Bul bıznes-forým shetelde turatyn qandastarmen baılanys ornatý jáne nyǵaıtý jónindegi DQQ jáne qor baǵdarlamalary aıasynda ótti. Uıymdastyrýshylar О́zbekstandaǵy qazaq dıasporasy ókilderimen iskerlik qarym-qatynas ornatýdy basty maqsat tutty.
Bıznes-forýmǵa qatysýshy isker otandastardy aldymen Dúnıejúzi qazaqtarynyń qaýymdastyǵy tóraǵasynyń birinshi orynbasary Zaýytbek Turysbekov quttyqtap, bıznes-forým ótkizýdiń maqsaty men mıssııasyn túsindirdi. Sonymen qatar, eki el arasyndaǵy ǵasyrlar boıy qalyptasqan baýyrlastyqty odan ári nyǵaıtý úshin iskerlik baılanystardy kúsheıtý kerek ekendigin alǵa tartty. Zaýytbek Qaýysbekuly Dúnıejúzi qazaqtarynyń qaýymdastyǵy men Otandastar qory qyzmetteriniń negizgi baǵyttaryn, sondaı-aq sheteldegi dıasporamen jumys isteý jónindegi negizgi jobalardy aıtyp ótti.
Atalǵan is sharaǵa QR О́zbekstandaǵy ókiletti elshisi Satybaldy Darhan arnaıy kelip, Otandastar qorynyń uıymdastyrýymen О́zbekstandaǵy qandastar arasynda alǵash ret ótkizilgen bıznes-forýmnyń ótýimen qatysýshylardy quttyqtady.
О́zbekstandaǵy qazaq mádenı ortalyǵynyń tóraǵasy Serikbaı Úsenov О́zbekstan Respýblıkasyndaǵy qazaq dıasporasy ókilderiniń ekonomıkalyq múmkindikteri jaıynda sóz qozǵap, isker qandastardyń negizgi kásip salalaryn jáne Qazaqstanmen iskerlik baılanysty nyǵaıtýǵa aldymen saýda-sattyqty kúsheıtý qajet ekenin alǵa tartty.
Sondaı-aq, is-sharaǵa Qazaqstannan arnaıy kelgen ulttyq qolónermen aınalysatyn «Jýsan» kásipkerler birlestiginiń tóraǵasy Toǵabaı Nurmuratuly jáne «El tiregi» qazaqstandyq shaǵyn jáne orta bıznes qaýymdastyǵynyń tóraǵasy Asqar Ábýbákirov ózderiniń naqty iskerlik jobalarymen tanystyrdy.
Bıznes-forým barysynda Dúnıejúzi qazaqtarynyń qaýymdastyǵy tóraǵasynyń orynbasary Arǵyn Ospanov jáne Otandastar qory Prezıdentiniń keńesshisi Dıdar Bolat sharaǵa qatysýshylarmen ózara is-qımyl tetikterin, shaǵyn jáne orta bıznes salasyndaǵy bıznes-bastamalardy yntalandyrý, sondaı-aq startaptardy qoldaý jáne damytý tetikterin talqylady. Toqyma ónerkásibiniń, aýyl sharýashylyǵynyń, qyzmet kórsetý salasynyń damýyna, tehnologııalyq óndiristerdi qurýǵa negizdelgen О́zbekstan naryǵynyń beıinin eskere otyryp, osy salalarǵa basa nazar aýdaryldy. Forým qatysýshylaryna Qazaqstan oblystarynyń ınvestısııalyq áleýeti tanystyryldy.
Forým jumysyna 50-den astam adam qatysty. Qatysýshylarǵa ózderin qyzyqtyratyn startaptar, bıznes-bastamalar, qolda bar jobalar týraly aıtyp, spıkerlerge suraqtar qoıyp, bıznes josparlar men bastamalardy Qazaqstanda, sondaı-aq halyqaralyq naryqta jyljytý múmkindikterin áńgimeledi.
Forým sońynda Dúnıejúzi qazaqtarynyń qaýymdastyǵy Tóraǵasynyń Birinshi orynbasary Zaýytbek Qaýysbekuly О́zbekstanda turatyn qandastardy DQQ men Otandastar qorynyń usynystarǵa ashyq jáne turatyn meken-jaıyna qaramastan barlyq otandastarmen "baılanysta" turǵanyn, ol úshin barlyq ózekti máseleler boıynsha keńes beretin jáne aqparattyq qoldaý kórsetetin otandastar máseleleri jónindegi arnaıy biryńǵaı baılanys ortalyǵy qurylǵanyn aıtty.
Tashkenttegi bıznes-forým tamyz aıynda San-Fransısko qalasynda ótken forýmnan keıingi tórtinshi osyndaı shara bolyp tabylady. Túrli elderde turatyn otandastarmen 8 elde (GFR, AQSh, Ulybrıtanııa, Shvesııa, Qytaı Halyq Respýblıkasy, О́zbekstan, Túrkııa jáne Reseı) bıznes-forýmdar ótkizý josparlanǵan, kelesi Bıznes-forým 2019 jyly 20 qyrkúıekte London qalasynda (Ulybrıtanııa) ótedi.
