Rýhanııat • 12 Qyrkúıek, 2019

Baýyrjan Baıbek: Saıası uıymymyz aıtysqa aıryqsha nazar aýdaryp otyr

74 retkórsetildi

«Nur Otan» partııasy, «Qazaqstan» RTRK jáne «Aıtys aqyndary men jyrshy, termeshilerdiń halyqaralyq odaǵy» respýblıkalyq qoǵamdyq birlestigi ózara yntymaqtastyq týraly memorandýmǵa qol qoıdy. Úshjaqty kelisimge sáıkes, jyl sońyna deıin «Nur Otan» partııasynyń qoldaýymen elimizdiń birneshe aımaǵynda ótetin barlyq aıtysty «Qazaqstan» telearnasyna aqparattyq súıemeldeýge, ıaǵnı, sóz alamanyn túsirýge jáne efırge shyǵarýǵa quqyq beredi. Bul týraly «Nur Otan» partııasynyń baspasóz qyzmeti habarlady.

Partııa Tóraǵasynyń Birinshi orynbasary Baýyrjan Baıbek buǵan deıin óziniń Instagram paraqshasynda «Nur Otan» partııasynyń doktrınasynda qazaq tilin, mádenıeti men salt-dástúrin damytý qoǵamdyq birlestiktiń strategııalyq basym baǵyttarynyń biri ekeni týraly aıtqan-dy. Osy oraıda, «Nur Otan» daryndy shyǵarmashyl jastardy qoldaı otyryp, tól ónerimiz ben ulttyq sport túrlerine udaıy qamqorlyq jasap keledi. 

«Táýelsizdiktiń alǵashqy sátinen-aq Elbasy ultymyzdyń uly murasyn, ozyq dástúrleri men mádenı qazynasyn túgendeýge, olardy zamanǵa saı túletip, jańǵyrtýǵa erekshe den qoıdy. Halyq óneriniń órkendeýine jaǵdaı jasap, daryndy jandarǵa jol ashty. Elbasynyń tikeleı bastamasymen iske asyrylǵan «Mádenı mura» jobasynda, «Bolashaqqa baǵdar: rýhanı jańǵyrý», «Uly Dalanyń jeti qyry» baǵdarlamalyq maqalalarynda da ulttyq rýhanı muramyzdy, qundy jádigerlerimizdi, sporttyq oıyndarymyz ben óner saıystaryn túgendep, damytýǵa erekshe mán berilgen. Ejelden «Bas kespek bolsa da, til kespek joq» dep, han aldynda dat aıtyp, erkin oıǵa erik bergen, barshaǵa birdeı teńdik bergen elmiz. Sondyqtan ultymyzdyń osyndaı ozyq ónerin, izgi dástúrlerin jalǵastyrý bizdi kemeldendire túsedi. Osyǵan oraı, partııa Tóraǵasynyń bastamasymen qaıta jańǵyrýǵa kirisip, ekinshi tynysy ashylyp otyrǵan saıası uıymymyz aıtysqa aıryqsha nazar aýdaryp otyr», dep jazdy Baýyrjan Baıbek.

12-13 qyrkúıekte Atyraý qalasynda Farıza Ońǵarsynovany eske alýǵa arnalǵan «Jyr juldyzy – Farıza» atty respýblıkalyq aıtys ótedi. Aıtys dese arqasy qozatyn kópshilik aldynda Aspanbek Shuǵataev, Erkebulan Qaınazarov sııaqty basqa da belgili aıtyskerler óner kórsetedi.

18-19 qyrkúıekte Qaraǵandyda Sáken Seıfýllınniń 125 jyldyǵyna arnalǵan halyqaralyq aıtys bolady. Bul alamanǵa jergilikti aıtyskerlerden bólek Qyrǵyzstan, Qytaı jáne Mońǵolııa elderinen kelgen sýyryp salma sóz maıtalmandary qatysady.

30 qyrkúıekte Almatyda «Otan otbasynan bastalady» atty otbasylyq aıtys, al 19 qazanda Nur-Sultan qalasynda «Bereke birligińde, elim» degen atpen taǵy bir alaman ótpek.

Bıyl ótetin sóz báıgelerin Oral qalasynda 7-8 jeltoqsanda ótetin «Altyn dombyra» respýblıkalyq festıvali túıindeıdi.

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar