Qazaqstan • 13 Qyrkúıek, 2019

Erikti bolý - erlik

131 retkórsetildi

О́z erkimen qoǵamǵa paıdasyn tıgizýdi kózdeıtin eriktilerdiń qatary jyl sanap artyp keledi. Búginde álem halqynyń 970 mıllıony volonter bolsa, onyń ishinde árbir segizinshi qazaqstandyq eriktiler qataryn tolyqtyrýda.

Mamyr aıynda Qostanaıda ótken Qazaqstan-Reseı jastarynyń forýmynda «Ulttyq eriktiler jelisi» uıymynyń tóraıymy Vera Kım 2020 jyldy Eriktiler jyly dep jarııalaýdy usyndy. Memleket basshysy Qasym-Jomart Toqaev bul usynysty qoldaıtynyn atap ótken. «QR Prezıdenti retinde men árqashan volonterlardyń qozǵalysyn qoldaıtynymdy jetkizemin. Sondyqtan Sizderdiń kelesi jyldy Volonterlar qozǵalysynyń jyly dep jarııalaý týraly usynystaryńyzdy tolyǵymen qoldaımyn. Eriktiler - jany taza adamdar. Olar - eldiń shynaıy patrıoty, sol úshin de qurmetim sheksiz. Belsendi azamattyq ustanymdaryńyz memlekettiń damýyna aıtarlyqtaı septigin tıgizetini sózsiz», - dedi Prezıdent. Kóp uzamaı, 2020 jyl Qazaqstanda Volonter jyly dep jarııalandy. 26 tamyzda Memleket basshysy qaýlyǵa qol qoıdy. Ol boıynsha Úkimetke Volonter jylyn ótkizý boıynsha qajetti sharalar qabyldaýdy tapsyrdy.  

2016 jyly 22 jeltoqsanda ótken Senat otyrysynda «Eriktiler qyzmeti týraly» Zań qabyldandy. Zańda kórsetilgendeı eriktiler qyzmeti – jeke tulǵalarǵa, kásiporyn - kompanııalarǵa, áleýmettik toptarǵa kómek kórsetý, qorshaǵan ortany qorǵaý, azamattyq pozısııany qalyptastyrý, ózin-ózi uıymdastyrý, áleýmettik jaýapkershilik, ózara kómek kórsetý jáne qoǵamda qaıyrymdylyq jasaý.

«Ulttyq eriktiler jelisi» jetekshisi Vera Kımniń aıtýynsha, 19-baptan turatyn zańda volonter degenimiz kim, olardyń qyzmetin memlekettik turǵyda retteý, volonter jumysyn uıymdastyrý jáne Qazaqstan Respýblıkasynyń volonterlik qyzmet týraly zańnamasyn buzǵany úshin jaýaptylyq syndy kóptegen mańyzdy dúnıeler keltirilgen.

Jyl ótken saıyn eriktilerge erekshe kózqaras qalyptasýda. Sonyń biri jaqynda ǵana eriktiler qaýymynyń qýanyshyna sebep bolǵan  50 myń teńge. Eriktilikke árkim óz erkimen kelgenimen, el úkimeti etken eńbekti elegeni eriktilerge jiger syılaǵany anyq.

QR Bilim jáne ǵylym mınıstrligi men QR Aqparat jáne qoǵamdyq damý mınıstrligi  «Áleýmettik stýdenttik kredıt» jobasyn iske asyrý maqsatynda yntymaqtastyq týraly memorandýmǵa qol qoıdy. Balalar úıinen bastap, áleýmettik mekemelerde jáne ártúrli sharalar barysynda volonter bolǵan stýdentter atalǵan joba aıasynda syıaqy alatyn bolady. «Áleýmettik stýdenttik kredıt» jobasy osy jyldyń qyrkúıek aıynda júzege asady. «Qazvolunteer.kz» volonterlerdiń biryńǵaı ınternet tuǵyrnamasynda jobaǵa qatysty barlyq aqparat shyǵady. Aqparat jáne qoǵamdyq damý vıse-mınıstri Danııar Esınniń aıtýynsha, «Qazvolunteer.kz»  biryńǵaı platformasy Qazaqstannyń volonterleri men volonterlik uıymdarynyń qyzmetin úılestirýge, volonterlik jobalarǵa aqparattyq qoldaý kórsetýge múmkindik beredi. Atalǵan platformaǵa 800 erikti men 70 uıym tirkelip úlgergen.

QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaevtyń aıtýynsha, atalǵan joba júzege assa, stýdent-eriktilerdiń oqý aqysyn tóleýine taptyrmas múmkindik bolmaq. Jekemenshik, memlekettik ýnıversıtette bilim alyp jatqan árbir stýdent bul jobaǵa qatysýǵa quqyǵy bar. «Eriktiler tańdaýyna vaýcherdiń eki kredıtti jáne bes kredıtti eki túri usynylady. Erikti eki kredıtti vaýcherge 20 myń teńge alyp, tıisti baǵdarlamany oryndaıdy. 5 kredıtti baǵdarlama boıynsha eki kredıtke qaraǵanda kóbirek jumys isteýge týra keledi», – dedi ol.

Áleýmettik stýdenttik vaýcher qoǵam úshin paıdaly ispen aınalysatyn stýdentterge myna baǵyttar boıynsha usynylady:

ınklıýzıvti bilim berý;

repetıtorlyq (qazaq tili, aǵylshyn tili, kompıýterlik saýattylyq);

devıantty minez-qulyqty kámeletke tolmaǵan balalarmen jumys;

aýla jáne sport klýbtaryn uıymdastyrý;

qart adamdarǵa áleýmettik kómek kórsetý.

Kúzde júzege asatyn baǵdarlamamen 50 myń stýdentti qamtý josparlanǵan.

Búgingi tańda elimizdiń túkpir-túkpirinde 200 volonterlyq uıym jumys isteıdi. Solardyń biri – «Eriktiler lıgasy» qoǵamdyq qory. 2014 jyly qurylǵan qordyń búgingi tańda 2860 volonterlyq bazasy bar. Áleýmettik, densaýlyq, bilim, ekologııalyq baǵyt jáne óz-ózin damytý salalary boıynsha 10 myńnan asa erikti jumys isteıdi. Qoǵamdyq uıym tóraıymy Aısulý Ernııazovanyń aıtýynsha, qor Otbasym, Shabytym, Tabysym, Qazynam, Qulynym, Kúsh-qýatym jáne Ólkem atty 8 salaǵa bólinip, naqty bekitilgen is-sharalarmen jumys isteıdi.

Aıjan Maratqyzy Almaty qalasyndaǵy №15 gımnazııasynda 11-synypta oqıdy. Bolashaqta týrızm baǵytyna bet burǵysy keledi. Aıjan osy jyldyń 18 naýryzynan bastap ómiriniń jańa bir kezeńin bastady. Ol – erikti. Iаǵnı, aınalysyndaǵy adamdarǵa paıdamdy tıgizsem deıtin volonter boldy. Onyń aıtýynsha, árbir eriktiniń basty mindeti – óz erkimen kómektesý. Keıipkerimiz 16 jasynan bastap «Eriktiler lıgasy» qoǵamynyń bir múshesi atanyp, bas koordınatorlardan kelgen tapsyrmalardy tyńǵylyqty oryndaýǵa tyrysady.

volonter

«Erikti bolǵannan keıin ár is sharaǵa qatysýǵa tyrysamyn. Naýryz aıynan bastap óte kóp qyzyqty is sharalar boldy. Men úshin eń qyzyqty joba – Almaty Marathon. Sebebi bul men qatysqan eń alǵash aýqymdy joba edi», deıdi Aıjan Maratqyzy. Al erikti bolýdyń qandaı artyqshylyqtary bar degenimizde, keıipkerimiz bylaı dep jaýap berdi: «Kez kelgen jobada júrgendegi oıym «álemdi meıirim qutqarady». Bos ýaqytyńdy tıimdi paıdalanyp, jobalardy júzege asyryp júrgeniń – úlken tájirıbe. Bul jerde alar tájirıbem úlken ómirge nyq qadam basýǵa birden bir kópir desem de bolady», deıdi Aıjan.

volonter

Aıjan alǵash ret erikti retinde Almaty arbatynda bolǵan is-sharada balalarǵa tátti taratyp, kóńilin aýlady. Sol sátten bastap «bolashaqta balalardy qýantatyn kóptegen sharalarǵa bastamashy bolsam» degen maqsat qoıdy. Jaqynda ol óziniń «Stan starshım drýgom» atty óz jobasyn bastady. Bul jobanyń maqsaty – balalar úıindegi balalardyń baqytyna sebep bolý.

«Shilde aıynda №1 balalar úıindegi balalarmen birge mýzeıge bardyq. Qorqynysh bolǵany ras. Sebebi bul bastamam iske asqansha kedergige keziktik. Bir ǵana kúnimdi sol balalarmen ótkizý barysynda maqsattarym aıqyndalǵandaı, olar maǵan senim berdi. Bul tek bastamasy, alda talaı qadamdar bolady. «Eriktiler lıgasy» kishkentaı ǵana qalaýymyz júzege asyp, úlken maqsattarǵa serpin berýde, deıdi Aıjan Maratqyzy.

Erikti bolý – erlikpen teń. Sóz sońynda aıtarymyz. eriktilerdiń eren eńbegi aqtalyp, azamattyq qoǵam damýynda belsendilik jańa deńgeıge kóteriletinine senim mol. Árbir qazaqstandyqtyń boıynda belsendi ómir súrýge daǵdy qalyptassa alynbaıtyn asý joq.

Banner
Sońǵy jańalyqtar

Izgilik elshisi

Aımaqtar • Búgin, 17:38

Soltústik oblystarda boran bolýy múmkin

Qazaqstan • Búgin, 16:18

Kún energııasy Oralǵa jetti

Aımaqtar • Búgin, 15:46

«Aqyny aq Ertistiń – Qımadıden...»

Rýhanııat • Búgin, 12:46

Fýtbol: Makedonııamen teń oınadyq

Fýtbol • Búgin, 12:24

Kúlki kerýeni № 3

Rýhanııat • Búgin, 11:38

Eń qysqa áńgime. Jandos Júsipbek

Eń qysqa áńgime • Búgin, 11:32

Eń qysqa áńgime. О́mirjan Ábdihalyquly

Eń qysqa áńgime • Búgin, 11:29

Eń qysqa áńgime. Baýyrjan Babajanuly

Eń qysqa áńgime • Búgin, 11:24

Dala úni Almatyda bastalady

Rýhanııat • Búgin, 10:19

Tekti sózdiń tóresi Almatydan bastalady

Aımaqtar • Búgin, 10:11

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

Uqsas jańalyqtar