Aksııanyń maqsaty azamattyq belsendilikti arttyrý, taýarlardyń, jumystardyń jáne qyzmetterdiń tutynýshylary retinde óz múddelerin qorǵaý máselelerinde azamattardyń quqyqtyq mádenıetin tárbıeleý, kóleńkeli ekonomıkanyń mólsherin qysqartý, sondaı-aq kásipkerler arasynda ádil básekelestikti yntalandyrý bolyp tabylady.
Osylaısha, QM Memlekettik kirister komıteti azamattarymyzǵa salyq zańnamasyn saqtaý boıynsha qoǵamdyq baqylaýǵa qatysýyna, jáne onyń ústine baǵaly syılyqtar utyp alýǵa múmkindik beredi.
О́tken jyldaǵydaı, aǵymdaǵy jyly da aksııa «Wipon» mobıldi qosymshasy arqyly júzege asyrylatyn bolady.
Aksııaǵa onlaın-BKM fıskaldy cheginiń derekterin jiberý arqyly taýardy satyp alǵanyn nemese qyzmetti tutynǵanyn rastaı alǵan Qazaqstan Respýblıkasynyń azamattary qatysa alady. Chekti jibergennen keıin qatysýshy 5 000 teńgege deıingi qarajatty birden telefon teńgerimine alý múmkindigin alady. Jedel syılyqtardyń júlde qory 3 000 000 teńgeni quraıdy. Barlyq jiberilgen chekter aksııanyń bas júldesi - avtokólik utys oıynyna qatysady. Eger fıskaldy chek berilmegen jaǵdaıda, azamattar bul buzýshylyqtarǵa vıdeo arqyly shaǵym jasaýy múmkin. Aksııa kezinde utysqa onlaın-BKM fıskaldy chekteri qatysady.
Bas fınal jyldyń sońynda QM Memlekettik kirister komıtetinde ótedi. Onda baǵaly syılyqtar, onyń ishinde bas júlde – avtomobıl utysqa salynady. Utys jeńimpazdary chekti kezdeısoq tańdaý ádisimen anyqtalatyn bolady. Osylaısha, qatysýshy qanshalyqty kóp chek jiberse, júldeni utyp alý múmkindigi de sonshalyqty óse túsedi.
Aksııa kásipkerlerdiń qolma-qol aqshamen taýarlardy satyp alǵany, jumystardy oryndaǵany jáne qyzmetterdi kórsetkeni úshin aqshalaı esep-aıyrysýlar kezinde chekterdiń berýin qamtamasyz etýge baǵyttalǵan.
