Sondyqtan da 20 qyrkúıek gınekologııalyq qaterli isikten habardar etýdiń halyqaralyq kúni bolyp jarııalanyp, ESGO men ENGAG qaterli isikpen kúres jónindegi halyqaralyq uıymdary 20-dan astam eldi GODay, ıaǵnı – gınekologııalyq qaterli isiksiz álem atty birlesken áreketke shaqyryp otyr.
О́ıtkeni tek 2018 jyly álemdegi 1,3 mıllıonnan astam áıelde gınekologııalyq qaterli isik bar ekendigi anyqtalǵan: shamamen 44%-y jatyr moıny qaterli isigi, analyq bez qaterli isigi 23%, 29%-y endometrııalyq rak pen qalǵan 5% -y raktyń sırek kezdesetin basqa túrleri.
Mamandardyń aıtýynsha bizdiń elimizde de gınekologııalyq qaterli isiktiń eń jıi kezdesetin túrleri: jatyr moıny obyry, analyq bez obyry, endometrııa obyry jáne sarpaı (výlva).
Máselen, 2018 jyly búkil álemde gınekologııalyq raktan 468 000 áıel qaıtys bolǵan. Qaıǵyly oqıǵalardyń 67%-y jatyr moıny obyrynyń úlesinde. Demek, gınekologııalyq qaterli isik týraly áıelderdiń jalpy habardarlyq deńgeıi áli de aıtarlyqtaı tómen ekendigi anyq bolyp otyr.
Endigi jerde Halyqaralyq GO kúni áıelder arasynda qaterli isikke qarsy «GO for…Awareness, Action, Hope, Life» Halyqarlyq kompanııasy da bul úderiske qosylyp, álemniń 20 memleketinde bir mezette 20 qyrkúıek kúni obyrdyń paıda bolý sebepteri men men belgileri, sondaı-aq isikke qarsy sharalar legin keńinen nasıhattaýdy qolǵa alady.
«Osy bastama arqyly biz basqa da múddeli taraptarmen, nasıhattaý toptarymen yqpaldasa otyryp, aqparattaný deńgeıin arttyra alamyz jáne gınekologııalyq qaterli isikterdiń aldyn alý men erte anyqtaýdy jaqsarta alamyz dep úmittenemiz. Dúnıejúzilik GO kúni – bul búkil álemdegi áıelderdiń ómir súrý deńgeıi men ómir súrý sapasyn jaqsartý boıynsha birlesken jahandyq kúsh-jiger», – deıdi Eýropa áıelderiniń gınekologııalyq (genıtaldy jáne JMQI) qaterli isigimen ómir súrý men ómir súrý sapasyn jaqsartýǵa arnalǵan gınekologııalyq qaterli isik jónindegi Eýropanyń jetekshi uıymy bolyp tabylatyn ESGO prezıdenti Denıs Kerleı.
