О́ńirdiń stýdentteri, oqytýshylary, memlekettik qyzmetshileri, etnomádenı birlestikterdiń ókilderi Qaraǵandy qalasynyń «Dostyq úıinde», oqý oryndarynda, oblystyq kitaphanalarda latyn grafıkasy negizinde qazaq tilinde dıktant jazdy.
Qaraǵandy oblysyndaǵy T.Shevchenko atyndaǵy «Ridne slovo» ortalyǵynyń tóraıymy Zenovııa Krasıvskaıa bul jobaǵa ekinshi ret qatysyp otyrǵanyn maqtanyshpen aıtty.
– Dıktant jazý maǵan sonshalyqty qıyn bolmady. О́ıtkeni «Dostyq úıiniń» lıngafondyq kabınetinde qazaq tilin oqımyn. Aqparattyq tehnologııalar zamanynda biz ýaqyttan qalmaýymyz kerek. Latyn álipbıine kóshý – ýaqyt talaby. Bul qazaqstandyq qoǵamnyń rýhanı jańǵyrýyna, memlekettik tildiń mártebesin kóterýge jáne onyń bolashaǵyn qamtamasyz etýge múmkindik beredi, – dep atap ótti ol.
Bıyl Qazaqstan halqy Assambleıasynyń «Jastar jylyna» arnaǵan bul jobasy jalpyulttyq birlik pen kelisimdi nyǵaıtý, qazaqstandyq biregeılikti qalyptastyrýǵa kómektesý, halyq pen qoǵamdy biriktiretin faktor retinde memlekettik tildi úırenýge degen yntany arttyrý sııaqty maqsattardy alǵa qoıǵan.
Jazylǵan dıktant jumystary mamandar tekserýinen ótkennen keıin, úzdik qatysýshylar anyqtalyp, olar QHA-nyń alǵys hattarymen marapattalady.
Qaraǵandy oblysy
