Aralas mektepte 32 synyp qurylǵan, olardyń 20-y balalardy qazaqsha oqytsa, 12 synyptaǵy sabaqtar orys tilinde júrgiziledi. Búgingi kúnde muǵalimder shtaty tolyq jınaqtalǵan.
Mekteptiń ashylý saltanatynda oqýshylar men ustazdardy quttyqtaǵan oblys ákiminiń orynbasary Serik Shaıdarov bilim oshaǵynyń «Nurly Jol» baǵdarlamasy boıynsha salynǵanyn atap ótti.
– Bul oqý ornynyń tarıhy «Jastar jylynda» bastaldy. Mektep tehnıkalyq baǵytta bilim beredi jáne qazirgi zamanǵy standarttar boıynsha jabdyqtalǵan. Modıfıkasııalanǵan kabınetter, robot tehnıkasy jáne avıamodeldeý zerthanalary bar. Kovorkıng ortalyǵy jáne keń akt zaly, ashana jumys isteıdi, – dedi ol.
Serik Shaıdarov mektep basshysyna sımvolıkalyq kilt pen «Itellektým» kabınetin satyp alýǵa sertıfıkat tabys etti. Innovasııalyq ádistemeniń arqasynda oqýshylar strategııalyq oıyndar arqyly kreatıvti oılaý men matematıkalyq qabiletterin damyta alady.
Jańa mektep-lıseıdiń bazasynda balalardyń qolynan shyqqan ushý apparattaryn synaı alatyn oblystaǵy jalǵyz kartodrom-alań bar. Jas sheberler úshin lazerlik-oımalaý stanogy satyp alynǵan.
Bilim mekemesiniń dırektory Rahat Qaztaevtyń aıtýynsha, mektep jas býyndy hımııa-bıologııalyq jáne jaratylystaný-matematıkalyq baǵytta oqytatyn bolady. Qosymsha jeti IT-synyp ashylǵan.
Jańashyl mekteptiń ákimshiligi Qaraǵandydaǵy joǵary oqý ornynyń birimen memorandýmǵa otyryp, sonyń aıasynda munda ýnıversıtet oqytýshylary dáris oqıtyn bolady. Sondaı-aq mektepte tegin seksııalar men úıirmeler jumys isteıtin bolady, uzartylǵan kún toby uıymdastyrylǵan.
Mekteptegi aıta keterlik taǵy bir jańashyldyq – munda ata-analar úshin ózine-ózi qyzmet kórsetý buryshy jumys isteıtin bolady. Iаǵnı, bilim mekemesiniń kireberisinde kompıýterler qoıylǵan, munda árkim ózine qajetti anyqtamany alýyna múmkindik jasalǵan.
