Sport • 10 Qyrkúıek, 2019

Balalar úıiniń tárbıelenýshileri arasynda fýtboldan el birinshiligi ótip jatyr

28 ret kórsetildi

Almatyda balalar úıiniń tárbıelenýshileri arasynda «Armanyńa umtyl» atty uranmen fýtboldan el birinshiligi ótýde. Dop dodasynda respýblıkamyzdyń 10 aımaǵynan kelgen 12 komanda sheberlik baıqasýda. Jeńimpazdar «Santıago Bernabeýge» barady.

Aıtýly sporttyq sharaǵa oraı keshe Ortalyq stadıonda baspasóz-máslıhaty uıymdastyryldy. Osy jıynǵa qatysqan «Qaırat» klýbynyń ardageri Vıktor Katkov jarysqa qatysýshylardy quttyqtaı kele, sharanyń máni men mańyzyna toqtaldy.

Belgili mesenat Qaırat Qudaıbergen: «Fýtbol – álemdegi eń demokratııalyq sport túri. Ony baılar da, kedeıler de, bastyqtar da, basqalar da oınaıdy. Kezinde ózim de «Qaırat» pen elimizdiń jasóspirimder quramasynyń namysyn qorǵadym. Qazir almatylyq klýbtyń fanatymyn. Balalar úıi tárbıelenýshileriniń osy joldyń tańdaǵanyna qatty qýantyp otyrmyn. Erteń osy jas órender arasynan tek sheber fýtbolshylar ǵana emes, prezıdentter men mınısterler de, basqa da laýazym ıeleri shyǵatynyna bek senimdimin. Eń bastysy, esh kedergilerge qaramastan óz armanyńyzǵa umtylyńyz. Tek sonda ǵana ár adam kózdegen maqsatyna qol jetkize alady», – dep óz oıyn túıindedi.

«BAURZHAN» qaıyrymdylyq qory, Qazaqstan fýtbol federasııasy jáne BǴM Balalardyń quqyqtaryn qorǵaý komıtetiniń muryndyq bolýymen ótip jatqan osy jarystyń jeńimpazy Ispanııadaǵy ataqty «Real Madrıd» klýby men áıgili «Santıago Bernabeý» stadıonyn óz kózderimen kórý múmkindigine ıe bolady.

Taǵy bir aıta keterlik jaıt, jeti jyl boıy uıymdastyrylyp kele jatqan birinshilikte jeńiske jetken komandalar sapyndaǵy 64 tárbıelenýshi buǵan deıin «Barselona», «Mılan», «Parı Sen- Jermen» klýbtaryna baryp, Messı, Robben, Torres, Neıman jáne taǵy basqa juldyzdarmen júzdesip qaıtqan edi.     

Sońǵy jańalyqtar

"Rýhanı qazyna – 2020" baıqaýy bastaldy

Rýhanııat • Búgin, 21:12

Atyraý oblysynda 25 adam sýǵa ketti

Aımaqtar • Búgin, 17:50

Rýbl baǵamy quldyrady

Ekonomıka • Búgin, 17:20

Almatyda jylý berý maýsymy bastaldy

Qoǵam • Búgin, 15:37

Pavlodarda jekemenshik úıden órt shyqty

Aımaqtar • Búgin, 15:23

Káriz aýystyrýdyń tyń tásili

Aımaqtar • Búgin, 13:37

Elbasy Túrkistan qalasyna bardy

Elbasy • Búgin, 12:23

Aptanyń mańyzdy 10 jańalyǵy

Qoǵam • Búgin, 11:00

Uqsas jańalyqtar