Búgin elordadaǵy baqytty páter ıeleri R.Qoshqarbaev dańǵyly, 80/1 jáne Lepsi, 42/1 úı meken-jaıy boıynsha ornalasqan páterlerine kóshti. Úıler satyp alý quqyǵysyz jaldamaly baspana berýdi qarastyratyn «Berekeli Baspana» turǵyn úı baǵdarlamasy aıasynda qala ákimdiginiń tapsyrysy boıynsha salyndy.
Páter kiltterin tabystaý rásiminde qala ákiminiń orynbasary Bahtııar Máken quttyqtaý sóz sóıledi.
«Búgin barlyǵy úshin keremet mereke! Elordada baspana alý - erekshe qýanysh. Kóbisi armandaǵan turǵyn úıdi 10 jyldan astam ýaqyt kútti. «Berekeli Baspana» baǵdarlamasynan ótkenderdiń barlyǵyna bul memleket tarapynan jasalǵan jaqsy qoldaý. Eger siz buryn bıýdjettiń kóp bóligin jeke turǵyn úıdi jaldaýǵa jumsasańyz, endi únemdelgen aqshany armanyńyzǵa jumsaı alasyz, óıtkeni bul úıde jaldaý baǵasy aıyna 5000-nan 10000 teńgege deıin bolady», - dedi ol páter qojaıyndaryna.
Olarmen birge ákim orynbasary jańa páterlerdi qarap shyqty.
Kezekte turǵandardyń arasynda «kóp balaly otbasylar» sanatyndaǵylarǵa 150 páter, «halyqtyń áleýmettik álsiz toptary» sanatyna kiretinderge - 148 úlestirildi.
Eske salsaq, 2019 jyldyń 6 tamyzynan 12 tamyzyna deıin elordanyń Turǵyn úı qory óziniń resmı ınternet-resýrstarynda turǵyn úı kezegine qatysýǵa nıet bildirgen azamattardan osy baǵdarlama boıynsha qujattardy qabyldaý bastalǵany týraly habarlama ornalastyrdy. О́tinish berýshilerdiń arasynda tańdaý kezekke qoıylǵan kúnine qarap jasaldy.
