Qoǵam • 20 Qyrkúıek, 2019

A. Kólginov: Elorda turǵyndarynyń 60% shaǵyn jáne orta bıznes aıasynda jumyspen qamtylǵan

35 retkórsetildi

Nur-Sultan bıznespen aınalysatyn azamattarǵa qolaıly qala bolady. Bul týraly kásipkerlerdiń jyl saıynǵy VI konferensııasynda «Atameken» UKP Tóralqa Tóraǵasy T. Qulybaev málimdedi. Bul týraly elorda ákimdiginiń baspasóz qyzmeti habarlady.


Memleket basshysy halyqqa Joldaýynda shaǵyn jáne orta bıznes  - qala men aýyldy damytýdyń berik negizi ekenin atap ótti.

Elorda ákimi A. Kólginovtyń aıtýynsha, otandyq bıznesmender áleýmettik nysandardyń ashylýyna erekshe kóńil bóle bastady.

«Qalada jeke menshik balabaqshalar sany artyp keledi, qazir bizde 213 jekemenshik balabaqsha, 14 jekemenshik emhana, 23 myńǵa jýyq oqýshy ornymen qamtamasyz etip otyrǵan mektep bar»,  dedi A. Kólginov.

Qala ákimdigi «Atameken» UKP-men birlesip bıznesmender «bir tereze» qaǵıdaty boıynsha barlyq qajetti qyzmetterdi ala alatyn «bızneske arnalǵan úkimet» alańyn iske qosýdy josparlaýda.

Áleýmettik kásipkerlikti damytý úshin «1000 oryn – kóshe saýdasy» jobasy tabysty jumys isteýde. Joba aıasynda 1,5 myńnan astam jumys orny ashylyp, 1 mlrd-tan astam jeke ınvestısııalar tartyldy.

«Atameken» óńirlik palatasynyń dırektorynyń aıtýy boıynsha «1000 saýda orny» jobasyna qatysý úshin áleýmettik osal toptar úshin saýda núktelerin beredi.

Sońǵy 10 jylda ShOB sýbektileriniń sany 5 ese ósti, bul salada halyqtyń 60% - ǵa jýyǵy jumyspen qamtylǵan. О́nim shyǵarý kólemi 800 mlrd teńgeden 5 trln teńgege deıin ósti. Bıznes ókilderimen kezdesýler júıeli túrde ótedi. Qala ákimi kásipkerlerdi  «bızneske arnalǵan úkimet» alańynda jeke qabyldaıdy.

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar