Qazaqstan • 11 Qyrkúıek, 2019

Jazasyn óteýshilerge kómek kórsetý jalǵasa beredi

53 ret kórsetildi

Qylmystyq-atqarý ınspeksııasy probasııa qyzmeti esebinde turǵan adamdar úshin, sondaı-aq, bas bostandyǵynan aıyrý oryndarynan bosatylǵan adamdar úshin jumys oryndaryna kvota belgileý týraly engizildi.

       Joǵaryda kórsetilgenderdi basshylyqqa ala otyryp, Úkimettiń 2014 jylǵy 23 qazandaǵy №1131 Qaýlysyn oryndaý maqsatynda Aqtóbe oblysy Alǵa aýdandyq probasııa qyzmetiniń esebinde turǵan sottalǵandarǵa áleýmettik-quqyqtyq kómek kórsetilip jatyr. Naqty aıtqanda, sottalǵandarmen áńgimelesý barysynda olar áleýmettik-quqyqtyq kómekke muqtaj bolǵan jaǵdaıda Probasııa qyzmeti áleýmettik-quqyqtyq kómek kórsetýdiń jeke baǵdarlamasyn quryp, onyń kóshirmesin quzyrly mekemelerge oryndaý úshin joldaıdy.

      Jeke ázirlengen baǵdarlamaǵa sáıkes bas bostandyǵyn shekteý jazasy men shartty túrde sottalǵan adamdarǵa, sondaı-aq, bas bostandyǵynan aıyrý oryndarynan bosatylǵan, oǵan qatysty sot ákimshilik qadaǵalaý belgilegen adamdarǵa áleýmettik-quqyqtyq kómek kórsetýdi júzege asyrý kezinde probasııa qyzmetine jergilikti atqarýshy organdar, úkimettik emes uıymdar jáne basqa da uıymdar járdem kórsetedi. Qazirgi tańda medısınalyq kómek jáne jumysqa ornalastyrý jáne taǵy basqa kómekter kórsetilip jatyr, onyń ishinde 2 sottalǵan adam «Aqtóbe oblysy Alǵa aýdanynyń jumyspen qamtý ortalyǵy» memlekettik mekemesi arqyly baǵdarlamanyń 1-baǵyty boıynsha ýaqytsha maýsymdyq aqyly qoǵamdyq jumysqa ornalastyryldy. Barlyǵy 7 sottalǵan adam jumyspen qamtyldy.

     Probasııa qyzmetteriniń negizgi atqaratyn jumysy – sottalǵandarǵa Zańmen bilgilengen kómek kórsetý jumysyn iske asyrý. Sebebi, qylmys istep, ózin qoǵam ishinde eshkimge kereksiz bolǵanyn kórip, bolashaq ómirinen úmitin úzgen jandar az emes. Al osyndaı adamdarǵa Úkimet tarapynan der kezinde qol ushyn berip, qajetti kómek kórsetilgen jaǵdaıda kóptegen azamattyń durys jolǵa túsetinine senim zor.

      Probasııa qyzmetiniń maqsaty – árbir sottalýshynyń minez-qulqyndaǵy ózgerister men ómirge, qorshaǵan ortaǵa degen kózqarasyna sáıkes jeke áńgimeler ótkizip, múmkindiginshe salamatty azamattar qataryna qosý.

 

Rýslan TО́REBAEV,

Aqtóbe oblysy QAJD

Alǵa aýdandyq probasııa qyzmeti bastyǵynyń m.a.,

                   ádilet aǵa leıtenanty                                                                           

 

 

 

 

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar