Eki eldiń Premer-Mınıstrleri strategııalyq seriktestiktiń ózekti máseleleri men saýda-ekonomıkalyq, ınvestısııalyq jáne aımaqaralyq yntymaqtastyqty odan ári arttyrý keleshegin talqylady.
Asqar Mamın sonymen qatar «Reseı tikeleı ınvestısııalar qory» bas dırektory K. Dmıtrıevpen, «Syrtqy ekonomıkalyq bank» basqarma tóraǵasy I. Shývalovpen, «Reseı temir joldary» AAQ basshysy O. Belozerovpen jáne «Rosgeologııa» holdınginiń basshysy S. Gorkovpen jekelegen kelissózder júrgizdi. Investısııalyq yntymaqtastyqty arttyrý, birlesken ınfraqurylymdyq jobalardy iske asyrý, elektrondy kommersııa naryǵyn damytý jáne EAEO aıasyndaǵy ózara is-qımyl áleýeti talqylandy.
QR Premer-Mınıstri Asqar Mamın Qazaqstannyń Tuńǵysh Prezıdenti - Elbasy Nursultan Nazarbaevtyń delegasııasy quramynda Halyq sharýashylyǵy jetistikteriniń kórmesindegi «Qazaqstan» qaıta jóndelgen pavılonynyń ashylý saltanatyna qatysty.
