15 Qyrkúıek, 2019

Nık VÝIChICh: 35 myń shaqyrtý ishinen Nur-Sultandy tańdadym

80 ret kórsetildi

Nur-Sultanda álemge áıgili motıvator Nık Výıchıchtiń jáne Ishak Pıntosevıchtiń qatysýymen "Pobedıtel lenı. Jızn bez granıs" atty master-klassy ótti. Bul sharany Sınergııa Bıznes Mektebi erekshe qajettilikteri bar adamdarǵa, kóp balaly jáne az qamtylǵan otbasylaryna tartý etti. Is-shara ákimdiktiń qoldaýymen ótti dep habarlaıdy Nur-Sultan ákimdiginiń saıty. 

Nık Výıchıch qala turǵyndaryna óz jetistikteriniń tarıhyn aıtyp, eshqashan qoldaryn túsirmeýge, maqsatqa jetý jáne balalardy basqalardyń eńbegin baǵalaı bilýge, tabysqa uqypty qaraýǵa úıretý ádisterimen bólisti.

"Men kishkentaı ulyma aqsha bermeımin. Ol maǵan kelip, oıynshyq alyp berýimdi surady. Men oǵan baryp, óziń satyp al dep jaýap qaıtardym. Sonda meniń 6 jasar ulym ań-tań bolyp:"áke, mende aqsha joq qoı", - dedi. Nátıjesinde anasyna úı jınaýǵa kómektesip, meniń mashınamnyń shańyn soryp, oıynshyqqa aqsha jınaı bastady. Ol ózgeniń eńbegin baǵalaı bastady. Eńbek etip, qajetti somany jınap bolǵan soń, ol oıynshyqty satyp alýdan bas tartty. Oıynshyq onyń qajyrly eńbegimen tepe-teń emes ekendigin túsindi", - dedi N. Výıchıch.

Altaı Kólginov uıymdastyrýshylarǵa, Výıchıch myrzaǵa jáne I. Pıntosevıchke motıvasııalyq spıchteri, keıster men tapsyrmalar úshin alǵysyn bildirdi.

Qala ákimi 35 myń shaqyrýdyń ishinen Výıchıch myrza elordaǵa kelý usynysyn qabyl alǵanyn atap ótti.

"Maqsat qoıa bilip, jumys jasap, adal eńbektenip, sol alǵa qoıǵan maqsatqa jetý shart. Búgin paıdaly keıster berildi. Biz olardy ómirde qoldanamyz dep oılaımyn. Bilim alý, oqý - úzdiksiz prosess ekenin atap ótkim keledi. Biz únemi bilim alýymyz kerek, óıtkeni qazirgi zaman talabyna saı bolýymyz kerek. Búgin 3,500 adam jalqaýlyqty jeńip, aldyna maqsat qoıa bildi dep oılaımyn ", - dedi Altaı Kólginov.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar