Ekonomıka • 20 Qyrkúıek, 2019

Almaty: Máslıhat apparatynyń shyǵyny bıyl 84 mıllıon 154 myń teńge

64 retkórsetildi

Onyń 81 mln 854 myń teńgesi  máslıhat qyzmetin qamtamasyz etýge jumsalady. Qalǵan 2,3 mln teńge onyń «kúrdeli shyǵystarynyń» oryndalýyn qamtamasyz etedi. Bul aqparatty búgin tús aýa Almaty qalasy ákimdiginiń baspasóz qyzmeti jarııalady.  

Almaty ákimi apparatynyń tól shyǵysy 3 mlrd 332 mln 871 myń teńgeni quraıdy. Álgi somanyń 2 mlrd 710,2 mıllıony tek qala ákiminiń qyzmetin qamtamasyz etýge jumsalady dep josparlanǵan. Ákimdiktiń kúrdeli shyǵystary 547,8 mln teńgeni quramaq. Al 74,7 mln-nan astam teńge «Almatynyń Qazaqstan halqy Assambleıasynyń qyzmetin qamtamasyz etýge» ketedi.

Shahardaǵy qaptaǵan irili-usaqty ákimdikterdiń qyzmeti de elge arzanǵa túspeıdi. Qazirgi kezde Almaty qalasynyń quramynda 8 aýdan – Alataý, Almaly, Áýezov, Bostandyq, Jetisý, Medeý, Naýryzbaı jáne Túrksib aýdandary bar. Aýdan ákiminiń apparattary jumys jasaýy úshin el qazynasy bıyl 2 mlrd 33,6 mln teńgege shyǵyndalýy qajet.

Iri shyǵyn Almatynyń memlekettik aktıvter basqarmasy enshisinde-  449,7 mln teńge. Jarty mıllıardqa jýyq osynsha qarajattyń 370,4 mıllıony «jergilikti deńgeıde kommýnaldyq múlikti jáne memlekettik satyp alý salasyndaǵy memlekettik saıasatty iske asyrý qyzmetterine» jumsalady.

Ákimdiktiń strategııa jáne bıýdjet basqarmasy 622,1 mln teńge qol jetkizipti. Onyń ishinde basqarma sheneýnikteri ózderiniń «ekonomıkalyq saıasat, josparlaý jáne bıýdjetti atqarý salasyndaǵy memlekettik saıasatty iske asyrý qyzmetin» 594,4 mıllıon baǵalaǵan.

Budan bólek jergilikti polısııaǵa, ıaǵnı jergilikti bıýdjetten qarjylandyrylatyn atqarýshy ishki ister organyna «onyń Almaty aýmaǵynda qoǵamdyq tártip pen qaýipsizdikti saqtaý salasyndaǵy memlekettik saıasatty iske asyrý qyzmetterin qamtamasyz etýi» úshin 12,6 mlrd teńge qosymsha jiberiledi. Bir qyzyǵy, onyń 18 mıllıony – «Qoǵamdyq tártipti qorǵaýǵa qatysatyn azamattardy kótermeleýge» jumsalady.

Qalalyq sport basqarmasyna  bólingen qarjy 2 mlrd 464,3 mln teńge.  Onyń basym bóligin – 2 mlrd 79 mıllıonyn basqarma «balalar men jasóspirimderge sport boıynsha qosymsha bilim berýge» shyǵyndaıdy. Al memlekettik tildi damytý sharalaryna tek 35,4 mln teńge berilgen. Ákimdik óz menshigindegi negizgi kapıtaldy satýdan 11 mlrd 749 mln 700 myń teńge túsim túsedi dep josparlaýda. Almatynyń bıýdjettik defısıti 2019 jyly «18 mlrd 870 mln 221,8 myń teńgege» jetpek.

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar