Sonda men otyzǵa kelgen jas jazýshymyn. Ol kezde Jazýshylar odaǵyn Ánýar Álimjanov basqarǵan-tyn. Dýlat Isabekov, Muhtar Maǵaýın, taǵy basqalary bar – ádebıettiń aınalasynda júrgen, búginde múıizi qaraǵaıdaı qalamger atanǵan bir top jas jazýshy álemdik jıynǵa qatystyq. Dúnıe júzinen kelgen pikirlestermen bas qosyp, qyzý áńgime qurdyq. Sonda japon jazýshysy Kendzabýro Oemen tanysyp, oı bóliskenimiz erekshe esimde qalypty. Keıin ol 1994 jyly Nobel syılyǵyn ıelendi.
Eki qurlyqtyń tanymal qalamgerlerimen júzdesý shynynda biz úshin úlken oqıǵa boldy. Tipti Latyn Amerıkasynan da aqyn-jazýshylar kelgen. Ony bizdiń qalamgerler de, oqyrmandar da áli kúnge deıin ańyz qylyp aıtady. Ádebı konferensııada aıtarlyqtaı revolıýsııalyq jańalyq bolǵan joq. Degenmen ádebıet keńistigindegi aýqymdy jıyn bolǵandyqtan, ótý barysy da soǵan saı boldy. Jalpy mundaı halyqaralyq ádebı sharalardyń shyǵarmashylyq adamdaryna paıdasy zor. Búgingi forým da men kórgen 46 jyl burynǵy jıynnyń jańǵyrǵan, jahandanǵan zamanaýı jalǵasy bolatyndaı.
Tólen ÁBDIK,
jazýshy, Memlekettik syılyqtyń laýreaty
