Is-sharaǵa Qazaqstan Qarýly Kúshteri aýmaqtyq shtaby departamentiniń bastyǵy Sultan Kamaletdınov, Aqtóbe oblysy Qorǵanys isteri jónindegi departament basshysy Seıitkerim Arapbaev, 6655 áskerı bóliminiń komandıri Mıras Turdalın, , Aqtóbe garnızonynyń bastyǵy, 30238 áskerı bóliminiń komandıri Rýslan О́tepov qatysty.
«Oqý-jattyǵý Memleket basshysynyń jedel jáne jaýyngerlik daıarlyq deńgeıin arttyrý jónindegi tapsyrmasyn oryndaýǵa baǵyttalǵan. Sondaı-aq aýmaqtyq qorǵanys brıgadasynyń strategııalyq obektine kúzetý men qorǵaý is-qımyldaryna jaýyngerlik ázirligin tekserý, komandalyq quramnyń kásibılik daǵdylaryn jetildirý maqsatynda ótkiziledi», dedi oblys basshysy.
Oqý-jattyǵý boıynsha 60 azamat zańsyz Memlekettik shekaradan ótip, oblys aýmaǵyna kiredi. Sodyrlardyń maqsaty-Aqtóbe qalasynyń halyqaralyq áýejaıynda dıversııa jasaý. Sodyrlardyń dıversııalyq-barlaý toby aldyn ala málimetter boıynsha atys qarýymen, pýlemettermen, granatometrlermen, tasymaldanatyn zenıttik keshendermen, jarylǵysh qurylǵylarmen jáne ýlandyrǵysh zattarmen qarýlanǵan.
Úsh kúnge jalǵasqan oqý-jattyǵýǵa 200-ge jýyq adam qatysty. Mı-8 tikushaǵy, Iаk-40 ushaǵy, órt sóndirý jáne sanıtarlyq avtomobılder, sondaı-aq qyzmettik-izdestirý ıtteri men , áskerı tehnıka jumyldyryldy.
Ońdasyn Orazalın Aqtóbe oblysy Qorǵanys isteri jónindegi departament basshysyna mundaı oqý-jattyǵýlardy jıi uıymdastyrý qajettigin aıtty.
