Shara aıasynda III Nur-Sultan Music Awards halyqaralyq mýzyka festıvaline qatysýshylar qaterli dertke shaldyqqan búldirshindermen kezdesip, syılyqtar tartý etti, sondaı-aq kishkentaı emdelýshilermen jáne olardyń ata-analarymen birge sýretke túsip, jyly lebizderin bildirdi.
«О́mirde adam densaýlyǵynan ózekti nárse joq. Jaqyndaryń bar bolsa, densaýlyǵyń saý bolsa, odan asqan armannyń ózi de artyq. Nur-Sultan qalasynyń ákimdigi qaıyrymdylyq baǵytta túrli shara uıymdastyryp keledi. Onyń kóbin ózderińiz de bilesizder. Osy III Nur-Sultan Music Awards halyqaralyq mýzyka festıvali elimizdiń, elordamyzdyń mádenı mártebesin kóteretin kólemdi festıval bolady dep oılaımyn. Osy keshke qatysatyn ánshilermen sizderdi qaýyshtyrǵanymyzǵa qýanyshtymyz. Bastysy basymyz aman, denimiz saý bolsyn. Sizder de tezirek jazylyp ketińizder», dedi Nur-Sultan qalasynyń Mádenıet jáne sport basqarmasy basshysynyń mindetin atqarýshy Narıma Abylqyzy.
Sonymen qatar Narıma Abylqyzy onkologııalyq aýrýlarǵa shaldyqqan balalarmen kezdesý ótkizýge festıvalǵa kelgen ónerpazdar ózderi nıet bildirgenin jetkizdi.
«Konsert bastalmaı turyp, osy kishkentaı balalarymyzǵa kelip, ózderiniń aq tilekterin aıtyp jatyr. Árıne bul jaqsy bastama dep aıta alamyz. Bul jerge baıqaýǵa qatysýshy barlyq úmitker jınalmady, sebebi olardyń kóbisi bizdiń qalamyzǵa áli kelmedi. Degenmen, onkologııalyq aýrýlarǵa shaldyqqan balalarǵa bul kezdesý úlken serpin bergenine senimdimin», dedi ol.
Jalpy, qala ákimdigi uıymdastyrǵan qaıyrymdylyq sharasyna ánshiler Chingiz (Ázerbaıjan), Shahzoda (О́zbekstan), Markus Riva (Latvııa), CYGO (Belorýssııa), sonymen birge MýzTV telearnasynyń dırektory Arman Davletıarov, MýzTV telearnasynyń prodıýseri ári júrgizýshisi Andreı Razygraev qatysty.
Al Nur-Sultan Music Awards halyqaralyq mýzyka festıvali «Barys-Arena» muz aıdyny saraıynda ótetinin aıta ketelik. Oǵan Grýzııa, Fransııa, Italııa, Latvııa, Ázerbaıjan, О́zbekstan, Ýkraına, Reseı jáne Qazaqstannan mıllıondaǵan jankúıerleri bar tanymal ári daryndy ánshiler qatysady. Sahna tórinde Grıgorıı Leps, LOBODA, Raim & Artur, Lolıta, Erjan Maksım, Dıma Bılan, Vremıa ı Steklo, Shanguy, Shahzoda, Cosmos Girls, Markus Riva jáne Chingiz óz ónerlerin kórsetedi.
