Elorda ákimi Altaı Kólginov oqý jylynyń basynda mektep ashylýǵa daıyn bolýy kerek dep atap ótti.
«Oqý jylynyń bastalýyna toǵyz kún qaldy. Sizdiń jumysyńyz áli de oryndalmaǵan. Mektep aýlasy abattandyrylmaǵan, sý men jaryq ótkizilmegen. Jańa mektepterdi bir jyldan keıin kúrdeli jóndeý júrgizýge týra kelmeıtindeı etip salý kerek. Qazirgi tańda eski mektepter jańalary sııaqty jóndeýdi qajet etpeıdi. Shatyrǵa erekshe kóńil bólińiz. Jańbyr maýsymy bastalady. Oqý ornynda balalar ózderin qaýipsiz jáne jaıly sezinýi tıis», - dedi A. Kólginov.
Mektep jańa oqý jyly ashylýy tıis. Mekeme 900 orynǵa eseptelgen. Elordada osy oqý jylynda 3 jańa mektep pen 5 qosymsha qurylys ashylady. Elorda ákimi О́tken aptada "Mıchýrın"turǵyn alabynda ornalasqan mektepke bardy. Ashylý ekinshi toqsanda josparlanyp otyr.
Jınaqy qurylys boıynsha keshendi jospar aıasynda 5 jyldyq kezeńge 37 jańa mektep salý josparlanǵan. Sondaı-aq, ınvestorlar elordada 11 jeke menshik mektep salýǵa múddeli. Investısııa somasy 27,6 mlrd teńgeni quraıdy.
