Álem • 29 Tamyz, 2019

Delıde ál-Farabı úıi ashyldy

43 retkórsetildi

«Rýhanı jańǵyrý» memlekettik baǵdarlamasyn jáne Elbasy N.Á.Nazarbaev­tyń «Uly dalanyń jeti qyry» atty maqalasynyń negizgi oılaryn iske asy­rý maqsatynda ál-Farabı atyndaǵy Qazaq ulttyq ýnıversıteti Delı qalasynda ál-Farabı úıin ashty. QazUÝ bul jobany Qazaqstan Respýb­lıkasynyń Úndistandaǵy elshiliginiń qoldaýymen júzege asyrdy.

Ortalyqtyń ashylý saltanatyna Úndistannyń Jastar isi jáne sport mınıstri Kıren Rıdjıjý, Qazaqstan Respýblıkasynyń Úndistandaǵy elshisi Bolat Sársenbaev, ál-Farabı atyndaǵy QazUÝ rektory, akademık Ǵalymqaıyr Mutanov, sondaı-aq úkimet, iskerlik top jáne Úndistandaǵy dıplomatııalyq mıssııalar, ýnıversıtetter, buqaralyq aqparat quraldary jáne qoǵamdyq uıymdardyń ókilderi qatysty.

Ál-Farabı úıiniń ashylýy IýNESKO sheńberinde 2020 jyly ótkiziletin ál-Farabıdiń 1150 jyldyq mereıtoıyn atap ótý is-sharasy aıasynda ótkizilýde. Jańadan ashylǵan úı Delı qalasynyń dıplomatııalyq ortalyǵynda ornalasqan, ol Qazaqstan men Úndistan arasyndaǵy ǵylym, bilim jáne mádenıet salalarynda yntymaqtastyqty odan ári damytýǵa úles qosatyn alań bolmaq.

Jastar isi jáne sport mınıstri Kıren Rıdjıjý eki el arasyndaǵy jan-jaqty tabysty yntymaqtastyqtyń qarqyndy damýyn nazarǵa ala otyryp, QazUÝ-dyń Úndistanmen mádenı-gýmanıtarlyq seriktestikti nyǵaıtýǵa qosqan úlesin joǵary baǵalady. Sonymen birge ol ál-Farabı úıiniń ashylýy ózara tıimdi seriktestikti nyǵaıtýǵa baǵyttalǵan birlesken jobalardy júzege asyrýdyń jańa múmkindikterin ashýǵa yqpal etetinine senim bildirdi.

«Úndistanda ál-Farabı úıiniń ashylýy – bizdiń dostyqqa umtylǵan elderimizdi biriktiretin mańyzdy is-shara. Qazirgi álemdik daǵdarys, mádenı jáne rýhanı qundylyqtardyń jutańdanǵan jaǵdaıynda, órkenıet fılosofynyń shyǵarmashylyq murasy men ǵylymı oılary adamzattyń odan ári damýy úshin asa mańyzdy», dep atap ótti óz sózinde ál-Farabı atyndaǵy QazUÝ rektory Ǵ.Mutanov.

Is-shara barysynda ál-Farabı atyndaǵy QazUÝ-de úsh tilde jaryq kórgen Mahatma Gandı týraly «Gandıdiń oı-pikirleri men naqyl sózderi» kitabynyń tusaýkeseri ótti.

QazUÝ ál-Farabıdiń shyǵarmashylyq murasyn nasıhattaýda belsendi jumys atqaryp keledi. Túrkııa, Iordanııa, Italııa, Qytaı, Mysyr, Bolgarııa jáne basqa da elderdiń jetekshi ýnıversıtetterinde 12 ál-Farabı ǵylym jáne bilim berý ortalyqtary ashylyp, tabysty jumys jasaýda. Atalǵan ortalyqtarda qazaq tilin oqytýmen qatar,  qazaq halqynyń mádenıeti men dástúri nasıhattalýda.

Qazaqstannyń jetekshi ýnıversıte­tiniń Úndistandaǵy seriktesterimen yn­tymaqtastyǵy mádenı-gýmanıtarlyq baǵytta ǵana emes, sonymen qatar joǵary tehnologııalar salasynda da qarqyndy damýda. Aıta keterlik jaıt, QazUÝ-dyń jas ǵalymdary qurastyrǵan  alǵashqy otandyq «ál-Farabı-1» nano-spýtnıgi Úndistandaǵy Satısh-Dhavan ǵarysh ortalyǵynan ushyrylǵan.

Issapar aıasynda ál-Farabı atyndaǵy QazUÝ rektory Ǵ.Mutanov Úndistan úkimetiniń kıberqaýipsizdik boıynsha ulttyq úılestirýshisi, general-leıtenant Rajesh Pant jáne Delı ýnıversıtetiniń rektory, doktor Iýgesh Tııadjımen kezdesti. Kelissózder barysynda ortalyq qurý jáne kıberqaýipsizdik salasyndaǵy mamandardy birlesip daıarlaý, ózara qyzyǵýshylyq týdyratyn salalar bo­ıynsha ǵylymı-ınnovasııalyq jáne bilim berý jobalaryn júzege asyrý máseleleri talqylandy. 

 

ALMATY

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar