Quramynda JHL-dyń basqarýshy dırektory Kırıll Pafıfov, onyń orynbasary Pavel Makarov, JHL-dyń bas tóreshisi Mıhaıl Karpýshın, Reseı hokkeı federasııasy atqarýshy dırektorynyń orynbasary Aleksandr Kıknadze jáne eńbek sińirgen ardager Igor Týzık bar delegasııa úshin shahtaǵa ekskýrsııa uıymdastyryldy. Qonaqtar «ArselorMıttal Temirtaý» AQ Kómir departamentiniń I.Kostenko atyndaǵy shahtasynda bolyp, 600 metr tereńdiktegi kenjarǵa tústi.
JHL-dyń basqarýshy dırektory Kırıll Pafıfov buǵan deıin shahtaǵa túsip kórmegenin aıtsa, RHF-nyń bas keńesshisi Igor Týzık qurama komandalarmen 45 jyl jumys istegenin jáne burynǵy keńestik respýblıkalarǵa birneshe ret barǵanyn áńgimeledi.
– Alaıda bul qazaqstandyq shahtada tuńǵysh ret bolýym. Men muz aıdyndaǵy jáne jer astyndaǵy eńbektiń aıyrmashylyǵyn kórip, sezindim. Kenshiler eńbegin baǵalaý jáne qoldaý qajet, – dedi ol.
Reseılik qonaqtar qyzyqty ekskýrsııa úshin uıymdastyrýshylarǵa alǵys sezimin bildirdi.
Qaraǵandy oblysy
