Aımaqtar • 13 Qyrkúıek, 2019

О́skemende Erejep Mámbetqazıev atyndaǵy hımııa dárishanasy ashyldy   

81 retkórsetildi

Dárishana osy oqý ornynyń alǵashqy rektory Erejep Mámbetqazıev qurmetine ashyldy.

 mám

Keshe О́skemendegi S.Amanjolov atyndaǵy ShQMÝ-da osy oqý ornynyń alǵashqy rektory, qurmetti professory, hımııa ǵylymynyń doktory, UǴA akademıgi Erejep Mámbetqazıev atyndaǵy jalpy hımııa dárishanasynyń ashylý rásimi ótti. ShQMÝ men KAZ Minerals toby arasyndaǵy áleýmettik seriktestik aıasynda jumysyn bastaǵan dárishananyń ashylý saltanatyna KAZ Minerals toby qyzmetkerlerdi basqarý departamentiniń dırektory Paul Gahagan jáne KAZ Minerals kompanııasynyń tehnıkalyq dırektory Johan Barnard, Qazaqstan-Amerıka erkin ýnıversıtetiniń oqytýshylary men jetekshileri qatysty. 

mám 1

Dárishana qabyrǵasynda E.Mámbetqazıevtiń eńbek jolyn kórsetetin ómirbaıany usynylǵan. Sondaı-aq, Erejep Álqaıyrulyna arnalǵan materıaldar, kitaptar jáne onyń ózi jazǵan eńbekter qoıylǵan. Dárishana janynan zamanaýı qural-jabdyqtarmen jaraqtalǵan zerthana da ashylyp otyr. Is-shara aıasynda oqý ornynda E.Mámbetqazıev týraly basylymdardyń, onyń ózi jazǵan kitaptardyń, sonymen qatar 18-19 ǵasyrdaǵy oqýlyqtardyń kórmesi uıymdastyryldy.

mám 3

mám 4

«Búgin S.Amanjolov atyndaǵy ShQMÝ-da qýanyshty oqıǵa. Biz Erejep Álqaıyruly Mámbetqazıev atyndaǵy kabınetti ashyp otyrmyz, osylaısha biz táýelsiz Qazaqstandaǵy úshinshi ýnıversıtettiń – oqý ornymyzdyń qalyptasýy men damýyna zor úles qosqan adamǵa qurmet kórsetýdemiz. Erejep Álqaıyruly elimizde jáne ózge memleketterde Qazaqstandaǵy bilim júıesiniń kóshbasshysy, keremet uıymdastyrýshy, ǵylymı kóregendigi bar tulǵa retinde tanymal. Ýnıversıtet rektory bola júrip ol ShQMÝ men shetel joǵary oqý oryndary, óndiris oryndary, kásipkerler arasyndaǵy seriktestiktiń negizin qalady» dedi ShQMÝ rektory Muhtar Tólegen.

О́z sózinde E.Mámbetqazıev burynǵy jáne qazirgi áriptesterine rızashylyǵyn bildirip, oqý ornyna tabystar tiledi.

mám 4

Sonymen qatar osy kúni ýnıversıtette «Irgeli ǵylymı zertteýler: hımııa ǵylymy men bilimindegi ınnovasııalar» halyqaralyq ǵylymı-tájirıbelik konferensııasy ótti. Konferensııa barysynda ýnıversıtet rektory Muhtar Tólegen Erejep Álqaıyrulyna Sársen Amanjolov atyndaǵy medaldy tabys etti.

mám 6

О́SKEMEN

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar