Degenmen, oblys ákimi tapsyrmalarynyń oryndalýyna monıtorıng jasaý kezinde BAQ pen áleýmettik jelilerdi sholý barysynda jaýapty memlekettik organdardyń málimetterdi jalǵan bergendigi anyqtaldy. Mundaı jalǵan málimettiń berilgendigi Aqtóbe qalasy jáne Alǵa aýdanynyń ákimdikterinde kezdesip otyr. BAQ betterinde jáne áleýmettik jelilerde turǵyndar kótergen másele oń sheshimin tappaǵan. Kóshpeli tekserý jumysy aldaǵy ýaqytta da jalǵasatyn bolady.
Bul máseleden habardar bolǵan aımaq basshysy qala, aýdan ákimderine eskertý jasady.
«Oryndalmaǵan jumysty oryndalǵan dep aqpar bergen memlekettik organ mamandaryn anyqtap, tıisti shara qoldanylsyn, tipti jumystan bosatylsa da artyq bolmaıdy»,-dedi oblys ákimi.
О́ńir basshysynyń jınalystar men jumys saparlarynyń qorytyndysy boıynsha berilgen 218 tapsyrmanyń 155 oryndalý ústinde, Áıteke bı, Muǵaljar, Shalqar aýdandary men Aqtóbe qalasy, birneshe basqarmalarǵa berilgen jalpy sany 29 tapsyrma ýaqytynan keshikken.
Sonymen qatar jergilikti memlekettik organdardyń ashyq derekteri bar jumysy týraly «Ashyq úkimet» portalynda jyl saıyn Úkimet resmı ınternet-resýrstardy basqarý jónindegi memlekettik organdar qyzmetiniń tıimdiligine baǵalaý júrgizedi. Bul reıtıngterde memlekettik organnyń ınternet-resýrsyn, sondaı-aq «Ashyq NQA» jáne «Ashyq derekter» portaldaryn tolyqtyrý bóliginde aqparatqa qol jetkizý týraly Zańnyń talaptaryn saqtaý eskeriledi.О́tken jyly Aqtóbe oblysynyń ákimdigi 100 balldyń 64,65-in jınaǵan. Mundaı tómen kórsetkishten arylý úshin memlekettik organdar ınternet-resýrsty kúsheıtip, aqparatqa qoljetimdilikti arttyra túsý qajet.
Apparat basshysy sondaı-aq, oblys ákimi orynbasarlarynyń turǵyndardy jeke qabyldaý belsendiligin arttyrý kerektigin aıtty. Ákim orynbasarlarynyń arasynda turǵyndardy jeke qabyldaýǵa qatysty 8 aıǵa júrgizilgen monıtorıng boıynsha Marat Toǵjanov 125 azamatpen kezdesip tizimniń aldynda tur, odan keıingi tizimde 105 azamatqa qabyldaý júrgizgen Rahat Sydyqov, 82 - Oljas Smaǵulov, 80 - Amanǵalı Berdalın, Qaırat Bekenov 58 jeke qabyldaý ótkizgen.
«Azamattardy jeke qabyldaýǵa belgilengen kesteden bólek, aýdandarǵa jasaǵan is-sapar barysynda da turǵyndardy jeke qabyldap problemalaryn tyńdaý qajet»,-dedi aımaq basshysy.
