Aımaqtar • 21 Tamyz, 2019

200-ge jýyq muǵalimdi oqytady

36 retkórsetildi

«Kásipkerlik jáne bıznes negizderi» pánin oqytýdy josparlaǵan mektepter, kolledjder jáne ýnıversıtet muǵalimderi men oqytýshylary «Atameken» kásipkerler palatasynyń arnaıy qysqa merzimdi kýrstaryna qatyspaq. Oqý eki aǵymda 19-29 tamyz ben 2-13 qyrkúıek aralyǵynda ótedi.

Oqytý barlyq baǵyttar bo­ıynsha bir ýaqytta bastaldy. Bul 96 mektep muǵalimderi, 47 kolledj oqy­týshylary jáne 29 joǵary oqý orny­nyń oqytýshylaryn qamtıdy. Mu­ǵalimdermen jumys isteýge bel­sendi kásipkerler, bıznes-jat­tyqtyrýshylar, tálimgerler tartyldy. Oqý tek kýrstarmen shektelmeıdi. Oqýshylar men oqytýshylar  atameken.com onlaın platformasynda qosymsha bilim ala alady.

Oqytýshylardy daıarlaý 2019 jyl­dyń 1 qyrkúıeginen bastap 10-synyp oqýshylarynyń sabaq kes­tesine jańa «Kásipkerlik jáne bız­nes negizderi»  elektıvti pánin en­gizý aıasynda júzege asyrylady. Sonymen qatar kásipkerlik ne­giz­derin memlekettik kolledj­der men joǵary oqý ornynyń joǵarǵy kýrs stýdentteri oqıtyn bo­lady. Joba «Atameken» Ulttyq kásip­kerler palatasynyń bastamasymen jáne Bilim jáne ǵylym mınıstr­liginiń  qoldaýymen júzege asyryldy. Jobanyń maqsaty – óskeleń ur­paq arasynda iskerlik oılaýdy qa­lyp­tastyrý, sonymen qatar jappaı kásipkerlik ıdeıalaryn keńinen tanytý.

«Kásipkerlik negizderi» páni – Qazaq­stan­daǵy kásipkerlik saýat­tylyq deńgeıin arttyrýǵa múmkindik bere­tin júıe. Pán aptasyna 2 ret oqy­tylady. Jylyna – barlyǵy 68 sabaq. Onyń 30%-y – teorııa, 70%-y – praktıka. Baǵdarlama teorııalyq zertteýler­den, oıyn túrindegi praktıkalyq sabaqtardan, bıznes jaǵdaılaryn taldaýdan jáne bıznes oıyndardan turady. Muǵalimder úshin semınarlar uıymdastyrylady. Bıznes-trenerler muǵalimderdi «Kásipkerlik negizderi» kýrsymen tolyq tanystyrady.

«Qazir jas urpaqqa kásipkerlik jáne qarjylyq menedjment týra­ly bilim qajet. Basqa eshqandaı pán oqýshylar men stýdentterdiń kásipkerlik negizderi týraly oıyn qalyptastyra almaıdy. О́tken jy­ly jańa pán qanatqaqty rejimde eli­mizdiń on jeti mektebinde oqy­tylǵan bolatyn. Aqtóbede aprobasııa  №20 mektep-lıseıde ótti», dedi Kásipkerler palatasynyń dırektory Anar Darjanova.

 

Aqtóbe

 

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar