Aımaqtar • 20 Qyrkúıek, 2019

Tarazda jedel baılanys ortalyǵy ashyldy

101 retkórsetildi

Taraz qalasynda «JÁRDEM-109» biryńǵaı baılanys ortalyǵy iske qosyldy. Atalǵan ortalyqta halyqtyń suranasyna oraı 1000-nan astam qyzmet túrleri biriktirilgen. Endigi jerde Taraz turǵyndary barlyq máseleniń sheshimin osy jerden taba alatyn bolady. Bul oryn qaladaǵy táýlik boıy jumys isteıtin jalǵyz ortalyq. Taraz qalalyq ákimdiginiń málimetinshe, turǵyndardyń ótinimderi barlyq baılanys arnalary arqyly qabyldanyp, ári qaraı tıisti memlekettik organdarǵa nemese kommýnaldyq mekemelerge jiberiledi.

Jańa ashylǵan «JÁRDEM-109» biryńǵaı baılanys ortalyǵynyń baǵyty – turǵyndardyń ótinishterin qabyldaý, sonymen qatar oryn alǵan jaıttardy, apattardy sheshýde kommýnaldyq jáne jedel qyzmetter jumysyn úılestirý. Atalǵan ámbebap kómekshi kataloginde 1000-nan astam qyzmet túri bar. Kez-kelgen turǵynnyń suranysyna operator birinshi qońyraýdan-aq jaýap beredi. Barlyq ótinishter óńdelip, olarǵa tirkeý nómiri de beriledi. Qyrkúıek aıynda ǵana óz jumysyn bastaǵan kommýnaldyq mekemege az ýaqyttyń ishinde 276 ótinish túsken.

«Biz Taraz qalasynyń biryńǵaı kommýnaldyq dıspetcherlik ortalyǵynyń qyzmetin uıymdastyrý jumystaryn júrgizip otyrmyz. Mekemeniń basty maqsaty – Taraz qalasynyń turǵyndaryna memlekettik qyzmetterdi laıyqty deńgeıde kórsetý bolyp tabylady. Kommýnaldyq-turmystyq sıpattaǵy máseleler, jergilikti memlekettik qyzmetter jáne ákimdiktiń qyzmetine baılanysty basqa da máseleler boıynsha ártúrli kommýnıkasııa quraldary arqyly Taraz qalasy turǵyndary men qonaqtarynyń ótinishterin qabyldaý bastalyp ketti. Biryńǵaı baılanys ortalyǵyna shuǵyl qyzmetterden basqa barlyq suraqtar boıynsha «109»  nómiri arqyly habarlasýǵa bolady. Bul halyqtyń ómir súrý sapasyn aıtarlyqtaı jaqsartady. Qońyraýdy uıaly telefon arqyly shalýǵa da bolady. Barlyǵy tegin. Bul joba Nur-Sultan qalasynda tájirıbeden ótken», deıdi «Taraz qalasynyń biryńǵaı kommýnaldyq dıspetcherlik qyzmeti» mekemesiniń dırektory Aleksandr Neobıavlıaıýshıı.

Aldaǵy ýaqytta «109» qońyraý shalý nómirinen basqa, «Facebook» jáne «Telegram» men «WhatsApp» áleýmettik jelileri arqyly da ótinish qabyldaý josparlanýda eken. Taraz qalasynda ornalasqan keńsede 12 dıspetcher jumys isteıdi. Olar barlyq málimetterge onlaın túrde monıtorıng jasap otyrady.

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar