Qoǵam • 12 Qyrkúıek, 2019

Polısııanyń «bedeli»: Bir jarym jyl ótse de, urylar ustalmady

99 retkórsetildi

О́tken jyldyń 24 aqpanynda úıimizge ury tústi. Ul-qyzdarymyzdyń turmysyn jaqsartý, erteńin qamsyz etý maqsatynda jınap júrgen qarajatymyz ben qundy dúnıelerimizdiń ornyn sıpap qaldyq.

Sóıtip, urylar otbasyma 17 660 000 teńgege iri mól­sher­de zalal keltirdi. Mun­daı­da, árıne, birden Túrkistan qalalyq Polısııa basqarmasyna habarlap, aryzdandyq. Mine, sodan beri bir jarym jyl ótti, urylar ustalmady, tıisinshe dúnıe-múlkimiz de «jer jut­qan­daı» iz-tússiz joǵaldy.

Polısııa departamentiniń tabaldyryǵyn tozdyrýmen bir jarym jyl ótti. Sondaǵy estı­ti­nimiz – QR Qylmystyq ko­dek­siniń 188-baby «Urlyq» bo­ıynsha, SDTBT-ne tirkeýge aly­nyp, qylmystyq istiń qoz­ǵal­ǵany. Iske qatysty sharalar atqarylyp, surastyrý ju­mystary júrgizilgenin de bar­ǵan saıyn estımiz. Sózden, qa­ǵaz­ǵa túsirilgen osyndaı qurǵaq jaýaptan basqa dáneńe joq. Urylar qylmysyn moıyndap, polıseılerdiń aldyna kelmesi anyq. Osyndaıda kúdikti oılar­dyń da kóbeıetini zańdy. Ur­lan­ǵan dúnıe qomaqty. Urylar polıseılermen sol aqshany bólisip alǵan bolar degen oı da qylań beredi. Quqyq qorǵaý ornyna degen senim de joǵala bas­tady. Polısııanyń bedeline qatysty Prezıdent jýyrdaǵy Joldaýynda kóńilge qonymdy, kópshilik qoldaıtyn másele kóterdi.

Prezıdent Qasym-Jomart Toqaev «Syndarly qoǵamdyq dıalog – Qazaqstannyń turaq­ty­lyǵy men órkendeýiniń negizi» atty Qazaqstan halqyna Jol­daýynda quqyq qorǵaý júıe­sin tolyq reformalaý – asa mańyzdy mindetterdiń biri eke­nin atap ótti.

Iá, polısııa qyzmetine bú­gin­de syn aıtýshylar kóp. О́z qyzmetine adal azamattar da barshylyq. Degenmen, tur­ǵyn­dardyń aryz-sha­ǵymyna, qylmystyń aldyn alý nemese qylmyskerdi quryqtaýǵa salǵyrt ta nem­qu­raı­dy qaraı­tyn­dary, osylaısha, polısııa bedeline nuqsan kel­tiretinderi de, ókinishke q­araı, az emes.

Túrkistan oblysy Polısııa departamenti basshylyǵynyń bergen jaýabyna qaraǵanda, biz­diń úıde oryn alǵan páter urlyǵy aýyr sanattaǵy ur­lyqqa jatady. О́tken jyldyń 6 aıynda úsh aýyr sanattaǵy páter urlyǵy tirkelse, 2019 jyldyń 6 aıynda tirkelgen aýyr sanat­ta­ǵy páter urlyǵy jeteýge jetken. Iаǵnı, eki ese ósken. Ury­lar ustalmasa, páter tonaý­shy­lardyń erkinsı, ıaǵnı mun­daı qylmystardyń kóbeıe túseri kúmánsiz. Urlyq­tan otba­syma keltirilgen zalal tur­mystyq jaǵdaıymyzǵa keri áse­rin tıgizip qana qoımaı, alań­syz tirlikten de aıyrdy. Búginde bizde úreı basym, úıden alys shyǵýǵa qorqamyz.

Osy oraıda, tıisti organ­dar, Túrkistan oblysy Po­lı­sııa departamentiniń bas­­shylary polısııa bedelin tú­si­retin áreketsizdikti áshke­re­lep, isti sozbalańǵa sa­lýǵa jol bergenderdi ja­ýap­qa tart­sa eken. Árbir qyz­met­­keri jaýapkershilikti jiti sezi­­nip, adal eńbek etkende ǵana, Mem­leket basshysy aıt­qan­daı, polısııa qaýipsizdikti qam­ta­ma­syz etý úshin aza­mat­tar­ǵa qyzmet kórsetetin organǵa aınalady.

 

Bekbolat QASIMINULY,

Túrkistan qalasynyń turǵyny

 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar