Rýhanııat • 24 Tamyz, 2019

Festıvalde koreı teatrynyń baǵy jandy

169 retkórsetildi

Qostanaıda bekzat ónerdiń taǵy bir festıvali ótedi degende, qostanaılyqtardyń qozǵalaqtap qalǵany ras. Koreı, nemis, uıǵyr, ózbek teatrlary Qazaqstannan basqa Táýelsiz dostastyq elderiniń eshqaısysynda joq, buryn da bolǵan emes.

Qazaqstan halqy assambleıasynyń bastamasymen elimizde bıyl besinshi ret ótip otyrǵan ulttyq (etnıkalyq) teatrlar festıvali qıyn jyldary qazaq jerinen pana tapqan, ony óziniń jeruıyǵyna aınaldyrǵan ulystar ónerin damytýǵa da mol múmkindikti sezinip otyrǵanyn kórsetti.

Qonaqtarǵa oblys ákimi Arhımed Muhambetovtyń jyly lebizin jetkizgen oblystyq Mádenıet basqarmasynyń basshysy Erlan Qalmaqov, kórermender men teatr ártisterin QR Mádenıet jáne sport mınıstri Aqtoty Raıymqulovanyń atynan quttyqtaǵan mınıstrliktiń Kınematografııa jáne teatr basqarmasynyń bas sarapshysy Gúlnafıs Myrzasheva sharanyń basty maqsaty eldegi etnıkaaralyq kelisimdi nyǵaıtý jáne Qazaqstan halqynyń baı mádenıetin saqtaý ekenin aıtty.

Bul joly Qostanaıǵa memlekettik akademııalyq koreı mýzykalyq teatry, Shymkent qalalyq ózbek teatry, Q.Qojamııarov atyndaǵy memlekettik respýblıkalyq uıǵyr mýzykalyq komedııa teatry jáne festıval sharty boıynsha I.Omarov atyndaǵy Qostanaı oblystyq qazaq drama teatry men oblystyq orys drama teatry da óner báıgesinen syrt qalǵan joq.

– Bizdiń uıǵyr teatry teatr bolǵaly Qostanaıǵa birinshi ret kelýimiz eken. Festıvaldiń arqasynda Tobyl-Torǵaı óńiri jurtyna ónerimizdi usyndyq. Kórermen men teatr kózaıym bop kezdespeı bul ónerdiń qanaty qataıǵan, qadamy júrgen emes. Teatr óneriniń ereksheligi de sol ǵoı. Sondyqtan biz festıvalge óte rızamyz, – dedi Q.Qojamııarov atyndaǵy uıǵyr teatrynyń kórkemdik jetekshisi Iаlqynjan Shamıev.

Festıvalden óner órisiniń keńdigi men etnıkalyq teatrlardyń óskeni baıqaldy. Muny teatrlardyń oıǵa jetelegen shyǵarmalaryn kórip, tamashalaǵan Qostanaıdyń talǵampaz jurty da bilmeı qalǵan joq.

– Festıval sheńberindegi spektakldiń birin de qaldyrmaı, tegis qarap shyqtym. О́nerdiń aty – óner, talanttyń aty – talant ekenin baıqadym. Qazaq ádebıetiniń marjany «Qozy Kórpesh – Baıan sulý» spektakli koreı teatrynyń sahnasynda asyl tastaı qyrlana, qulpyra túsken. Jańa tásil, jańa leppen qoıylǵan. Shyǵarmany qazaq teatry sahnasynan kórgen basqa da, koreı teatry sahnasynan kórgendegi alar lázzat bólek eken. Keremet! – degen edi Qostanaı qalasynyń turǵyny Meńzada Sámembet.

Festıval tek óner báıgesiniń biri ǵana emes, bul teatrlardyń óz ara tájirıbe almasýy, bir birinen úırený, kem-ketigin túzeý men jetpeı, olqy túsip jatqan jaǵyn birlesip izdeý múmkindigi-tuǵyn. Qazaqstandaǵy alpys shaqty teatrlardyń arasyndaǵy etnıkalyq teatrlarǵa da dramalyq shyǵarmalar men jas kadrlar tapshyǵy, tehnıkalyq jabdyqtaý máseleleri ortaq ekenin aıtty jýrnalıstermen kezdesýde Ǵ.Músirepov atyndaǵy memlekettik akademııalyq balalar men jasóspirimder teatrynyń kórkemdik jetekshisi, ónertaný ǵylymynyń kandıdaty, festıval qazylar alqasynyń tóraǵasy Erkin Jýasbek.

Qaıtkende de báıgeniń aty – báıge. Qazylar alqasy saraptaı kelgende, «Ekinshi plandaǵy úzdik er adam beınesi» nomınasııasy boıynsha N.Sadýrdyń «Pannochka» spektaklindegi Iаvtýh rólin somdaǵan Qostanaı oblystyq orys drama teatrynyń akteri Oleg Smırnov, N.Gogoldiń «Úılený» spektaklindegi Podkolesın rólin somdaǵan I.Omarov atyndaǵy Qostanaı qazaq drama teatrynyń akteri, QR eńbek sińirgen mádenıet qaıratkeri  Qonysbek Begaıdarov marapattaldy. «Ekinshi plandaǵy úzdik áıel beınesi» nomınasııasyna N.Gogoldiń «Úılený» spektaklindegi Dýnıasha jáne Agafıa Tıhonovna rolderin oınaǵan Qostanaı oblystyq I.Omarov atyndaǵy qazaq drama teatrynyń ártisteri Nazıra Iman men Dıana Tursynova ıe boldy. Shymkent qalalyq ózbek drama teatry «Qasqyr ulyǵan tún» spektakli úshin «Kórermen kózaıymy» nomınasııasyn enshiledi. «Úzdik ssenografııalyq jumysy» nomınasııasy boıynsha N.Sadýrdyń «Pannochka» spektakli úshin Qostanaı oblystyq orys drama teatry marapattaldy. Qazylar «Úzdik rejısserlik jumys» nomınasııasy júldesi «Apat» spektakli úshin Iаlkynjan Shamıevke laıyq dep tapty. Al festıvaldiń bas júldesi – «Úzdik spektakl nomınasııasy» «Poema o lıýbvı» spektakli úshin respýblıkalyq memlekettik akademııalyq koreı mýzykalyq komedııa teatryna berildi.

QOSTANAI

Sońǵy jańalyqtar

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Qyzylorda: Kásipkerler jaýapqa tartyldy

Aımaqtar • Búgin, 16:31

Jambyldyq eriktiler jarap tur

Aımaqtar • Búgin, 16:30

Avtovolonterler azyq-túlik jetkizýde

Qazaqstan • Búgin, 16:19

Sóz qasıeti – em qasıeti

Qoǵam • Búgin, 16:11

Ustalyq – kıeli kásip

Qazaqstan • Búgin, 16:05

Qarataýdy ańsaǵan qyran

Tanym • Búgin, 15:54

Áýlıeaǵash týraly áńgime

Tanym • Búgin, 15:38

Aqmola oblysynda karantın

Aımaqtar • Búgin, 15:22

Armannyń azamattyǵy

Aımaqtar • Búgin, 15:13

Jetisýda jetinshi adam indet juqtyrdy

Aımaqtar • Búgin, 15:08

Aınurdyń ádemi álemi

Rýhanııat • Búgin, 14:13

Atyraýda 700-ge jýyq ekspress-test bar

Aımaqtar • Búgin, 14:07

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Uqsas jańalyqtar