Saıasat • 20 Qyrkúıek, 2019

Senat Tóraǵasynyń orynbasary Bektas Beknazarov Mınskide halyqaralyq konferensııada sóz sóıledi

28 retkórsetildi

Qazaqstan Respýblıkasy Parlamenti Senaty Tóraǵasynyń orynbasary Bektas Beknazarov Mınskide «Eýrazııalyq ekonomıkalyq odaq týraly shartqa bes jyl: Sottyń róli» halyqaralyq konferensııasyna qatysyp, Qazaqstan Respýblıkasynyń Tuńǵysh Prezıdenti – Elbasy, Joǵary Eýrazııalyq ekonomıkalyq keńestiń Qurmetti Tóraǵasy Nursultan Nazarbaevtyń quttyqtaýyn oqyp berdi. Bul týraly Parlament Senatynyń baspasóz qyzmeti habarlady. 

«2019 jyl – M.Lomonosov atyndaǵy Máskeý memlekettik ýnıversıtetiniń qabyrǵasynda ózim usynǵan eýrazııalyq ıntegrasııa ıdeıasynyń 25 jyldyǵy jáne Eýrazııalyq ekonomıkalyq odaq týraly shartqa qol qoıylýynyń 5 jyldyǵy mereıtoılyq datalarmen erekshelenip otyr», delingen Elbasynyń jedelhatynda.

Eýrazııalyq ekonomıkalyq odaq 180 mıllıonnan astam halqy bar bes memlekettiń áleýetin biriktirip otyrǵan mańyzdy ıntegrasııalyq uıym bolyp tabylady. EAEO qyzmeti teń quqyqtyq, ózara tıimdilik jáne bir-biriniń múddelerin qurmetteý qaǵıdattaryna negizdelgen.

«Ekonomıkalyq ıntegrasııany quqyqtyq turǵyda qamtamasyz etý ony nátıjeli damytýdyń ajyramas ári mindetti sharty bolyp tabylady. Sondyqtan EAEO sotynyń sharýashylyq júrgizýshi sýbektilerdiń ótinishterin qaraýdaǵy jáne EAEO quqyǵyn múshe memleketter men Odaq organdarynyń, sondaı-aq Odaqtyń úshinshi taraptarmen halyqaralyq sharttaryn birkelki qoldanýdy qamtamasyz etýdegi róli erekshe», delingen N.Á.Nazarbaevtyń jedelhatynda.

Joǵary Eýrazııalyq ekonomıkalyq keńestiń Qurmetti Tóraǵasy EAEO Soty EAEO quqyǵyn túsindirý boıynsha óz mindetterin tabysty oryndap, týyndaǵan daýly jaǵdaılardy obektıvti túrde sheshýine, ol bizdiń ortaq isimizdiń damýyna baǵa jetpes úles bolatynyna senim bildirdi.

Konferensııada sóılegen sózinde Senat Tóraǵasynyń orynbasary B.Beknazarov EAEO memleketteri arasyndaǵy ekonomıkalyq quqyqtyq qatynastardyń alýan túrliligi, taýarlar men jumys kúshiniń erkin qozǵalysyn qamtamasyz etý qajettigi EAEO Sotynan quqyqtyq keńistiktegi olqylyqtardy tez ári tıimdi toltyrýdy, múshe memleketterdegi qazirgi kezdegi quqyq qoldaný problemalaryn joıý maqsatynda Odaq quqyǵyndaǵy túsiniksizdik pen ekiushtylyqty ýaqtyly joıýdy talap etetinin atap ótti.

Qazaqstannyń belgili ǵalym-quqyqtanýshy, TMD elderine keńinen tanymal Naǵashybaı Shaıkenov kezinde «Álsizderdi kúshtimen teńestirýge, olarǵa teń múmkindikter berýge quqyq jáne tek qana quqyq qabiletti», - degen bolatyn.

«Barlyq múshe memleketter taýarlar men jumys kúshiniń erkin qozǵalysy tıisti deńgeıde quqyqtyq qamtamasyz etilgen EAEO-da teń quqyqtar men múmkindikterdi paıdalanýy tıis», dedi B.Beknazarov. 

Bektas Beknazarov sóz sońynda EAEO týraly shartty, sondaı-aq Odaq Sotynyń mártebesin odan ári jetildirý EAEO múshe-memleketteri ishindegi taýarlar men jumys kúshiniń erkin qozǵalysyndaǵy kedergiler men kedergilerdi ýaqtyly joıýǵa múmkindik beredi degen pikirin bildirdi.

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar