Parlament • 11 Qyrkúıek, 2019

Májilistiń kezekti jalpy otyrysynda ne aıtyldy

60 retkórsetildi

Májilis Spıkeri Nurlan Nyǵmatýlınniń tóraǵalyǵymen ótken jalpy otyrysta Palata Qazaqstan men Soltústik ınvestısııalyq bank arasyndaǵy Soltústik ınvestısııalyq banktiń Qazaqstan Respýblıkasyndaǵy qyzmetin retteıtin negizdemelik kelisimdi ratıfıkasııalaý týraly zań jobasyn maquldady. Bul týraly Májilistiń baspasóz qyzmeti habarlady. 

Bul kelisim elimizdegi ınvestısııalyq jobalardy qarjylandyrý úshin Soltústik ınvestısııalyq banktiń qyzmetin ashýǵa múmkindik beredi. Soltústik ınvestısııalyq bank qarjylandyrýynyń negizgi baǵyttary energetıka, «jasyl ekonomıka», telekommýnıkasııa, kólik, ónerkásiptiń túrli salalary, aýyl sharýashylyǵy, densaýlyq saqtaý sııaqty sektorlar jáne shaǵyn jáne orta bıznes bolyp tabylady. Kelisimde Qazaqstan Respýblıkasynyń zańnamalyq aktilerinde kózdelmegen normalar, atap aıtqanda, valıýtanyń aıyrbastalýy jáne qarajat aýdarý, tenderler ótkizý, sondaı-aq Soltústik ınvestısııalyq banktiń aktıvteri men kiristerin salyq salýdan bosatý jónindegi normalar belgilenedi.

Sondaı-aq osy kúni depýtattar memlekettik qyzmetter kórsetý máseleleri boıynsha túzetýlerge ekinshi oqylym boıynsha oń baǵasyn berdi. Zań jobasyn talqylaý aıasynda 775 túzetý túsip, olar múddeli mınıstrlikter, vedomstvolar men qoǵamdyq uıymdar ókilderiniń qatysýymen jumys tobynyń on segiz otyrysynda jáne komıtettiń keńeıtilgen otyrystarynda qarastyrylǵan.

Jalpy otyrysta Májilistiń 5 sessııaǵa arnalǵan jumys jospary bekitildi. Ol jóninde Májilis Tóraǵasy Nurlan Nyǵmatýlın Palata aldynda atqarylatyn jumystardyń kóptigin, onyń ishinde, parlamenttik tyńdaýlar, kóshpeli otyrystar, konferensııalar sııaqty basqa da mańyzdy sharalar qamtylǵanyn aıta kelip:

-Eń bastysy, úsh fraksııa músheleri, Assambleıa depýtattary barshamyz birlesip, sapaly zań shyǵarý mindetimizdi óte joǵary deńgeıde atqarýymyz kerek,- dep atap ótti.

Aıta keteıik, jalpy otyrysta partııalyq tizim boıynsha saılanǵan depýtat Nurlan Álimjanov ant qabyldap, Áleýmettik-mádenı damý komıtetiniń quramyna saılandy.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar