Aımaqtar • 20 Qyrkúıek, 2019

Reseı týrıstik aqparattyq uıymdarynyń sezine oraldyqtar qatysýda

124 retkórsetildi

Reseı Federasııasynyń Voronej qalasynda týrıstik aqparattyq uıymdardyń Búkilreseılik II sezi ótýde. «Mundaı basqosýlardyń jergilikti týrızmdi damytýǵa tıgizetin kómegi óte zor» deıdi jıynǵa Qazaqstannan baryp qatysqan oraldyq «TourWestKaz» mekemesiniń jetekshisi, belgili ólketanýshy Aıbolat Qurymbaev.

Úsh kúnge sozylatyn sezde Reseıdiń ár túkpirindegi týrıstik nysandar, olardy jarnamalaýdyń jańa tehnologııalyq ádisteri, tájirıbe almasý, osy salanyń túıindi máselelerin jan-jaqty talqylaý júrip jatyr. Jıyndy Voronej oblysy gýbernatory, Aqparattyq-týrıstik uıymdardyń Ulttyq qaýymdastyǵy, Voronej qalasynyń týrıstik-aqparattyq ortalyǵy jáne Týrızm jónindegi Federaldyq agenttik uıymdastyrǵan eken.

- Týrıstik aqparat berý ortalyǵy – osy óńirge kelgen týrısterdiń barlyq saýalyna jaýap taýyp, aqyl-keńes beretin mekeme. Mundaı uıymdar bizdiń Qazaqstanda Nur-Sultan, Almaty, Shymkent qalalarynda ǵana bar. Reseıdegi osyndaı ortalyqtardyń qaýymdastyǵyn basqaratyn Mıhaıl Ýshakovtyń aıtýynsha, týrıstik aqparat berý ortalyǵy bolmasa, ishki týrızmniń damýy múmkin emes. Shyn máninde osy jıynnan úırengenim kóp. Voronejge Reseıdiń 70-ten asa óńirinen 200-den asa qatysýshy kelgen. Iri-iri, tanymal spıkerlerdiń semınaryna qatystyq. Týrızm salasyna mamandanǵan travel-blogerler álemdegi jańalyqtarmen bólisip jatyr. Mysaly, qaı eldiń azamattary saıahatqa jıi shyǵady, olardyń ortasha chegi, ıaǵnı jumsaıtyn qarajaty qansha, «kerbez týrısterge» arnalǵan lıýks lagerlerdi qalaı jasaý kerek, ondaı lager qaıda bar, t.b. kóptegen taqyryptar tóńireginde naqty keńester aldyq, - deıdi oraldyq ólketanýshy, jergilikti týrızmdi damytýǵa úles qosyp júrgen Aıbolat Shamuratuly.

Reseı Federasııasynda 300-den asa týrıstik aqparat berý ortalyǵy bar eken. Ol jerden týrıst sol óńirdiń týrıstik kartasyn tegin alady, qonaq úı, qyzyqty marshrýttar, kórkem múıister men tarıhı oryndar týraly aqparatqa qanyǵady. Reseıde osyndaı ortalyqtar bir jyl ishinde týrısterge 1,8 mln aqyl-keńes beripti.

Voronejdegi sezge sarapshy spıker retinde sheteldik tanymal mamandar shaqyrylǵan. Olardyń qatarynda fransııalyq France Meeting uıymynyń dırektory Andre Polı óz elindegi týrıstik-aqparattyq ortalyqtardyń jumysymen tanystyryp, fransýz týroperatorlarynyń keıbir qupııalarymen bólisse, ıspanııalyq Visit Russia fırmasynyń jetekshisi Marlen Rodrıges Ispan týrızm naryǵyna shyǵýdyń strategııasyn túsindirgen. Londondaǵy Expedia Group Media Solutions ókili Anna Býkovskaıa zamanaýı saıahatshylardyń talap-tilegi týraly zertteý nátıjelerin jarııa etken. Munyń bári eldiń ishki-syrtqy týrızm salasyn damytýǵa úlken serpilis bereri sózsiz.

«Qazaqstannyń úzdik ólketanýshysy», tarıh magıstri, «Ǵylymı bastamalardy qoldaý qorynyń» tóraǵasy Aıbolat Qurymbaev sońǵy jyldary «TourWestKaz» mekemesin quryp, Batys Qazaqstan óńirinde ishki týrızmdi damytýǵa atsalysyp júrgen azamat. Aıbolat Shamuratuly uıymdastyratyn «Bókeı ordasyna saıahat», «Qazaqstandaǵy eń kishkentaı Sarqyramaǵa saıahat», «Batys Qazaqstannyń qasıetti nysandary» atty týrlar óz elimiz ǵana emes, Reseıdiń kórshiles aımaqtaryna da jaqsy tanymal. Týrıstik aqparattyq uıymdardyń Búkilreseılik II sezine shaqyrtý alǵan Aıbolat Qurymbaev keshe arnaıy dıplomǵa ıe boldy.

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar