Onda Májilis depýtaty aýyldyq jerlerdegi áleýmettik-ekonomıkalyq damý, áıelderdi qoldaý jáne jumysqa ornalastyrý máseleleri tóńireginde máseleler kóterdi.
Búginde Aqmola oblysynda memlekettik basqarý organdarynda eńbek etetin áıelderdiń úlesi artyp keledi. Barlyq deńgeıdegi máslıhattardaǵy 276 depýtattyń 70-in názik jandylar qurasa, 532 jergilik atqarýshy organdardyń 147-isinde áıelder basshylyq qyzmetterde isteıdi. 56 áıel selolyq okrýgterdiń ákimderi bolyp qyzmet etýde. Sharýa qojalyqtaryn basqaryp otyrǵan áıelder de bar.
Shamamen 400 áıel «Nátıjeli jumyspen qamtý jáne jappaı kásipkerlikti damytý» baǵdarlamasynyń arqasynda óz kásipterin dóńgeletip otyr. Ústimizdegi jyly 662 áıel kásipkerlik negizderine oqytylǵan.
Bul kúni forýmǵa arnaıy kelgen basqa da meımandar óz oılaryn ortaǵa salyp, «Aýyldyq aımaqtardyń áleýmettik-ekonomıkalyq damýy», «Jergilikti ózin-ózi basqarýdy damytý, bıýdjettiń tórtinshi deńgeıi» taqyryptaryn plenarlyq otyrystarda keńinen talqylady. Aýdandardan kelgen qatysýshylar mınıstrlik ókilderine tolǵandaryn saýaldaryn qoıyp, ótinish tilekterin jetkizdi.
Aqmola oblysynda osymen ekinshi ret ótkizilip otyrǵan forýmdy «Coca-cola» halyqaralyq qory men Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen Aqmola oblysynyń ákimdigi, G-Global Halyqaralyq Hatshylyǵy, «Jasyl ekonomıka jáne Global-dy damytý Koalısııasy» jáne «Qazaqstan áıelderiniń agrarlyq odaǵy» zańdy tulǵalar birlestikteri birlesip uıymdastyrdy.
