Kún tártibindegi birinshi másele boıynsha Qazaqstan Respýblıkasy Kásipodaqtar federasııasy tóraǵasynyń birinshi orynbasary Birjan Nurymbetovtyń QR Eńbek jáne halyqty áleýmettik qorǵaý mınıstri bolyp taǵaıyndalýyna baılanysty laýazymynan bosatyldy.
QRKF tóraǵasy Baqytjan Ábdiraıym Birjan Bıdaıbekulynyń áleýmettik-eńbek salasyn nyǵaıtýda, azamattarymyzdyń quqyǵyn qorǵaýda sińirgen eńbegin joǵary atap ótip, jańa joǵary laýazymǵa taǵaıyndalýymen quttyqtady.
Atqarý komıtetiniń músheleri Birjan Bıdaıbekulynyń kásipodaqtardyń basty áleýmettik áriptesi bolyp tabylatyn vedomstva basshysy bolyp taǵaıyndalýy elimizdegi eńbek salasynyń damýyna jańa serpin beretindigin atap ótti.
Baqytjan Ábdiraıym kásipodaq qyzmetine sińirgen eren eńbegi úshin Birjan Nurymbetovty Kásipodaqtar federasııasynyń «Kásipodaqtarǵa sińirgen eńbegi úshin» medalimen marapattady.
Sóz alǵan Birjan Bıdaıbekuly qazaqstandyqtardyń ál-aýqatyn damytý jolynda qoıan-qoltyq jumys istegen áriptesterine óz rızashylyǵyn bildirdi.
Otyrys barysynda Atqarý komıtetiniń músheleri QRKF tóraǵasynyń birinshi orynbasary jáne orynbasary laýazymdaryna jańa úmitkerlerdiń kandıdatýrasyn qarady.
QRKF tóraǵasynyń birinshi orynbasary bolyp Ábdibekov Nurmuhambet Qanapıuly biraýyzdan saılandy.
Nurmuhambet Qanapıuly – mamandyǵy boıynsha taý-ken ınjeneri, óndiristegi kásipodaqtardyń jumysymen etene tanys, ár jyldary Aqtóbede, Atyraýda kásiporyndarda jáne memlekettik organdarda qyzmet atqarǵan, QR Indýstrııa jáne jańa tehnologııalar vıse-mınıstri, Aqtóbe qalasynyń ákimi, Aqtóbe oblysy ákiminiń birinshi orynbasary, Qaraǵandy oblysynyń ákimi, esep komıtetiniń tóraǵasy, «Qazaqstan ınjınırıng» Ulttyq kompanııasy» AQ Basqarma tóraǵasy bolǵan.
QRKF tóraǵasynyń orynbasary bolyp Egemberdıev Erjan Oshaqbaıuly saılandy. Erjan Oshaqbaıuly QRKF Quqyqtyq qamtamasyz etý jáne halyqaralyq áriptestik departamentiniń dırektory laýazymyn atqarǵan.
Erjan Egemberdıev – zań ǵylymdarynyń kandıdaty, ár jyldary Joǵarǵy Sot janyndaǵy Sot tóreligi akademııasynda, QR Prezıdenti janyndaǵy memlekettik basqarmasy akademııasynda, L.N.Gýmılev atyndaǵy Eýrazııa ulttyq ýnıversıtetinde jáne QR Ádilet mınıstrliginde qyzmet atqarǵan.
