Qazaqstan • 19 Qyrkúıek, 2019

О́zbekstannyń Bas Konsýldyǵy táýelsizdikteriniń 28 jyldyǵyn Almatyda atap ótti

139 retkórsetildi

Baýyrlas О́zbekstan halqynyń táýelsizdik merekesine arnalǵan qabyldaýǵa Syrtqy ister mınıstrliginiń Almaty qalasynyń ókildigi, Almatyda tirkelgen sheteldik dıplomatııalyq korpýs ókildigi qatysty. Merekelik shara Almatydaǵy dıplomatııalyq konsýldyqtyń jańa  ǵımaratynda ótti. О́zbek konsýldyǵynyń áreket etý aıasyna Almaty, Shyǵys Qazaqstan, Túrkistan, Jambyl, Qyzylorda oblystary men Almaty jáne Shymkent qalasy enedi eken.  О́zbek aǵaıyndar Almaty konsýldyǵynyń jumysyna erekshe mán berip, ony Qazaqstanmen saýda, ekonomıkalyq baılanystarynda flagman retinde qarastyra bastapty.    

Alǵashqy bolyp sóz alǵan О́zbekstannyń Qazaqstandaǵy Tótenshe jáne ókiletti elshisi Saıdıkram Nııazhodjaev myrza osydan 28 jyl buryn, ıaǵnı 1991 jyldyń 31 tamyzynda irgesi sógilgen Keńes úkimetinen bólinip shyǵyp, derbes eldigin, egemendigin jarııalaǵan О́zbekstannyń tarıhynan syr shertip, táýelsizdik jyldarynda qol jetkizgen jetistikterine de toqtalyp ótti.

«Qazirgi ýaqytta О́zbekstan belsendi de tabysty syrtqy saıasat júrgizip keledi. Ásirese, ózbek-qazaq qatynasy dostyq pen baýyrlastyqtyń beriktiginiń arqasynda barlyq baǵyttar boıynsha turaqty damýda. Biz qaı ýaqytta da Qazaqstanmen ózara tıimdi jáne strategııalyq áriptestiktiń keńeıe túsýine múddelimiz», degen elshi S.Nııazhodjaev eki el arasyndaǵy yqpaldastyq sharalary senimge qurylǵanyn atap ótti.

Odan ári elshi myrza О́zbekstan postekeńestik keńistiktegi ózge de elder sekildi táýelsizdiktiń alǵashqy jyldarynda qurylý men qalyptasýdyń kúrmeýi kúrdeli qıynshylyqtaryn eńsergenin qonaqtardyń esine salyp ótti. Búginde ózbek eli  damýdyń aıqyn baǵytyn baǵdarlaǵan elderdiń qataryna qosyldy.

Eki el arasyndaǵy tarıhı sabaqtas mádenı-gýmanıtarlyq baılanysty tereńdetý maqsatynda 2018 jyl - Qazaqstandaǵy О́zbekstan jyly dep jarııalanǵan bolatyn. Jyl boıy 200-ge jýyq túrli is-sharalar uıymdastyrylyp, mańyzdylyǵy joǵary kelisimderge qol jetkizildi.

Qazaqstan men О́zbekstan arasyndaǵy dostyq qarym-qatynastyń tamyry tereńde ekeni sózsiz. Eki eldi tiliniń, dininiń, tarıhy men taǵdyrynyń uqsastyǵy ǵana emes, birtutastyǵy biriktiredi. Sondaı-aq, eki eldiń shekaralas aımaqtary arasyndaǵy saýda-ekonomıkalyq baılanys aıasy da jyldan jylǵa keńeıip keledi. 2019 jyly О́zbekstanmen aradaǵy taýar alys-berisi 50 paıyzǵa deıin ósip, 3 mıllıard dollardan artyp jyǵylǵan.

«2020 jylǵa deıin bul kórsetkishti 5 mıllıardqa deıin jetkizý josparlanyp otyr» dep atap ótti S.Nııazhodjaev.

­О́zbek jaǵy bul belesti baǵyndyrý úshin О́zbekstanda  qurastyrylǵan jeńil jáne júk avtokólikteriniń, avtobýstarynyń, aýyl sharýashylyǵy tehnıkalarynyń eksportyn arttyrmaq. О́zbek aǵaıyndar tipti  óz avtokólik markalaryn shashylǵan kúıde ákelip, Qazaqstan jerinde jınastyrýǵa daıyn otyr eken.

О́zbekstan elshiligi Almaty qalasyndaǵy Bas konsýly  A. Fathýllaev  bizben áńgimesinde azamat retinde, elshi retinde Qazaqstanda,  Almatyda óz elinde júrgendeı erkin sezinetinin aıtty. «Bul rette men joly bolǵan elshimin. Bizdiń tarıhtarymyzdyń árbir qaltarysynan bir kezderi túbi- tegi bir halyqtan taraǵanymyzdy eske salyp turatyn faktorlar kóp  », dep atap ótti A.  Fathýllaev.

Almaty qalasy men Túrkistan oblystary Qazaqstanmen alys –berisinde erekshe oryn alatynyn aıtty. 2017 jyly Túrkistan oblysy  О́zbekstan Respýblıkasyndaǵy birqatar oblystarmen yntymaqtastyq týraly memorandým jasaǵan bolatyn.

Eki el 28 jyl ishinde ózara birqatar kelisim jasasqan. Sonyń eń bastylary «Máńgilik dostyq» jáne «Strategııalyq seriktes» týraly sharttary. Osy qujattar negizinde búgingi kúni Qazaqstanda 800-den astam kásiporyn ózbek kapıtalynyń qatysýymen jumysyn istep keledi.

О́z kezeginde Bas konsýl A.Fathýllaev osy jobalardyń eki eldiń ekonomıkalary úshin mańyzdylyǵyn atap ótti. Túrkistan aımaǵynyń qazaqstandyq jáne ózbek kompanııalarynyń qatysýymen birlesken jobalardy damytý úshin úlken áleýetke ıe ekenin jetkizdi. Eki elge ortaq maqta sharýashylyǵyn odan ári damytý maqsatynda da arnaıy joba ázirlenip jatyr. Sonyń negizinde kooperasııalyq klaster qurylyp, maqtany egýden bastap tereń óńdeýge deıingi barlyq áreketterdi birlesip atqarý qolǵa qolǵa  alynbaq.

Merekelik sharaǵa qonaq retinde shaqyrylǵan Syrtqy ister mınıstrliginiń Almaty qalasynyń ókildiginiń basshysy Erlan Ysqaqov  tuz-dámin usynyp, ystyq yqylas tanytyp otyrǵan  ózbek áriptesterin   Syrtqy ister mınıstrligi jáne óz atynan Táýelsizdik meresimen quttyqtady.  2019 jyldyń alǵashqy jartysynda bizdiń elderimiz arasyndaǵy taýar aınalymy 600 mln AQSh dollarynan asqany  týraly málimet te  Almaty qalasynyń ókildiginiń basshysynyń nazarynan tys qalmady. «Almatyda birlesken 129 jáne 236 ózbek kásiporyn jumys isteıdi. О́zbekstannyń 17 paıyz ekonomıkasy Tashkent qalasynyń úlesinde.  Bizdiń elderimiz aarasyndaǵy baılanysta Almaty men Tashkent qalalarynyń áleýeti zor bolmaq. Sondyqtan, bizdiń tarap sizdermen tájirbıe almasýǵa qashanda daıyn» dep atap ótti  Almaty qalasynyń ókildiginiń basshysy Erlan Ysqaqov. 

О́zbekstannyń táýelsizdik kúnine oraı uıymdastyrylǵan sharada qonaqtarǵa ózbektiń ulttyq dastarhanynan dám usynylyp, saltanatty qabyldaý sońy konserttik sharamen jalǵasty.

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar