Forýmnyń uıymdastyrýshylary Aqparat jáne qoǵamdyq damý mınıstrligi, oblys ákimdigi, «Azamattyq bastamalardy qoldaý ortalyǵy» KEAQ.
Forým 4 baǵytta: SOCIAL–ASAR «Bıznestiń áleýmettik salany damytýǵa qatysýynyń tıimdi modelderi», ECO–ASAR «Jasyl» seriktestiń formatyndaǵy álem», IT–ASAR «Áleýmettik salanyń ınnovasııalyq damýyndaǵy IT jobalardyń róli» jáne INCLUSIVE – ASAR «Inklıýzıvtik qoǵam ýaqyty» taqyryptarynda ótkiziledi.
Forým jumysyna bıznes-qurylymdar, otandyq jáne halyqaralyq ÚEU, sarapshylar qaýymdastyǵynyń, ortalyq jáne memlekettik organdar ókilderi qatysýda.
S.Toraıǵyrov atyndaǵy ýnıversıtet rektory m.a. Meıram Begentaev sóz sóılep, forýmǵa qatysshylar jumysyna sáttilik tiledi.
Al, eki kúndik forým sheńberinde «Áleýmettik ınnovasııalar: óńirlik damý jetistiginiń formýlasy» taqyrybynda plenarlyq otyrys ótkiziledi.
Maqsat-úsh jaqty áriptestikti jáne onyń tetikterin damytý, áleýmettik ınvestısııalar baǵyttarynyń paradıgmasyndaǵy bıznestiń qyzmeti, «kishi» otandy damytýǵa áleýmettik ınvestısııalar máselelerin talqylaı alady.
Sondaı-aq, uıymdastyrýshylardyń málimdeýinshe, forýmda master-klasstar, case-study semınarlaryn, workshop-tar (praktıkýmder), «#7 Spıker» ıntellektýaly konferensııasyn uıymdastyrý jáne memorandýmǵa qol qoıylmaq.
«ASAR activity» jobasy barysynda forým qatysýshylary «Birge – taza Qazaqstan» respýblıkalyq sharasyna qosylady.
Forým jergilikti qoǵamdastyqtyń áleýmettik máselelerdi sheshýde bıznes, úkimettik emes sektor jáne memlekettik organdardyń kúsh-jigerin biriktirýge arnalǵan.
PAVLODAR
Sýretti túsirgen: Rýfına Torpısheva
