Qoǵam • 09 Qyrkúıek, 2019

Hat qorjyn (09.09.2019)

6605 retkórsetildi

...ótinish bildiredi

Beınettiń zeınetin kórsek dep edik...

Bir kezderi tyl eńbekkerlerine jaǵdaı jasap, olardy soǵys ardagerlerimen teńestirse degen pikirler aıtylǵan bolatyn. Ártúrli kommýnaldyq qyzmet, júrip-turýdaǵy jolaqysy, demalys úılerine joldama berý sııaqty isterde jeńildikter qajet degen edi. О́kinishke qaraı, ol áńgimeler sóz júzinde qalyp, qazir bul másele sóz bolmaıtyn boldy.

Ekinshi dúnıejúzilik soǵys jyldarynda tyl eńbekkerleriniń ómiri jeńil bolǵan joq. Sol kezdegi qıynshylyqty bastan ótkizgenniń biri menmin. Bizdiń balalyq shaǵymyz soǵys jyldaryndaǵy qıynshylyqtarǵa tap boldy.

«Kórmesek te soǵysty, tóbemizden oq ushty» dep aqyn jyrlaǵandaı, qandy qyrǵyndy bastan keshpesek te masaq tergen, sharýashylyqtyń aýyr jumysynan azap shekken analardyń kóz jasyna shomylyp, qushaǵynda býlyqtyq. Qaptaǵan «qara qaǵazdar», ańyraǵan analardyń qasiretin kórip erte er jettik. Biz de dushpannan kek alamyz dep tezirek er jetýge asyqtyq.

3-synyptan bastap bizderdi eginniń aram shóbin julýǵa aparsa, 6-7 synypta soqanyń ógizin jeteledik. Eresekterimiz shóp shabý, kombaınshynyń kómekshisi boldy. Sóıtip bar jumys túrine aralastyq.

Baýyrjan Momyshulynyń: «Tyl myqty bolmaı maıdan dalasynda jeńiske jetý múmkin emes», degen sózi bar. Sol tyldyń myqty bolýyna shamamyz kelgenshe úles qostyq. Sóıtip jeńisti jaqyndatýda bizdiń de, tyl eńbekkerleriniń de eńbegi bar emes pe?!

Qazir solardyń eń jasy 82-ge keldi. Tipti aýdandarda, oblystarda, respýblıka boıynsha da sanaýly-aq adamdar qalǵany anyq. Bul kúnde elimiz damyǵan 50 eldiń qatarynda, ekonomıkamyz kúsheıdi. Bizdiń tyl eńbekkerleriniń qıyn kezeńdegi eńbegi eskerilip, tıisti qurmet kórsetilip, jeńildik-kómek kórsetýge elimizdiń tolyq múmkindigi bar dep oılaımyn.

 

Tyl eńbekkerleri atynan

Ilııas SADYQOV

Almaty oblysy

 

...pikirin joldaıdy

Abaı – qazaqtyń temirqazyǵy

Keıingi ýaqytta hakim Abaıdyń aıtqan sózin, jazǵan naqylyn burmalap, bir ǵana ósıetine baǵa berip, sol arqyly Abaıdyń eńbegine tıisetin danyshpansymaqtar kezdesýde. Abaıdyń sózin týra maǵynasynda túsiný úlken qatelik. Ony túsiný úshin túısikke túıip, uǵyný úshin tereń bilim men sana kerek. Abaı dáýiriniń tarıhy men máselelerin jetik biletin qabilet qajet.

Abaı qazaqtyń kemshil tusyn aıtsa – jek kórgendikten emes, uly ult bolsyn dep aıtty emes pe?! Biraq ony túsinbeıtin, sanasy taıazdar da bar eken. Sondyqtan da «Qaıran sózim qor boldy» dep aqyn kezinde bir kúrsingen-aý. Abaı – qazaqtyń temirqazyǵy. О́zim sóıtemin. Aǵylshyndar nege Shekspırdi sókpeıdi? Orystar nege Pýshkındi pir tutady? Al qazaq nege óz ulysyn jaman jaqtan talqylaýǵa tıis. Ulybrıtanııa Shekspırdiń «Otello», «Makbet», «Gamlet» pen «Romeo men Djýlettasyna» arnap san fılm túsirdi. Qazaq Abaıdyń qaı qara sózine, poemasyna neshe fılm túsirdi? Endeshe nege osy jaǵyn talqylamaımyz? Abaıdy jamandaǵanyń – ózińdi jamandaǵanyń ǵoı!

 

Ashat QASENǴALI

 

...úlgi tutady

Ashyq aspan astyndaǵy kıno

Shetpede alǵash ret «Ashyq aspan astyndaǵy kıno» jastar sharasy ótti. Álemdik kınonyń eń úzdikteri men otandyq kınony nasıhattap, jastarǵa kıno ónerin kórsetýge arnalǵan is-sharanyń bul bıylǵy ótkizgen birinshi keshi emes. Osynaý ıgi bastama Elbasynyń «Rýhanı jańǵyrý» maqalasynyń aıasynda ótkizilip otyr. Sondaı-aq aýdandyq shara bıylǵy Jastar jylyna oraılastyryldy. Atalmysh ıgi sharaǵa kórermen retinde aýdannyń ár túkpirinen jastar men stýdentter aǵylyp kelýde.

 Ashyq aspan astyndaǵy kıno Shetpedegi jastar, ásirese halyq kóp shoǵyrlanatyn jastar ortalyǵy janynda, ıaǵnı ashyq aspan astynda uıymdastyryldy. Sharada alǵashqy kúni «Trasnformer», «Úı qoıany Pıter», qazaq kınosy «Shabdaly» kórkem fılderi jastar nazaryna usynyldy.

 «Keshki 21.30-dan 23.00 aralyǵynda ár aptanyń seısenbi kúni ótip turǵan sharamyzǵa aýyl turǵyndary men jastary áý bastan kóp jınaldy. Jastardyń talǵamy men kóńili neni qalaıdy, soǵan qaraı yńǵaılanatyn bolamyz. Eń alǵash halyqqa, jastarǵa kórsetken fılmimiz «Trasformer» dep atalady, ol jańa ǵasyr tehnologııalarynan, robottardyń áleminen habardar etedi. Budan soń «Úı qoıany Pıter» eresekterge arnalǵan mýltfılm. Endigisi qazaqstandyq ónim «Shabdaly» kınosy. Bul kıno qazaqy tárbıe men otbasylyq tálimdi keńinen nasıhattaıdy. Aldaǵy ýaqytta tarıhı janrdaǵy kınolardy kórsetý josparda bar», deıdi jas­tar ortalyǵynyń mamany Álııa Nurbergenqyzy.

 

Qalampyr TО́LEGENQYZY,

jastar ortalyǵynyń mamany

Mańǵystaý oblysy,

Mańǵystaý aýdany

 

...alǵysyn jetkizedi

О́z isiniń maıtalmandary eken

Búginde «Baldáýren-Qapshaǵaı» respýblıkalyq oqý-saýyqtyrý ortalyǵy balalar men jasóspirimder demalysyn uıymdastyratyn biregeı lagerge aınaldy. Aýysymnyń uzaqtyǵy óte qolaıly, jaz mezgilinde oqýshylar 15 kúnnen tynyǵady. Balalarǵa qazirgi zaman talabyna saı jabdyqtalǵan medısınalyq ońaltý-saýyqtyrý bólmeleri qyzmet kórsetedi. Kúnine bes mezgil dárýmenderge baı jemis pen qunarly taǵam beriledi.

Saýyqtyrý jáne profılaktıkalyq is-sharalary qatarynda – massaj, sý prosedýralary, emdelý vannalaryn aıtýǵa bolady. Atalǵan saýyqtyrý ortalyǵynyń medısınalyq qyzmet kórsetý jumysy óte joǵary deńgeıde, dáriger, medbıkeler óz isiniń maıtalmandary, bilikti maman ekenin baıqaýǵa bolady. Olar balalardyń densaýlyǵyn jiti nazarda ustaıdy. Osy oraıda «Baldáýren-Qapshaǵaı» lageriniń medısınalyq korpýsynyń bas dárigeri Nurbol Temirqulov, medbıkeler Tatıana Fedotova, Kuralaı Jumahmetovaǵa Nur-Sultan qalasynyń ata-analar qaýymynyń atynan alǵys bildiremiz.

 

Erke TOLBAQAN,

J.Jabaev atyndaǵy №4 mektep-gımnazııasy dırektorynyń orynbasary

 Nur-Sultan

 

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar