Rýhanııat • 23 Qyrkúıek, 2019

Qazaq drama teatrynyń bıik belesi

33 retkórsetildi

Elordanyń asqaq sáýletine sán berer Qazaq drama teatrynyń qurylysy qyzý júrip jatyr. Prezıdent kómekshisi Máýlen Áshimbaev salynyp jatqan jańa ǵımarattyń qurylysymen tanysyp, osynaý ozyq úlgidegi keshenniń jaı-japsaryn teatr ujymymen birlese talqyǵa salady.

Qazaq rýhanııatynyń oshaǵy sanalatyn mańyzdy mádenı nysan Qazaqstannyń Tuńǵysh Prezıdenti Nursultan Nazarbaevtyń arnaıy tapsyrmasy boıynsha boı kóterdi. Qazaq drama teatrynyń eskızdik jobasyn Elbasy ózi maquldap, qurylys barysyn Memleket basshysy Qasym-Jomart Toqaev jiti nazarda ustap otyr.

– Elbasy Nursultan Nazarbaev atal­ǵan nysannyń jobasyn qarap, tıisti uıymdarǵa tapsyrma bergen bo­latyn. Minekeı, búgin kórip otyrǵany­myzdaı, nysan qurylysynyń qarqyndy júrgizilip jatqanyna kózimiz jetti, – de­gen Máýlen Áshimbaev halyq máde­nıetin qaıta túletýge, saqtaýǵa, damy­týǵa jáne taratýǵa baǵyttalǵan shara­lar legi jalǵasa beretinin jetkizdi. Son­daı-aq mádenıet uıymdarynyń ınfra­qu­ry­lymyn damytýdy qamtamasyz etý jáne materıaldyq-tehnıkalyq bazasyn ny­ǵaıtý jumystary nazarda ekenin aıtty.

– Elordada Elbasynyń tikeleı tapsyrmasymen «Astana Opera», «Astana Ballet» teatrlary, «Shabyt» ǵımaraty salynǵany belgili. Búginde atalǵan teatr­lar búkil Qazaqstannyń maqtanyshyna aınaldy. Muny ónerge degen aıryqsha qamqorlyq nyshany dep qabyldaý kerek. Jalpy, teatr jastardy tárbıeleý, olarǵa durys qundylyqtardy sińirý, qoǵamdy estetıkalyq turǵyda damy­tý jaǵynan óte joǵary mańyzǵa ıe. Keler jyly 6 shildede teatr ujy­my óziniń qonys toıyn toılaıdy dep senemiz. Bul elorda halqyna, óner­súıer qaýym úshin úlken qýanysh dep bi­lemin, – dedi ol oıyn túıindep.

«Samuryq-Qazyna» ulttyq ál-aýqat qorynyń qoldaýy arqyly búginde ǵımarattyń alǵashqy qabatynyń qury­lysy aıaqtalyp ta qalǵan. Teatr Jume­ken Nájimedenov pen Ahmet Baıtur­synuly, 23-15 kósheleriniń qıyly­synda, Esil ózeniniń jaǵalaýynan alys emes kórnekti mańaıdan oryn tepken. Nysannyń jalpy aýmaǵy 19 754 sharshy metrdi qamtıdy. Jobalaý jáne qurylys jónindegi Basqarýshy dırektor Mırko Gornık kelisimshart boıynsha qurylys jumystaryn 2020 jyly shilde aıynda tolyq aıaqtaý josparlanǵanyn aıtty.

– Qurylys jumystary bıyl mamyr aıynda bastaldy. Qazir 300 adam jumys istep jatyr. Jańa jylǵa deıin syrtqy jumystaryn aıaqtap, ishki ju­mys­tarǵa oıysamyz. Ǵımarattyń qas­beti mármármen qaptalady. Aýa raıy tu­raqty, sondyqtan jumys kedergisiz, belsendi júrip jatyr, – dedi Mırko Gornık. Úsh qabattan turatyn jańa ǵımaratqa 800-den astam kórermen syıady. Ulttyq etnomoderndi tý etip kótergen teatrdyń zaly, sahnasy, ıntereri zamanaýı stılde kómkerilmek. Prezıdenttiń kómekshisi Máýlen Áshimbaevpen birge teatrdyń jańa ǵımaratynyń qurylysy barysymen tanysý kezinde eskerilýi tıis birneshe talaptar aıqyndaldy. Olardyń qatarynda baǵasy qoljetimdi avtoturaq qurylysynyń qajettiligi men elordanyń ortaq sáýlet oı-órnegin saqtaý máseleleri ataldy.

– Sábıra Maıqanova, Sháken Aı­manov, Jaqyp Omarov, Ázirbaıjan Mám­betov syndy alyptar bizge deıin qazaq rýhanııatynyń kósegesin kógertý jo­lynda aıanbaı qyzmet etti. Osyndaı tulǵalarymyzdyń qurmetine teatr aldyna 20 adamnyń bıýstin ornatsaq, son­daı-aq juldyzdar alleıasyn ashsaq deımiz. Qazir shtatta 60 adam, jańa ǵı­marat qoldanysqa berilgen soń shtatty 150 adamǵa kóbeıtsek dep otyrmyz, – degen Q.Qýanyshbaev atyndaǵy Qazaq mýzykalyq drama teatrynyń kórkemdik jetekshisi Talǵat Temenov osy taraptaǵy sahnalyq týyndylardy oryndaý men taratýda memlekettik qoldaýdyń turaqty qarjylandyrýmen aıqyndalatynyn atady. Sonymen birge ol salynyp jatqan Qazaq drama teatryna «ulttyq» mártebe berýdi surady. «Eýropa elderindegi teatrlardyń bar­lyǵy – ulttyq. Qazaqstanda ulttyq teatr joq. Eger osyny Qazaq ulttyq dra­ma teatry desek keremet bolar edi. Sher­han Murtazanyń sózi bar: «Teatr kóbeıse, túrme azaıady» degen. Qalanyń da, dalanyń da túrmesiniń ozyp turǵany shama­ly, eń soraqysy sananyń túrmesi. Al aqyl men parasattyń shyńdalatyn jeri – sahna. Búgingi salyna bastaǵan teatry­myzdyń qadamy qutty bolsyn. Biz­diń teatrdyń artısterine jańa kúsh, jańa serpin beredi dep sene­min», dedi Talǵat Temenov. Mádenıet meke­meleriniń jelisin damytý qa­jet­tiligi, mádenı qundylyqtarǵa erkin qol jet­ki­zýdi qamtamasyz etý boıyn­sha teatr ujy­mynyń talap-tilegin tyńdaǵan Pre­zıdenttiń kómekshisi Máýlen Áshimbaev ótinishterdi toptastyryp, usynys re­tinde joldaýdy surady.

Qıly taǵdyrly Qallekı teatry kishkentaı sahnasy men tar zalyna qaramastan áli kúnge deıin bıik minber, ulaǵatty mektep bolyp keldi. О́nersúıer qaýymnyń moldyǵynan keı kúnderi oryn jetpeı qalǵan kórermenniń edenge otyryp ta tamashalap júrgenine ózimiz kýámiz. «Teatr eńseli ǵımaratqa qashan kóshedi» dep talaı jyldan beri aıtylyp kelgen másele ońdy sheshilip, kórermen men keıipkerler qaýymyn jaqyndastyra túser óner otaýy saltanat qurar kún de alys emes sııaqty. Teatr irgesiniń qalanýyna atsalysqan, kıeli shańyraqqa jetekshilik etken Jaqyp Omarov, Qadyr Jetpisbaev, Ázirbaıjan Mámbetovterdiń jańa qonys toıyn kóre almaǵany ókinishti-aq. Endeshe, salynyp jatqan sáýleti men saltanaty jarasqan Qazaq drama teatryn sol sańlaqtardyń rýhyna baǵyshtalǵan taǵzym dep bildik.

Horlan Qalılambekova,

KSRO jáne Qazaqstannyń halyq ártisi:

– Astana bizdiń kóz aldymyzda ósip, órkendedi. Sodan beri salynǵan ásem ǵımarat­tar­dyń ádemiliginen kóz tunady. Biz alǵash astanaǵa Prezıdent

N.Á.Nazarbaev­tyń shaqyrtýymen 1995 jyly keldik. Ázirbaıjan teatrdyń basshysy bolyp taǵaıyndalyp, kúzde teatr «Qyz Jibek» premerasymen ashyldy. Elbasy Nursul­tan Ábishulynyń ózi kelip, aldyńǵy qatarda otyryp, tamashalady. Kishken­taı ǵana sahna, artıster baryn salyp óner kórsetti. Premera ótken soń, «Ázeke, premera qutty bolsyn. Kórip turmyn, teatr kishkentaı. Seniń masshtabyńdy bilemin. Eshteńe etpes, shydaı tur. Astanamyzǵa sáýletti teatrdy áli-aq salamyz», degen bolatyn. Mine, ózderińiz kórip tursyzdar, teatr salynyp jatyr. О́kinishtisi aramyzda, Ázekeń joq. Ol – qazaq mádenıetine, rýhanııatyna zor úles qosqan jan.

Tilektes Meıramov,

Qazaqstannyń halyq ártisi:

– Jańa Qazaq drama teatrynyń salynýy – teatr ujymy ǵana emes, búkil qazaq halqy úshin úlken qýanysh. Álem tanyǵan elordamyzda Qazaq teatry ǵımaratynyń bolmaýy talaı adamnyń kókeıinde júrgen másele edi. Talaı adamdy qynjyltyp júretin. Biraz jyldan beri aıtylyp kelgen másele rettelip, sol ordanyń qurylysymen tanysyp jatyrmyz. Prezıdenttiń kómekshisi Máýlen Áshimbaev myrza aıtyp ketkendeı, bul – úlken oqıǵa. Kez kelgen eldiń astanasynda sol eldiń teatry bolýy mindetti. Sondyqtan, bul biz úshin ǵana emes, kúlli qazaq halqy úshin úlken qýanysh, zor mártebe.

Sońǵy jańalyqtar

Elorda ortalyǵynda avtokólik órtendi

Qazaqstan • Búgin, 18:19

Baspasóz róli – basty másele

Ádebıet • Búgin, 15:49

Qazaqstanǵa sheteldik bankter keledi

Ekonomıka • Búgin, 10:23

Qostanaı fılarmonııasyna 75 jyl toldy

Rýhanııat • Búgin, 09:34

Jańa úlgidegi kólikter

Qoǵam • Búgin, 09:08

Balýandar Tarazda beldesedi

Kúres • Búgin, 08:31

Grand Slam jarysynda beldesedi

Sport • Búgin, 08:30

Meksıkalyqtyń qarsylasy atanýy múmkin

Kásipqoı boks • Búgin, 08:29

Oqyrmanmen oı bólisti

Rýhanııat • Búgin, 08:17

Ortsaılaýkomdaǵy semınar-trenıng

Qoǵam • Búgin, 08:11

Qazaq baspasóziniń piri atandyń

Qoǵam • Búgin, 07:54

Qııanatqa qarsy turǵan gazet

Rýhanııat • Búgin, 07:49

Jemqorlyq jerge qaratady

Qoǵam • Búgin, 07:48

«Bir synaǵan jamandy...»

Aımaqtar • Búgin, 07:46

Erli-zaıyptylardyń erligi

Aımaqtar • Búgin, 07:43

Dostyq úıindegi bıznes-forým

Qoǵam • Búgin, 07:39

El ıgiligin eselegen jan

Rýhanııat • Búgin, 07:32

Memleket bankterge qolushyn soza ma?

Qoǵam • Búgin, 07:25

Eń qymbat ulttyq brendter

Álem • Búgin, 07:23

Teńgeniń tegeýrini

Qarjy • Búgin, 07:21

Senim kapıtaly

Ekonomıka • Búgin, 07:18

Qoǵamǵa otbasy ınstıtýty qajet

Qoǵam • Búgin, 07:15

191 myń adam júıege qashan engiziledi?

Medısına • Búgin, 07:07

Qor aldynda úlken mindetter tur

Qazaqstan • Búgin, 07:04

Uqsas jańalyqtar