Álem • 13 Qyrkúıek, 2019

О́zbekstan Túrki keńesiniń quramyna kiretin boldy

33 retkórsetildi

О́zbekstan Túrkitildes memleketterdiń yntymaqtastyq keńesine múshelikke ótý jóninde sheshim qabyldady. Túrkııa SIM basshysy Mevlıýt Chavýshoglý osylaı málimdedi, dep habarlaıdy QazAqparat Anadolý agenttigine silteme jasap.

 

Onyń aıtýynsha, Túrkitildes memleketterdiń yntymaqtastyq keńesi birtindep keńeıip keledi, halyqaralyq uıymnyń kezekti sammıti 16 qazanda ótkiziledi.

«О́zbekstan Túrkitildes memleketterdiń yntymaqtastyq keńesine múshelikke ótý jóninde sheshim qabyldady. О́zbek tarapynyń resmı ótinishi Túrki keńesiniń hatshylyǵyna kelip tústi dedi», - dedi Mevlıýt Chavýshoglý.

Túrkııa Syrtqy ister mınıstriniń aıtýynsha, múshelikke ótýge qajetti qujattar Tashkentke berilgen. Resmı múshelikke ótý úderisi taıaý arada aıaqtalady.

«Ashǵabat keńeske baqylaýshy memleket retinde qatysýǵa ázir ekenin jetkizdi. Bizdiń tarapqa  Túrikmenstan eki márte oń nıet tanytty», - dedi  Chavýshoglý.

Mınıstrdiń atap ótýinshe, Túrkitildes memleketterdiń yntymaqtastyq keńesiniń Bas hatshysy Baǵdat Ámireev kómekshisimen birge Ashǵabat attanbaqshy.

Jaqynda Túrkitildes memleketterdiń yntymaqtastyq keńesi mańyzdy aımaqtyq oıynshyǵa aınalady, deıdi Chavýshoglý. Byltyrǵy Ystyqkólde ótken sammıt kezinde Majarstan keńeske baqylaýshy memleket retinde qosylǵanyn mınıstr eske saldy.

19 qyrkúıekte Býdapeshtte Túrkitildes memleketterdiń yntymaqtastyq keńesiniń eýropalyq keńesi ashylady, oǵan uıymǵa múshe elderdiń SIM basshylary qatysady, dedi Chavýshoglý.

Eske sala ketsek, 2009 jyly qazan aıynda Nahchyvanda (Ázerbaıjan) ótken sammıtte jańa uıym qurylǵany jarııa etildi, onyń tujyrymdary 2010 jyly 16 qyrkúıektegi Ystanbul deklarasııasynda kórsetilgen. Alǵashqy kezeńde Túrki keńesine Túrkııa, Ázerbaıjan, Qazaqstan men Qyrǵyzstan kirdi. Uıym qurylǵaly beri Túrki keńesine múshe memleketterdiń basshylarynyń alty kezdesýi ótkizildi. 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar