Prezıdent • 11 Qyrkúıek, 2019

Qasym-Jomart Toqaev QHR iskerlik orta ókilderimen kezdesti

51 retkórsetildi

 

Iskerlik ortamen jıynnyń ashylýynda Prezıdent Qasym-Jomart Toqaev  Qazaqstan men Qytaıdyń 27 jyldyq yntymaqtastyǵynyń nátıjesinde eki el arasynda qarym-qatynas nyǵaıyp, jan-jaqty strategııalyq áriptestik qalyptasqanyn aıtty. Buǵan eki eldiń joǵary deńgeıde senimdi dıalog ornatýy negiz bolǵanyn da tilge tıek etti. Bul týraly Aqordanyń baspasóz qyzmeti habarlady. 

Qasym-Jomart Toqaev óz sózinde eki memleket arasyndaǵy baılanystyń nyǵaıýyna Qazaqstannyń Tuńǵysh Prezıdenti – Elbasy Nursultan Nazarbaev pen QHR Tóraǵasy Sı Szınpınniń dostyǵy zor úles qosqanyn da basa atap ótti.

Prezıdent Qazaqstan men Qytaıdyń ekonomıkalyq yntymaqtastyǵynyń bolashaǵy zor dep esepteıdi. Eki jaqty áriptestiktiń basym baǵyttaryn atap ótken Memleket basshysy eki eldiń bıznes-ókilderi bolashaqta atqaratyn jańa mindetterge de toqtaldy.

Atap aıtqanda, Qasym-Jomart Toqaev aldaǵy ýaqytta ınnovasıalyq jáne ǵylymı-tehnıkalyq baǵyttarǵa zor yqylas bólý kerektigine toqtaldy. Sondaı-aq ol atalǵan baǵyttarda Qazaqstan Qytaımen birlesip jumys isteýge daıyn ekenin de jetkizdi.

Prezıdent týrızm salasy boıynsha da oı qozǵap, ózara iskerlik baılanys pen rekreasııalyq týrızm úlken qarqynmen damyp jatqan Qazaqstanǵa qytaılyq týrısterin tartýǵa da mol múmkindik baryn aıtty. Osy rette Memleket basshysy kórshi eldiń iskerlik ortasyn Qazaqstanda qytaılyq 5A standarttaryna sáıkes týrıstik ortalyqtar salýǵa shaqyrdy.

Qytaı

Qasym-Jomart Toqaev Qazaqstan men Qytaı arasyndaǵy qarjy salasyndaǵy qarym-qatynastyń múmkindigi zor ekenine toqtaldy. Bul máselede «Astana» halyqaralyq qarjy ortalyǵynyń mańyzdy ról atqaratynyn eske saldy. Prezıdent «Astana» HQO bazasynda RMB Connect mehanızmi qurylatynyn jetizdi.

– RMB Connect jobasy ıýanmen ınvestısııalar salýǵa múmkindik beredi. Jańa ekojúıe Qytaı ıýaniniń álemge taralýyna eleýli úles qosatynyna jáne Qazaqstan kásiporyndary men óńirdegi ózge elder úshin ıýanmen operasııa jasaý boıynsha jańa esep aıyrysý-klırıng ortalyǵyna aınalatynyna senimdimin,–  dedi Memleket basshysy.

Sóz sońynda Qasym-Jomart Toqaev qazirgi jaǵdaıda «Bızneske arnalǵan úkimet» (Government to Business) formatyndaǵy ózara is-qımyl iskerlik yntymaqtastyqty jandandyrýdyń pármendi quraldarynyń biri bolyp tabylatynyn atap ótti.

Prezıdent aıtqandaı, bul kezdesý Qazaqstan men Qytaıdyń saýda-ekonomıkalyq áriptestigin tereńdetýge naqty qadam bolady.

Dóńgelek ústel barysynda iri qytaı kompanııalarynyń ókilderi, onyń ishinde «China General Technology (Group) Holding Co., Ltd» bas dırektory Lý Imın, Qytaı eksport-ımport bankiniń vıse-prezıdenti Nın Iýn, Qytaı-Eýrazııalyq Ekonomıkalyq Yntymaqtastyq qorynyń Basqarma Tóraǵasy Chjan Shılı, «China Construction Bank» Baqylaý keńesiniń tóraǵasy Van Iýnsın, «COFCO Group» vıse-prezıdenti Lýan Jıchen, «Anhui Jianghuai Automobile Co., Ltd» An Szın jáne basqalar sóz sóıledi.

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar