Atap aıtqanda, QR Qarjy mınıstriniń «Jeke shottardy júrgizý erejelerin bekitý týraly» buıryǵyna (2019 jylǵy 26 tamyzda kúshine engen túzetýler) salyqtyq raqymshylyqtyń kelesi tulǵalarǵa qoldanýdy kózdeıtin tolyqtyrýlar engizildi:
1. Tekserý aktisi boıynsha eseptelgen somalar shaǵym berý satysynda bolýyna baılanysty, 2018 jylǵy 1 qazandaǵy jaǵdaı boıynsha bereshegi joq salyq tóleýshilerge;
2. Tekserý nátıjeleri týraly habarlamany oryndaý merzimi kelmeýine baılanysty 2018 jylǵy 1 qazandaǵy jaǵdaı boıynsha bereshegi joq salyq tóleýshilerge (30 jumys kúni);
3. Aldyńǵy salyq kezeńderi úshin DFNO usynýyna baılanysty, 2018 jylǵy 1 qazannan keıin bereshegi paıda bolǵan salyq tóleýshilerge.
Salyq tóleýshilerdiń birinshi jáne ekinshi sanattary úshin salyqtyq raqymshylyqqa qazir salyqtyq tekserý ótkizilgen tulǵalar jatady, alaıda bul salyq tóleýshilerde salyqtyq tekserýdiń nátıjeleri týraly habarlaý boıynsha tólem merzimderi kelmeýine nemese salyq tóleýshiniń tekserý nátıjelerine shaǵymdanýyna baılanysty 2018 jyldyń 1 qazanyndaǵy jaǵdaı boıynsha salyq bereshegi bolmady.
Erejege tolyqtyrýlar ázirleý kezinde osyndaı salyq tóleýshilerdiń sany 746 qurady, olar boıynsha 161,9 mlrd teńge esepteldi (salyqtar - 122,6 mlrd teńge, ósimpuldar - 39,3 mlrd teńge, aıyppuldar - 0,1 mlrd teńge).
Osylaısha, negizgi qaryz 122,6 mlrd teńge somasynda tólem bolǵan jaǵdaıda, 39,3 mlrd teńge ósimpuldar men 0,1 mlrd teńge aıyppuldar esepten esepten shyǵarylýǵa jatady (aldyn ala málimetter boıynsha).
Salyqtyq raqymshylyqqa jatatyn salyq tóleýshilerdiń úshinshi sanaty 2018 jyldyń 1 qazanyna deıingi kezeńder úshin salyq eseptiliginiń qosymsha nysandaryn usynǵan jáne 2019 jyldyń 1 shildesine deıin ósimaqy somasyn tólemegen salyq tóleýshiler.
Osylaısha, salyq tóleýshi salyq eseptiliginiń qosymsha nysany boıynsha eseptelgen somany aǵymdaǵy jyldyń sońyna deıin tólegen jaǵdaıda, mundaı salyq tóleýshi salyqtyq raqymshylyqty qoldanýǵa quqyly.
Eske sala keteıik, Qazaqstan Respýblıkasynyń Tuńǵysh Prezıdentiniń tapsyrmasy boıynsha elimizde shaǵyn jáne orta bıznes sýbektileri úshin salyqtyń negizgi somasy ótelgen jaǵdaıda ósimpuldar men aıyppuldardy esepten shyǵarý úshin salyqtyq raqymshylyq júrgizilip jatqandyǵy belgili.
Shaǵyn jáne orta bıznes sýbektileri úshin salyqtyq raqymshylyqty qoldanýdyń sharty salyq tóleýshide 2018 jyldyń 1 qazanyndaǵy jaǵdaı boıynsha bereshegi bolýy jáne 2019 jyldyń sońyna deıin kórsetilgen bereshek somasyn tóleý bolyp tabylady.
