Taǵaıyndaý • 12 Qyrkúıek, 2019

Almaty oblysy ákiminiń jańa orynbasary taǵaıyndaldy

86 ret kórsetildi

Almaty oblysy ákiminiń ókimimen Batyrjan Qulaımergenuly Baıjumanov Almaty oblysy ákiminiń orynbasary bolyp taǵaıyndaldy. Bul týraly Almaty oblysy ákimdiginiń baspasóz qyzmeti habarlady.

«Qazaqstan Respýblıkasy Prezıdenti Ákimshiliginiń kelisimimen meniń 2019 jylǵy 12 qyrkúıektegi buıryǵym boıynsha Batyrjan Kúlimergenuly Baıjumanov Almaty oblysy ákiminiń orynbasary bolyp taǵaıyndaldy», dedi Almaty oblysynyń ákimi Amandyq Batalov beısenbi kúni ótken keńeste.

Batyrjan Baıjumanov 1976 jyly týǵan. Qazaq memlekettik agrarlyq ýnıversıtetin jáne Abaı atyndaǵy Qazaq Ulttyq ýnıversıtetin bitirgen. Mamandyǵy boıynsha – ǵalym agronom, memlekettik basqarý menedjeri. 2008 jyly «Desentralızasııa» baǵdarlamasy arqyly Dıýka ýnıversıtetinde (AQSh) bilim aldy.

Eńbek jolyn 1999 jyly bastap, Almaty qalasyndaǵy bıznes qurylymdarynda jumys istedi.

Ár jyldarda Qazaqstan Respýblıkasy Aýyl sharýashylyǵy mınıstrliginde, sol sııaqty Premer-Mınıstr Keńsesiniń aǵa mamany, sarapshysy, Prezıdent Keńsesiniń aǵa, bas sarapshysy, konsýltanty, Prezıdent Ákimshiliginiń ınspektory, memlekettik ınspektory, «KazAgroInnovasııa» AQ Basqarma tóraǵasynyń orynbasary, «Ulttyq agrarlyq ǵylymı-bilim berý ortalyǵy» AQ Basqarma tóraǵasynyń orynbasary qyzmetterin atqarǵan.

2017 jyldyń sáýir aıynan – Almaty oblysy ákimi apparatynyń basshysy.

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar