspedısııa quramy kelesi baǵyt boıynsha júrip ótpek: Almaty q. – ÚAK – Esik ańǵary – Sharyn shatqaly – Kólsaı – Qarakól – Kadjı-Saı – Tokmok – Sýýsamyr – Talas – Taraz – Aqmeshit úńgiri – Saýran – Túrkistan – Arystan-bab – Otyrar – Shymkent – Tashkent – Samarqan – Qazyǵurt – Merke – Tańbaly – Almaty q.
Qatysýshylardyń erekshe saıahaty Almaty oblysynyń kórneki jerlerinen bastalady: Úlken Almaty kóli (BAO), «Medeý», «Shymbulaq», Sharyn shatqaldary. Odan ári «Tıan-Shannyń kók marjany» atalyp ketken Kólsaı kólderine qaraı jol tartady. Úshinshi kúni Qyrǵyzstan shekarasynan asý josparlanǵan. Úsh kún boıy qatysýshylar Ystyqkóldiń ákimshilik ortalyǵyn jáne Qarakól qalasyn, Jeti-Oǵyz shatqalyn, Teriskeı Ala-Too jotasynyń soltústik baýraıynda ornalasqan Barskoon shatqalyn aralaıdy.
Ári qaraı qatysýshylar Uly Jibek jolynyń ortalyǵynda ornalasqan Azııa men Eýropa arasyndaǵy saýda joldaryn biriktirgen Ejelgi Tarazǵa taban tireıdi. Munda olar kóptegen tarıhı eskertkishtermen tanysady: Qarahan kesenesi, ejelgi sáýlettiń naǵyz jaýharlary — Babajı-hatýn men Aısha bıbi keseneleri, Aqyrtas jáne ejelgi Taraz arheologııalyq kesheni, t.b. Sondaı-aq, ashyq aspan astyndaǵy arheologııalyq eskertkish, IýNESKO-nyń qorǵaýyndaǵy Otyrar qalashyǵyna barady. Odan ári qatysýshylar kórshiles О́zbekstannyń erekshe jerlerin aralap ótpekshi. Jospar boıynsha, joba 1-qyrkúıekte Almaty qalasynda aıaqtalady.
