Sharaǵa Kúrshim, Úrjar, Zaısan, Tarbaǵataı, uzyn sany alty aýdannan 20 tonna qarbyz ákelindi. Festıvaldiń ashylýynda sóz alǵan qala ákimi Jaqsylyq Omar shara kelesi jyly da jalǵasyn tabatynyn, maqsat qala turǵyndaryna aýyl dámin tattyrý bolǵandyǵyn jetkizdi. Qarbyz merekesine kelgen jurt «Eń úlken qarbyz», «Arqan tartys», «Taǵy bir tilimi kimge?», «Qarbyz jaıly kim biledi?», «Shahmat», «Epti qarbyz» sekildi oıyndarǵa belsene qatysyp, qarbyzdan jasalǵan ártúrli músinderdi tamashalady. Sonymen ne kerek, «Eń úlken qarbyz» atalymynda jurt kútkendeı kúrshimdik baǵban 21 kılodan asyp túsken qarbyzymen top jardy. «Qarbyzdyń dámdi ári kólemdi bolýy dánge emes, bizge de emes, tabıǵatqa baılanysty. «Kúrshimniń qarbyzy qaı tusta satylyp jatyr?» dep surap jatqandar kóp boldy, buǵan biz óte qýanyshtymyz», deıdi jeńimpaz Saǵatbek Muhamedjanov.
Aıtpaqshy, osy shara ótkennen keıin áleýmettik jelide «Qarbyz party» festıvali О́skemende emes, qarbyzdyń Otany Kúrshimde nege ótpeıdi?» degen pikirler kóp aıtyldy. Jeli qoldanýshylaryna Kúrshim aýdany ákimdigi de jedel jaýap berip, festıvaldi ótkizýge daıyn ekendikterin jetkizdi.
