Qazaqstan • 13 Qyrkúıek, 2019

«Altyn Adam» Ankarada asqaqtaldy

97 retkórsetildi

Elimizdiń eń kórnekti tarıhı murasy «Altyn adam» Ankarada tanystyryldy. Eýropanyń eń úzdik dep tabylǵan Anadoly órkenıetter mýzeıinde «Uly Dala: tarıh jáne mádenıet» kórmesi saltanatty rásimmen ashyldy. Bul týraly Qazaqstannyń Túrkııadaǵy elshiligi habarlaıdy.

«Uly Dala: tarıh jáne mádenıet» kórmesiniń maqsaty – Qazaqstannyń tarıhı-mádenı baı murasymen sheteldik kórermendi tanystyrý.

Aıtýly sharaǵa, Túrkııa Respýblıkasy mádenı qundylyqtar jáne mýzeıler basqarmasy dırektorynyń orynbasary Seıit Ahmet Arslan, Qazaqstannyń Túrkııadaǵy Elshisi Abzal Saparbekuly, Qazaqstannyń Ulttyq mýzeıi dırektory Arystanbek Muhamedıuly, TÚRKSOI Bas hatshysy Dúısen Qaseıinov qatysty.

Kórme ashylar aldynda buqaralyq aqparat ókilderi úshin baspasóz otyrysy ótti. Jıynda kórme jaıly aqparat berilip, sharanyń mańyzdylyǵy atap ótildi. Sondaı-aq Qazaqstan men Túrkııanyń bas mýzeıleri arasynda yntymaqtastyq týraly hattamaǵa qol qoıyldy.

1

Kórmege Qazaqstan Respýblıkasynyń sımvoly sanalatyn «Altyn adam» qoıyldy. 1960-jyldardyń sońy men 1970-jyldardyń basynda Almatynyń mańaıynda tanymal arheolog Kemal Aqyshev zerttep júrgen Esik qorǵanynan, keıin Qazaqstannyń sımvolyna aınalǵan, saq patshasy – «Altyn adamnyń» súıegi tabylǵan arheologııalyq sensasııa oryn aldy. Baǵa jetpes oljaǵa «Qazaq Týtanhamony» degen at berilip, «ǵasyr jańalyǵy» dep tanyldy.  Ejelgi dala bıleýshisiniń tájindegi qanatty altyn pyraq áshekeıleri Qazaqstan Respýblıkasy Eltańbasynyń bólshegine aınaldy, al Altyn adamnyń músini Almatydaǵy Táýelsizdik alańyna ornatyldy. 

Kórmeniń ashylý saltanatynda sóz alǵan Qazaqstannyń Túrkııadaǵy Tótenshe jáne О́kiletti Elshisi Abzal Saparbekuly: «Altyn adamnyń álem murajaılaryna sherýi» halyqaralyq kórme jobasynyń baýyrlas Túrkııaǵa kelip jetkeni barshamyzdy erekshe qýantyp otyr. «Uly dala tarıhy jáne mádenıeti» atty osy kórme arqyly ultymyzdyń baǵa jetpes qazynasyn tamashalaýdyń taptyrmas múmkindigine ıe bolyp otyrmyz. Osy is-shara arqyly túrik kórermeniniń de qazaqtyń baı tarıhı jáne mádenı murasymen tanysyp, tánti bolaryna kúmánim joq», dedi.

1

Ulttyq mýzeı dırektory  Arystanbek Muhamedıuly: «Túrkııa Respýblıkasynyń Ankara qalasynda uıymdastyrylyp otyrǵan búgingi «Uly dala: tarıh jáne mádenıet» atty kórmeniń maqsaty Eýrazııanyń Uly Dala beldeýinde erte temir dáýirinen qazirgi zamanǵa deıin qalyptasqan tarıhı-mádenı murany baýyrlas Túrkııa eline tanystyrý bolyp tabylady», - dedi óz sózinde.  

«Altyn adamnyń álem mýzeılerine sherýi» jobasy sheńberinde Belarýs, Reseı, Ázerbaıjan, Qytaı, Polsha jáne Ońtústik Koreıa, О́zbekstan, Makedonııa mýzeılerinde kórmeler úlken jetistikpen ótti. Kórme 2019 jyldyń sońyna deıin taǵy da eki el kórermenine jol tartady.

1

Kórmege Qazaqstan Respýblıkasy Ulttyq mýzeıiniń qorlarynan barlyǵy 200-den astam zat usynyldy. Qoıylǵan jádigerler Eýrazııa dala mádenıeti murasynyń ózindik ereksheligin kórsetetin, burynǵy dáýirdiń esimderi belgisiz sheberleri jasaǵan ǵajap týyndylardyń az ǵana bóligi.

Aıta ketken jón, Anadoly órkenıetter mýzeıi 1921 jyly el kósemi Mustafa Kemal Atatúriktiń bastamasymen qurylǵan. Tarıhı eksponattarynyń sany turǵysynan Túrkııanyń eń úlken ekinshi murajaıy bolyp tabylady. Búginde munda ártúrli kezeńge tıisti 200 myńǵa jýyq tarıhı jádigerler saqtalǵan. 1997 jyly Eýropanyń eń úzdik mýzeıi degen ataq berilgen. Tarıhı murajaıǵa aıyna shamamen 50 myńnan astam jergilikti jáne shet eldik týrıster turaqtaıdy.

 1

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar