Qazaqstan Respýblıkasy Úkimetiniń qaýlysy №1525
Sársenbi, 23 qańtar 2013 6:02
2012 jylǵy 30 qarasha, Astana, Úkimet Úıi
«Qazaqstan Respýblıkasynda memlekettik jer kadastryn júrgizýdiń erejesin bekitý týraly» Qazaqstan Respýblıkasy Úkimetiniń 2003 jylǵy 20 qyrkúıektegi №958 qaýlysyna ózgerister men tolyqtyrýlar engizý týraly
Sársenbi, 23 qańtar 2013 6:02
2012 jylǵy 30 qarasha, Astana, Úkimet Úıi
«Qazaqstan Respýblıkasynda memlekettik jer kadastryn júrgizýdiń erejesin bekitý týraly» Qazaqstan Respýblıkasy Úkimetiniń 2003 jylǵy 20 qyrkúıektegi №958 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynda memlekettik jer kadastryn júrgizýdiń erejesin bekitý týraly» Qazaqstan Respýblıkasy Úkimetiniń 2003 jylǵy 20 qyrkúıektegi №958 qaýlysyna (Qazaqstan Respýblıkasynyń PÚAJ-y, 2003 j., №38, 389-qujat) mynadaı ózgerister men tolyqtyrýlar engizilsin:
Kórsetilgen qaýlymen bekitilgen Qazaqstan Respýblıkasynda memlekettik jer kadastryn júrgizýdiń erejesinde:
2-tarmaq mynadaı redaksııada jazylsyn:
«2. Qazaqstan Respýblıkasynda memlekettik jer kadastry (budan ári – kadastr) memlekettik organdardy, jeke jáne zańdy tulǵalardy jer jáne jekelegen jer ýchaskeleri týraly aqparatpen qamtamasyz etý maqsatynda júrgiziledi.
Qazaqstan Respýblıkasynyń memlekettik jer kadastryn júrgizý jónindegi qyzmet memlekettik monopolııaǵa jatady jáne ony Qazaqstan Respýblıkasy Úkimetiniń sheshimi boıynsha qurylǵan, sharýashylyq júrgizý quqyǵyndaǵy respýblıkalyq memlekettik kásiporyn (budan ári – kadastr júrgizetin kásiporyn) júzege asyrady.
Memlekettik jer kadastryn júrgizýge tehnologııalyq baılanysty qyzmetke:
1) jergilikti jerde ákimshilik-aýmaqtyq birlikterdiń, erekshe qorǵalatyn tabıǵı aýmaqtardyń, memlekettik orman jáne sý qorlary jerleriniń shekaralaryn belgileý;
2) jer paıdalanýdy qalyptastyrý jónindegi jobalardy, búlingen jerlerdi qalpyna keltirý jobalaryn jasaý, memleket menshigindegi jer qatarynan jer ýchaskelerin berý kezinde jergilikti jerde olardyń shekaralaryn belgileý;
3) memleket menshigindegi jáne aýyl sharýashylyǵy óndirisin júrgizý úshin jer paıdalanýǵa berilgen jer ýchaskeleri boıynsha sharýashylyqishilik jerge ornalastyrý jobalaryn 2zirleý jatady.
Memlekettik monopolııa sýbektisi óndiretin jáne (nemese) ótkizetin taýarlardyń (jumystardyń, kórsetiletin qyzmetterdiń) baǵalaryn Qazaqstan Respýblıkasynyń Úkimeti belgileıdi.»;
11-1-tarmaq mynadaı redaksııada jazylsyn:
«11-1. Memlekettik menshiktegi jerlerden beriletin jer ýchaskelerine jer-kadastr isterin kadastrdy júrgizetin memlekettik kásiporyndar oblystardyń (respýblıkalyq mańyzy bar qalanyń, astananyń), aýdandardyń (oblystyq mańyzy bar qalalardyń) jergilikti atqarýshy organdarynyń, aýdandyq mańyzy bar qala, kent, aýyl (selo), aýyldyq (selolyq) okrýgter ákimderiniń sheshimderi, Qazaqstan Respýblıkasynyń Jer kodeksinde belgilengen quzyretine sáıkes, oblystyń (respýblıkalyq mańyzy bar qalanyń, astananyń), aýdannyń (oblystyq mańyzy bar qalanyń) jer qatynastary jónindegi ýákiletti organy bekitken jerge quqyq berý týraly jerge ornalastyrý jobasy jáne jer ýchaskesiniń shekaralaryn belgileý jónindegi materıaldar negizinde júrgizedi.»;
12-tarmaqtyń úshinshi bóligi mynadaı redaksııada jazylsyn:
«Oblystyń (respýblıkalyq mańyzy bar qalanyń, astananyń), aýdandardyń (oblystyq mańyzy bar qalalardyń) jer qatynastary jónindegi ýákiletti organdary kórsetilgen qujattardy tekserýdi júzege asyrady jáne osy qujattardy jer ýchaskelerin jergilikti jerde zertteý úshin kadastrdy júrgizetin kásiporyndarǵa jiberedi. Olardyń shekaralary, alańdary jáne maqsatty taǵaıyndalýy ózgergeni belgili bolǵan jaǵdaıda, bul ózgerister oblystyń (respýblıkalyq mańyzy bar qalanyń, astananyń), aýdandardyń (oblystyq mańyzy bar qalalardyń) jergilikti atqarýshy organynyń, aýdandyq mańyzy bar qala, kent, aýyl (selo), aýyldyq (selolyq) okrýgter ákiminiń, olardyń Qazaqstan Respýblıkasynyń Jer kodeksinde belgilengen quzyretine sáıkes qaıta bekitýine nemese múddeli taraptardyń arasynda jasalatyn shartta kórsetýge jatady.»;
13-tarmaqtyń úshinshi jáne tórtinshi bólikteri mynadaı redaksııada jazylsyn:
«Bólýdiń nátıjesinde paıda bolǵan jer ýchaskelerine Qazaqstan Respýblıkasynyń Jer kodeksinde belgilengen quzyretine sáıkes oblystyń (respýblıkalyq mańyzy bar qalanyń, astananyń), aýdannyń (oblystyq mańyzy bar qalanyń) jer qatynastary jónindegi ýákiletti organy bekitken jer ýchaskesin bólý týraly jerge ornalastyrý jobasy jáne jer ýchaskesiniń shekaralaryn belgileý jónindegi materıaldar negizinde jańa jer-kadastr isi júrgiziledi, al bólinetin jer ýchaskesine buryn júrgizilgen jer-kadastr isi kadastrdy júrgizetin kásiporynnyń muraǵatynda saqtalady.
Bólýdiń nátıjesinde qalyptasqan jer ýchaskelerine sáıkestendirý qujattaryn kadastrdy júrgizetin kásiporyn daıyndaıdy, olardy ótinish berýshige oblystyń (respýblıkalyq mańyzy bar qalanyń, astananyń), aýdannyń (oblystyq mańyzy bar qalanyń) jer qatynastary jónindegi tıisti ýákiletti organy beredi.»;
13-1-tarmaqtyń tórtinshi bóligi mynadaı redaksııada jazylsyn: «Osy jer ýchaskesin kadastrlyq esepke qoıǵany týraly (jańa quqyq ıesi týraly málimettermen birge) kadastrdy júrgizetin kásiporyn eki apta merzimde jer ýchaskesi ornalasqan jerdegi respýblıkalyq mańyzy bar qalanyń, astananyń, aýdannyń (oblystyq mańyzy bar qalanyń) atqarýshy organyna habarlaıdy.»;
23-tarmaq mynadaı mazmundaǵy úshinshi bólikpen tolyqtyrylsyn: «Jerlerdiń sapasyn esepke alý jerdi ekonomıkalyq baǵalaýdy jáne jer monıtorıngin júrgizýdi, topyraqty zertteýdi, geobotanıkalyq, agrohımııalyq zertteýlerdi jáne topyraqty bonıtettik baǵalaýdy júrgizýdi qamtıdy.»;
24-tarmaqta:
1) tarmaqshanyń ekinshi bóligi mynadaı redaksııada jazylsyn: «Respýblıkalyq mańyzy bar qalanyń, astananyń, aýdandardyń (oblystyq mańyzy bar qalalardyń) jer qatynastary jónindegi ýákiletti organy usynylǵan esepterdi qaraıdy ári bekitedi jáne olardy bolǵan ózgeristerdi jer-kadastr kitabyna jáne biryńǵaı memlekettik jer tizilimine engizý úshin kadastr júrgizetin kásiporyndarǵa jiberedi.»;
2) tarmaqshanyń úshinshi bóligi mynadaı redaksııada jazylsyn:
«Kadastrdy júrgizetin káiporyndar 5 jylda bir ret aýdandar (oblystyq mańyzy bar qalalar), oblystar, respýblıkalyq mańyzy bar qala, astana boıynsha jáne tutastaı alǵanda respýblıka boıynsha jerlerdiń sapalyq jaı-kúıi týraly esepter jasaıdy.»;
25-tarmaq mynadaı mazmundaǵy ekinshi bólikpen tolyqtyrylsyn:
«Jerdi memlekettik kadastrlyq baǵalaý jer ýchaskeleriniń kadastrlyq (baǵalaý) qunyn anyqtaýdy; eldi mekenderde jer ýchaskeleri ýshin tólemaqynyń bazalyq stavkalaryna túzetý koeffısıentterin belgileı otyryp, olardaǵy baǵalaý aımaqtary shekaralarynyń shemalaryn jasaýdy; jer ýchaskeleri úshin tólemaqynyń bazalyq stavkalarsh esepteý; aýyl sharýashylyǵyn júrgizýge baılanysty emes maqsattar úshin aýyl sharýashylyǵy alqaptaryn alyp qoıý kezindegi aýyl sharýashylyǵy óndirisindegi shyǵasyny anyqtaýdy qamtıdy.»;
30-tarmaq mynadaı redaksııada jazylsyn:
«Jeke jáne zańdy tulǵalar jer ýchaskesine kadastrlyq nómir berý úshin kadastrdy júrgizetin kásiporynǵa ótinish jasaıdy, al jer ýchaskesine sáıkestendiretin eski úlgidegi qujatty jańaǵa aýystyrý úshin jer ýchaskesiniń ornalasqan jeri boıynsha oblystyń (respýblıkalyq mańyzy bar qalanyń, astananyń), aýdannyń (oblystyq mańyzy bar qalanyń) jer qatynastary jónindegi ýákiletti organyna júginedi.
О́tinishke jer ýchaskesine qolda bar sáıkestendirý qujatynyń túpnusqasy qosa beriledi.»;
32-tarmaqtyń birinshi bóligi mynadaı redaksııada jazylsyn:
«32. Jer ýchaskesin sáıkestendirý jónindegi jumystardyń nátıjeleri boıynsha kadastr júrgizetin kásiporyn jer ýchaskesine kadastrlyq nómir beredi, eski úlgidegi qujatqa tıisti belgi jasaıdy jáne ony ótinish berýshige beredi. Jer ýchaskesine kadastrlyq nómirdi bergeni týraly aqparat jer ýchaskesiniń ornalasqan jeri boıynsha jer qatynastary jónindegi tıisti ýákiletti organǵa usynylady.»;
34-tarmaq mynadaı redaksııada jazylsyn:
«34. Esepti kvartaldardyń jáne/nemese aýdandardyń, oblystyq (aýdandyq) mańyzy bar qalalardyń, respýblıkalyq mańyzy bar qalanyń, astananyń ishindegi esepti kvartaldardyń kodtary men jer ýchaskeleriniń kadastrlyq nómirlerin kadastrdy júrgizetin kásiporyndar beredi.»;
38-tarmaq mynadaı redaksııada jazylsyn:
«38. Kadastrdy júrgizetin kásiporyn jer ýchaskesine kadastrlyq nómir berilgeni jáne bul ýchaskeniń kadastrlyq esepke qoıylǵany týraly ótinish berýshi men tirkeýshi organǵa habarlaıdy. О́tinish berýshige jer ýchaskesiniń jańa kadastrlyq nómiri bar jáne jer-kadastr kartasyndaǵy (shemadaǵy) ózgerister qamtylǵan jer-kadastr kartasynyń (shemanyń) tıisti bóliginiń rastalǵan kóshirmesi beriledi.»;
42-tarmaq mynadaı redaksııada jazylsyn:
«42. Jer-kadastr kartalaryn (shemalaryn) júrgizýdi jáne keıinnen jańartýdy kadastrdy júrgizetin kásiporyndar júzege asyrady.»;
45-1-tarmaq mynadaı redaksııada jazylsyn:
«45-1. Jer ýchaskelerine arnalǵan jer-kadastr isteri, jer-kadastr kitaptary, biryńǵaı memlekettik jer tizilimi kadastrdy júrgizetin kásiporynnyń muraǵatynda turaqty túrde saqtalýǵa tıis».
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
