Sporttyń 8 túri boıynsha ótken spartakıadanyń ashylýynda oblystyq dene shynyqtyrý jáne sport basqarmasynyń basshysy Denıs Rypakov, oblystyq ardagerler uıymynyń tóraǵasy, qol kúresinen Álemniń úsh dúrkin chempıony Muqan Aǵzamov sóz alyp, jasy qyryqtan, tipti 90 degen jastyń asýynan asqan qarııalardy quttyqtap, olarǵa zor densaýlyq tiledi.Sporttyń 8 túri boıynsha ótken spartakıadanyń ashylýynda oblystyq dene shynyqtyrý jáne sport basqarmasynyń basshysy Denıs Rypakov, oblystyq ardagerler uıymynyń tóraǵasy, qol kúresinen Álemniń úsh dúrkin chempıony Muqan Aǵzamov sóz alyp, jasy qyryqtan, tipti 90 degen jastyń asýynan asqan qarııalardy quttyqtap, olarǵa zor densaýlyq tiledi.
– Spartakıadany ótkizýdegi maqsat – salamatty ómir saltyn nasıhattaý, kezinde sportpen shuǵyldanyp, el namysyn abyroımen qorǵaǵan qarııalardyń qazir de qatardan qalmaı jastarǵa úlgi kórsetip júrgenin dáleldeý, – deıdi Muqan Aǵzamov.
– Mysaly, Nıkolaı Vasılevıch Nemchınov 93 jasta. Aýyr atletıkadan halyqaralyq dárejedegi sport sheberi, 1957 jyly Máskeýde ótken KSRO chempıonatynda 57 kıloda qola medalǵa ıe bolǵan, elimizdiń birneshe dúrkin chempıony. 92 jastaǵy M.Mamıev, 87 jastaǵy Nına Aleksandrovna Slýkına bul kúnderi de buqaralyq sportpen myqtap shuǵyldanyp júr. KSRO sport sheberi, odaqtyq, elaralyq chempıonattarda san márte top jarǵan Rahymǵazy Kósherbaevtyń shákirtteri de spartakıada kórigin qyzdyrdy. Bul joly áıelder sporttyq júristen, doıbydan, erler 400 metrge júgirýden, qol kúresi, voleıboldan, eń egde jastaǵylar gir kóterýden óner kórsetti.Gir kóterýde 93 jastaǵy N.Nemchınov 8 keli bolatyn gir tasyn 44 ret kóterip, chempıon atandy. Bir ǵasyrǵa jýyq ǵumyr jasaǵan qarııanyń qarqyny súısintedi, gir tasyn urshyqtaı ıiredi.
– Sport – meniń jan serigim, ómir boıy sportpen shuǵyldanyp kelemin. Tańerteń erte turyp, jattyǵý jasaımyn, taza aýada júgiremin, shylym shekpeımin, araqqa qumar emespin, – deıdi qarııa.
Al 60, 80 jastaǵylar arasynda Qýanysh Qıarystanov jeńimpaz atansa, odan keıingi oryndardy Dinıslam Shakırtov, Qýanysh Baıandın ıelendi. 80 kıloda S.Levchenko, Iý.Shýrov júldeger atandy.Jasy qyryqtan asyp, elýge taıaǵan erler arasyndaǵy 400 metrge júgirýde Rahymǵazy Kósherbaevtyń shákirtteri Dinıslam Shakırtov, Qaırat Qabdoldın, Qýanysh Baıandın júldeli oryndardy bólisti. Al áıelder arasynda 1 shaqyrymdyq jaıaý júriste Elena Lıbert birinshi bolyp márege jetti. Odan keıingi oryndardy Ásem Dúsipova, Aqerke Qabdırovalar ıelendi.
Voleıbol oıyndary da tartysty ótti. Oǵan 8 komanda qatysyp, О́skemenniń ÚMZ komandasy qarsylas shaq keltirmedi. Ekinshi, úshinshi oryndardy О́skemen voleıbol klýby jáne Ulan aýdanynyń kuramasy ıelendi. 400 metrlik erler arasyndaǵy qashyqtyqta D.Shakırtov chempıon atandy. Onyń ýaqyty 1 mınýt 01 sekýnd. Qaırat Qabdoldın men Qýanysh Baıandın ekinshi, úshinshi oryndarǵa taban tiredi.Doıbydan áıelder arasyndaǵy jarysta Sáýle Beısembaeva birinshi oryndy ıelendi.
S.Logınovskaıa men N.Slýkına – kúmis jáne qola júldeger atandy. Júlde alǵandardy Muqan Aǵzamov pen oblystyq dene shynyqtyrý jáne sport basqarmasynyń basshysy Denıs Rypakov quttyqtap, Alǵys hattar men baǵaly syılyqtardy tabys etti. Oblystyq «Dınamo» sport qoǵamyn 30 jyl boıy basqaryp, ondaǵan Álem chempıonyn qanat qaqtyrǵan Borıs Aleksandrovıch Shalpakovty 80 jasqa tolǵan mereıtoıymen sport basshylary quttyqtady.
Ońdasyn Elýbaı,
jýrnalıst
Shyǵys Qazaqstan oblysy
