• 06 Aqpan, 2013

Qazaqstan Respýblıkasy Úkimetiniń qaýlysy №1585

280 ret

kórsetildi

20 mın

oqý úshin

Egemen Qazaqstan

Qazaqstan Respýblıkasy Úkimetiniń qaýlysy №1585

Sársenbi, 6 aqpan 2013 5:39

2012 jylǵy 13 jeltoqsan, Astana, Úkimet Úıi

«Shaǵyn kólemdi kemeni jáne olar turatyn bazalardy (qurylystardy) tehnıkalyq qadaǵalaý qaǵıdasyn bekitý týraly»
Qazaqstan Respýblıkasy Úkimetiniń 2011 jylǵy 31 mamyrdaǵy № 609 qaýlysyna ózgerister engizý týraly

Qazaqstan Respýblıkasynyń Úkimeti qaýly etedi:
1. «Shaǵyn kólemdi kemeni jáne olar turatyn bazalardy (qurylystardy) tehnıkalyq qadaǵalaý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 31 mamyrdaǵy № 609 qaýlysyna (Qazaqstan Respýblıkasynyń PÚAJ-y, 2011 j., № 40, 514-qujat) mynadaı ózgerister engizilsin:
taqyryby mynadaı redaksııada jazylsyn:
«Shaǵyn kólemdi kemelerdi tehnıkalyq qadaǵalaý qaǵıdalaryn bekitý týraly»;
1-tarmaq mynadaı redaksııada jazylsyn:
«1. Qosa berilip otyrǵan Shaǵyn kólemdi kemeni tehnıkalyq qadaǵalaý qaǵıdalary bekitilsin.»;
kórsetilgen qaýlymen bekitilgen Shaǵyn kólemdi kemeni jáne olar turatyn bazalardy (qurylystardy) tehnıkalyq qadaǵalaý qaǵıdasy osy qaýlyǵa qosymshaǵa sáıkes jańa redaksııada jazylsyn.

Sársenbi, 6 aqpan 2013 5:39

2012 jylǵy 13 jeltoqsan, Astana, Úkimet Úıi

2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri S. AHMETOV.

Qazaqstan Respýblıkasy Úkimetiniń
2012 jylǵy 13 jeltoqsandaǵy №1585 qaýlysyna qosymsha
Qazaqstan Respýblıkasy Úkimetiniń 2011 jylǵy 31 mamyrdaǵy № 609 qaýlysymen bekitilgen

Shaǵyn kólemdi kemelerdi tehnıkalyq qadaǵalaý qaǵıdalary

1. Jalpy erejeler
1. Osy Shaǵyn kólemdi kemelerdi tehnıkalyq qadaǵalaý qaǵıdalary (budan ári – Qaǵıdalar) Qazaqstan Respýblıkasynyń «Saýda maqsatynda teńizde júzý týraly» 2002 jylǵy 17 qańtardaǵy jáne «Ishki sý kóligi týraly» 2004 jylǵy 6 shildedegi zańdaryna sáıkes ázirlendi jáne shaǵyn kólemdi kemelerdi tehnıkalyq qadaǵalaýdy júzege asyrý tártibin aıqyndaıdy.
2. Osy Qaǵıdalarda mynadaı uǵym paıdalanylady:
shaǵyn kólemdi kemelerge arnalǵan turaq-baza (qurylys) – shekaralarynda shaǵyn kólemdi kemeler ornalasatyn qurylystary jáne irgeles akvatorııasy bar jaǵalaý aýmaǵy.

2. Shaǵyn kólemdi kemelerdi tehnıkalyq qadaǵalaý
3. Keme kitabynda memlekettik tirkeýge jatatyn shaǵyn kólemdi kemelerge tehnıkalyq qadaǵalaý júzege asyrylady.
Tehnıkalyq qadaǵalaýdy ishki sý kóligi salasyndaǵy ýákiletti organnyń aýmaqtyq bólimsheleri (budan ári – aýmaqtyq bólimsheler) júzege asyrady.
4. Tehnıkalyq qadaǵalaý bastapqy, jyl saıynǵy jáne kezekten tys tehnıkalyq kýálandyrý júrgizý, sondaı-aq arnaıy jáne baqylap tekserýdi júrgizý jolymen júzege asyrylady.
5. Jeke jasalǵan shaǵyn kólemdi kemeler, sondaı-aq tehnıkalyq sıpattamalary tehnıkalyq formýlıarda (pasportta) kórsetilgen sıpattamalarǵa sáıkes kelmeıtin, qaıta jabdyqtalǵan kemelerge teńizde júzý qasıetine (júzgishtigi, ornyqtylyǵy men batpaıtyndyǵy) qosymsha synaqtar júrgiziledi. Kýálandyrý nátıjeleri shaǵyn kólemdi kemeniń júzýge jaramdylyǵy týraly qorytyndymen osy Qaǵıdalardyń 1-qosymshasyna sáıkes tehnıkalyq kýálandyrý aktisimen resimdeledi.
6. Bastapqy tehnıkalyq kýálandyrý aktisinde kórsetilgen sharttar men normalar shaǵyn kólemdi kemeniń keme kitabyna jáne keme bıletine engiziledi. Keme bıletinde kýálandyrýdy júrgizgen laýazymdy adamnyń qolymen rastalatyn arnaıy mórtabanmen tehnıkalyq kýálandyrý týraly belgi jasalady.
7. Tehnıkalyq kýálandyrý shaǵyn kólemdi keme tirkelgen jerdegi aýmaqtyq bólimsheniń tehnıkalyq tekserý pýnktinde nemese keme bıletin usyna otyryp, shaǵyn kólemdi keme tikeleı ornalasqan jerde (turaqta) júrgiziledi.
Bul rette tehnıkalyq tekserý pýnktteri jumysynyń orny, ýaqyty, uıymdastyrylýy jáne shaǵyn kólemdi kemelerge jyl saıyn tehnıkalyq kýálandyrýdy ótkizý kesteleri keme ıeleri men turaq-baza ıeleriniń nazaryna jetkiziledi.
8. Tehnıkalyq kýálandyrý júrgizý kezinde shaǵyn kólemdi kemeniń jaı-kúıi korpýs pen qondyrmalar, qurylǵylar, jabdyqtar men jaraqtar, órtke qarsy qorǵaný; mehanıkalyq ornatý men elektr jabdyqtary boıynsha jeke, al jeke jasalǵan shaǵyn kólemdi kemeler úshin teńizde júzý qasıeti boıynsha anyqtalady.
9. Tehnıkalyq kýálandyrý júrgizý kezinde shaǵyn kólemdi kemeniń júzýge jaramdylyǵy tehnıkalyq jaı-kúıi boıynsha eki baǵa qoıý arqyly anyqtalady: «jaramdy» nemese «jaramsyz». Shaǵyn kólemdi kemeniń jalpy tehnıkalyq jaı-kúıin baǵalaý osy tarmaqta atalǵan elementterdiń biriniń eń tómengi baǵasy boıynsha belgilenedi.
10. Shaǵyn kólemdi keme tehnıkalyq jaı-kúıi boıynsha «jaramdy» degen baǵa alǵan kezde keme bıletine tehnıkalyq kýálandyrý týraly belgi jasalady.
11. Tehnıkalyq jaı-kúıi boıynsha «jaramdy» degen baǵa alǵan shaǵyn kólemdi keme mynadaı:
1) tolqyn rejımi boıynsha;
2) júzý aýdany men jaǵadan alshaqtyǵy boıynsha;
3) qozǵaltqyshtyń ruqsat etilgen qýaty boıynsha;
4) júk kótergishtigi men jolaýshy syıymdylyǵy boıynsha;
5) jelkenderdiń aýdany boıynsha júzý qaýipsizdigin qamtamasyz etetin shekteýlermen júzýge jiberiledi.
Shaǵyn kólemdi keme «jaramdy» degen baǵa alǵan kezde, osy Qaǵıdalarǵa 1-qosymshaǵa sáıkes tehnıkalyq kýálandyrý aktisi jasalady, onda belgilengen shekteýler kórsetiledi.
Teńiz aýdanynda serýendik kemelerdi paıdalaný úshin teńizde mynadaı júzý aýdandary belgilenedi:
1) 0 – birinshi klasty júzý aýdany – shekteýsiz, eseptik tolqyn bıiktigi 3% qamtamasyz etilýmen 11 metr bolatyn tolqyndanýda muhıttar men teńizderde júzý;
2) 1 – birinshi klasty júzý aýdany – shektelgen, pana ornynan 200 mılden aspaıtyn araqashyqtyqta jáne pana oryndarynyń arasy 400 mılden aspaıtyn ruqsat etilgen araqashyqtyqta, barynsha ruqsat etilgen tolqyn bıiktigi 3% qamtamasyz etilýmen 8,5 metr bolatyn tolqyndanýda teńiz aýdandarynda júzý;
3) 2 – ekinshi klasty júzý aýdany – shektelgen, pana ornynan 100 mılden aspaıtyn araqashyqtyqta jáne pana oryndarynyń arasy 200 mılden aspaıtyn ruqsat etilgen araqashyqtyqta, barynsha ruqsat etilgen tolqyn bıiktigi 3% qamtylýmen tolqyndaný shamasy 7 metr bolatyn teńiz aýdandarynda júzý;
4) 3 – úshinshi klasty júzý aýdany — shektelgen, basseınderdiń jeltolqyndyq rejımderine baılanysty aýdan jáne júzý jaǵdaılary boıynsha naqty shekteýlerdi eskere otyryp, bul rette pana ornynan barynsha ruqsat etilgen 50 mılden aspaýy tıis araqashyqtyqty belgileı otyryp, barynsha ruqsat etilgen tolqyn bıiktigi 3% qamtamasyz etilýmen shamasy 3,5 metr bolatyn tolqyndanýda aralas (ózen-teńiz) júzý.
12. «Jaramsyz» degen baǵa alǵan shaǵyn kólemdi kemege osy Qaǵıdalarǵa 1-qosymshaǵa sáıkes osy kemeni paıdalanýǵa tyıym salý týraly qorytyndymen eki dana tehnıkalyq kýálandyrý aktisi jasalady, bul rette aktiniń bir danasy keme ıesine beriledi. Aktide kórsetilgen eskertýler joıylǵannan keıin shaǵyn kólemdi keme qaıtalama tehnıkalyq kýálandyrýdan ótedi.
13. Shaǵyn kólemdi kemelerdi paıdalanýǵa mynadaı tehnıkalyq aqaýlar bolǵan kezde ruqsat etilmeıdi:
1) korpýsy boıynsha (jınaq pen qaptamada jaryqshaqtardyń, oıyqtardyń bolýy, keme konstrýksııasynda kózdelgen germetıkalyq bólikter men aýa jáshikteriniń bolmaýy nemese germetıkalyǵynyń buzylýy);
2) rýl qurylǵysy boıynsha (rýldiń aýyspalyq buryshyn tolyq qamtamasyz etpeýi (bortqa 35 gradýs), rýl shtýrvalyn aınaldyrýdyń qıyndaýy, rýl sabynyń nemese rýl jetegi bólshekteriniń (baǵyttaýshy bloktary, tirekti moıyntirekteri, tartý jabdyqtary, shtýrtros berilisteriniń) zaqymdanýy, shtýrtros kaboloktarynyń úzilýi, rýl jeteginiń bólshek qurylymynda kózdelgen bekitýleriniń (somyndary, shplıntter, qarsysomyndar) bolmaýy;
3) qozǵaltqysh nemese aspaly motor boıynsha (benzobakterden, otyn shlangisinen, qorektendirý júıesinen otynnyń aǵýy, birshama dirildiń bolýy, qozǵaltqyshty qashyqtyqtan basqarý júıesiniń zaqymdanýy, revers-redýktordyń ońaı qosylmaýy (ajyramaýy), revers tutqanyń «alǵa», «artqa», «beıtarap» qalyptarynda (onyń ózdiginen eriksiz qosylýy men ajyraýy) bekitilmeýi, revers qosylǵan kezde qozǵaltqyshtyń (motordyń) konstrýksııada kórsetilgen iske qosý bloktaýynyń zaqymdanýy);
4) navıgasııalyq ottardyń belgilengen talaptarǵa sáıkes kelmeýi;
5) kemeniń jınaqtalýy men jabdyqtary keme bıletinde kórsetilgen normalarǵa sáıkes kelmeıdi.
Keme bıletiniń «Erekshe belgiler men qosymsha málimetter» degen bólimine kemeni paıdalanýǵa tyıym salý týraly jazý jazylady.
14. Shaǵyn kólemdi kemelerdiń konstrýktıvtik erekshelikterine baılanysty tıpi men sanaty osy Qaǵıdalarǵa 2-qosymshaǵa sáıkes keste boıynsha anyqtalady.
Shaǵyn kólemdi kemeniń tıpin anyqtaý úshin mıdel boıynsha onyń eń úlken eni negiz bolyp tabylady.
Shaǵyn kólemdi kemeniń sanatyn anyqtaý úshin mıdeldegi onyń sý ótkizbeıtin bortynyń bıiktigi (qondyrma bıiktigin eseptemegende) negiz bolyp tabylady.
Shaǵyn kólemdi kemeniń sanaty tolqyn bıiktigi men jaǵadan alshaqtyǵymen sıpattalatyn júzý jaǵdaıyna sáıkes kelýi tıis.
15. Shaǵyn kólemdi kemeniń júzý sharttary onyń sanatyna baılanysty osy Qaǵıdalarǵa 3-qosymshaǵa sáıkes keste boıynsha anyqtalady.
Shaǵyn kólemdi kemeniń kestede kórsetilgen jaǵadan alshaqtyǵy jasaýshy zaýyt bergen pasportta kórsetilgen jaǵadan alshaqtyqtan aspaýǵa tıis.
Sý aıdynyndaǵy tolqyn bıiktigi osy Qaǵıdalarǵa 4-qosymshaǵa sáıkes keste boıynsha anyqtalady.

3. Shaǵyn kólemdi kemelerdi tehnıkalyq kýálandyrý jáne qarap tekserý túrleri
16. Tehnıkalyq kýálandyrý:
1) bastapqy;
2) jyl saıynǵy;
3) kezekten tys bolyp bólinedi.
17. Tekserip qaraý:
1) arnaıy;
2) baqylaý bolyp bólinedi.
18. Bastapqy tehnıkalyq kýálandyrý kezinde kemeniń tehnıkalyq qujattamasy tekseriledi, kemeniń syıymdylyǵy, onyń júk kótergishtigi men jolaýshy syıymdylyǵy, ruqsat etilgen qýaty men qozǵaltqyshtar (aspaly motorlar) sany boıynsha normalar men tehnıkalyq talaptary, jelkenderiniń ruqsat etilgen aýqymy, júzý aýdandary (jaǵalaýdan alshaqtyǵy), sý ústindegi borttyń eń tómengi bıiktigi, keme júze alatyn tolqyn bıiktigi, qutqarý jáne órtke qarsy quraldarmen, sıgnal berý ottarymen, navıgasııalyq jáne basqa jabdyqtarmen jaraqtandyrylýy belgilenedi, kemeniń basty ólshemderi (uzyndyǵy, eni, bort bıiktigi), qurǵaq bort kólemi, júk kótergishtigi, jolaýshy syıymdylyǵy, shaǵyn kólemdi kemeniń sanaty naqtylanady. Shaǵyn kólemdi kemeniń ornyqtylyq pen sýda batpaý talaptaryna, júzý jaǵdaıyna, qozǵaltqysh qýatynyń shaǵyn kólemdi kemeniń konstrýktıvtik derekterine sáıkestigi anyqtalady.
19. Jyl saıynǵy tehnıkalyq kýálandyrý shaǵyn kólemdi kemege bastapqy kýálandyrý júrgizilgen sátten bastap bir jyl ishinde júrgiziledi.
Jyl saıynǵy tehnıkalyq kýálandyrý kezinde kemeniń tehnıkalyq qujattamasynyń bolýy, shaǵyn kólemdi kemeniń tirkelý derekteriniń ózgermeýi, kemeniń negizgi elementteriniń ózgermeýi, onyń tehnıkalyq jaı-kúıi, onyń júzýge jaramdylyǵy, belgilengen normalarǵa sáıkes jabdyqtary men jaraqtarynyń bolýy tekseriledi, paıdalaný sharttary naqtylanady.
Bul rette aǵymdaǵy jyly bastapqy tehnıkalyq kýálandyrýdan ótken shaǵyn kólemdi kemeler sol jyly jyl saıynǵy tehnıkalyq kýálandyrýǵa usynylmaıdy.
Korpýstyń aıtarlyqtaı tozýy nemese onyń deformasııasy anyqtalǵan jaǵdaıda, keme ıesi aýmaqtyq bólimshe qyzmetkeriniń talaby boıynsha shaǵyn kólemdi kemeni jaǵalaýda kórsetedi.
20. Bastapqy jáne jyl saıynǵy kýálandyrý nátıjeleri boıynsha keme bıletine kezekti kýálandyrý merzimi kórsetilgen tehnıkalyq tekserý ótkizilgeni týraly belgi qoıylady nemese shaǵyn kólemdi kemeni paıdalanýǵa tyıym salý týraly akti jasalady.
21. Kezekten tys kýálandyrý ıesiniń aýysýyna nemese júzý aýdanynyń ózgerýine baılanysty, sondaı-aq keme bıleti joǵalǵanda, kemeni qaıta jabdyqtaý saldarynan shaǵyn kólemdi kemeniń konstrýksııasy ózgergen kezde, shaǵyn kólemdi kemeni qaıta tirkegende shaǵyn kólemdi keme ıesiniń erkin nysandaǵy ótinishi negizinde júrgiziledi.
Shaǵyn kólemdi kemege kezekten tys kýálandyrý júrgizý nátıjesinde jańa keme qujattary beriledi. Bul rette kezekti jyl saıynǵy tehnıkalyq kýálandyrý merzimderi saqtalady.
22. Arnaıy tekserý shaǵyn kólemdi kemeniń zaqymdanýyna jáne jóndeýdi talap etýine ákep soqqan kólik oqıǵasynan keıin, qýaty joǵary qozǵaltqyshty ornatý kezinde, jaramsyz bolǵan kemeni esepten shyǵarý kezinde júrgiziledi.
23. Baqylap tekserý keme konstrýksııasy men klasynda kózdelmegen júzý jaǵdaılarynda birjolǵy ótýge ruqsat etý úshin jáne kemeni ótkennen soń tekserip qaraý úshin keme ıesiniń ótinishi boıynsha júrgiziledi.
24. Kýálandyrý júrgizilgennen keıin shaǵyn kólemdi kemeniń tehnıkalyq jaı-kúıi týraly jáne anyqtalǵan aqaýlar joıylǵanda jáne jetpeıtin jaraqtar tolyqtyrylǵanda shaǵyn kólemdi kemeniń júzýine ruqsat berý týraly, shaǵyn kólemdi kemege júzý jaǵdaılary boıynsha shekteýlermen, júzýge ruqsat berý týraly, shaǵyn kólemdi kemeniń júzýine tyıym salý týraly qorytyndylar shyǵarylady.
25. Shaǵyn kólemdi kemelerdi kýálandyrý ıeleriniń nemese ıe ókilderiniń qatysýymen júrgiziledi.
26. Kemelerdi kýálandyrý korpýsty jaǵalaýda syrlaǵanǵa deıin eki jylda keminde bir ret júrgiziledi.

Shaǵyn kólemdi kemeni tehnıkalyq qadaǵalaý qaǵıdalaryna 1-qosymsha

Shaǵyn kólemdi kemeni (bastapqy, jyl saıynǵy)
tehnıkalyq kýálandyrý
AKTISI

Osy aktini 20 ____ jylǵy «____» ______________ _______________
(Kóliktik baqylaý
__________________________________________________________________ jasady.
komıteti aýmaqtyq bólimshesiniń ataýy, tegi, aty, ákesiniń aty, laýazymy)
Keme ıesi ______________________________________________________
(tegi, aty, ákesiniń aty nemese mekemeniń, uıymnyń ataýy)
Turǵylyqty mekenjaıy (uıymnyń nemese jeke tulǵanyń turǵan jeri) jáne telefony
___________________________________________________________________
____________________________________________________________________
Kýálandyrýǵa usynylǵan kemeniń tıpi _____________________________
modeli ____________ jasalǵan jyly ________ jasalǵan orny ______________
zaýyttyq № _______ korpýs materıaly ________ uzyndyǵy ____ m. eni ____ m.
bort bıiktigi ____ m. sý ústi bortynyń bıiktigi ____ m. júk kótergishtigi ____ t.
jolaýshy syıymdylyǵy __________ adam.
Jelkender aýdany ___________ sh. m.
Keme jasaý tásili ____________________________________________________
qozǵaltqysh (motor) tıpi men markasy ______________ sany ________________
qýaty _________________ zaýyttyq nómiri _______________________________
Tehnıkalyq kýálandyrý nátıjesinde mynalar anyqtaldy:
1. Kemeniń basty ólshemderi __________________________________________
(málimdelgenge sáıkestigi)
2. Keme syıymdylyǵy ________________t.
3. Shógý ____________________________m.
4. Korpýstyń jaı-kúıi _______________________________________________
(jaı-kúıiniń baǵasy)
5. Rýldik qurylǵy ___________________________________________________
(jaı-kúıiniń baǵasy)
6. Zákir jáne arqandap baılaý qurylǵysy ________________________________
(bolýy jáne jaı-kúıi)
7. Qutqarý quraldary ____________________________________________
(ataýy, sany men jaı-kúıi)
8. Sıgnal berý qurylǵylary ______________________________________
(ataýy jáne jaı-kúıi)
9. Jaraq zattarymen jınaqtaý ____________________________________
(talaptarǵa sáıkestigi)
10. Júk kótergishtigi jáne jolaýshy syıymdylyǵy ________ tonna (adam)
11. Ornyqtylyǵy, sýda batpaýy, júzgishtigi _______________________
(jaı-kúıin baǵalaý)
12. Júzgishtik qory _________________________________________
(qamtamasyz etilgen, qamtamasyz etilmegen)
13. Sý ústi bortynyń eń az bıiktigi ______________________________ m.
14. О́rtke qarsy júıe ____________________________________________
(túri jáne jaramdylyǵy)
15. Mehanıkalyq qondyrǵy ______________________________________
(jaı-kúıiniń baǵasy)
16. Eń joǵarǵy ruqsat etilgen qýaty _______________________________
(belgilengen)
17. Jelkender men takelajdyń jaı-kúıi _________________________
(jaramdylyǵy)
18. Elektr jabdyǵy _____________________________________________
(jaı-kúıi)
19. R/baılanys jáne r/oqshaýlaýdyń bolýy ________________________
(tıpi, markasy jáne jaı-kúıi)

Qorytyndy:
Kýálandyrý júrgizý nátıjesinde osy kemeniń jaı-kúıi _______________
____________________________________________________________________
(jaramdy, jaramsyz)
Belgilengen aýdany jáne júzý jaǵdaıy:
ruqsat etilgen tolqyn bıiktigi ________ m.
jaǵalaýdan alshaqtyǵy __________ m.
qozǵaltqyshtyń ruqsat etilgen qýaty ________ a.k.
ruqsat etilgen júk kótergishtigi _________ t.
Júzý merzimi _________________________________________ sodan keıin __________________ oblysy, qalasy boıynsha Kóliktik baqylaý ınspeksııasyna tehnıkalyq tekserý úshin usynylýy tıis.
Tekserý kezinde qatysqan (dar) ________________________________
____________________________________________________________________
____________________________________________________________________
(T.A.Á., laýazymy)
Kýálandyrýdy júrgizdi __________________________________________
(T.A.Á., laýazymy)
M.O.
20____ j. «____» _____________

Shaǵyn kólemdi kemeni tehnıkalyq qadaǵalaý qaǵıdalaryna 2-qosymsha
R/s
№   Keme túri    Motordyń ruqsat etiletin qýaty
(a/kúshi)   Basty ólshemder   Keme sanaty   Júk kótergishtigi, jolaýshy syıymdylyǵy
adam   kg
1   Eskekti qaıyq   -   2,0h1,1h0,4   1   1   100
2   Eskekti qaıyq   -   2,8h1,3h0,5   2   2   200
3   Eskekti qaıyq   -   3,3h1,4h0,5   2   3   300
4   Eskekti qaıyq   -   4,4h1,5h0,5   2   4   400
5   Eskekti qaıyq    -   6,0h1,6h0,6   3   6   1000
6   Motorly qaıyq   15-ke deıin   3,4h1,5h0,6   2   3   300
7   Motorly qaıyq   25-ke deıin   4,4h1,6h0,75   3   4   500
8   Motorly qaıyq   -   6,0h1,7h0,95   3   6   800
9   Kater   40-qa deıin   6,0h1,8h0,9   3   6   800
10   Kater   50-ge deıin   8,5h2,5h1,2   3   6   1000

Shaǵyn kólemdi kemeni tehnıkalyq qadaǵalaý qaǵıdalaryna 3-qosymsha
N mın.   Júzý jaǵdaıy
Jaǵalaýdan qashyqtyǵy
(km)   Tolqyn bıiktigi
(m)   Jel kúshi
(ball)
0,2   0,5   0,2 deıin   2
0,3   1,0   0,3 deıin   2
3,0   0,4 deıin   3

Shaǵyn kólemdi kemeni tehnıkalyq qadaǵalaý qaǵıdalaryna 4-qosymsha

h (m)           20m/s                       18m/s                       15m/s       Jeldiń jyldamdyǵy
1,4
1,3
1,2       12m/s
1,1
1,0
0,9       9m/s
0,8
0,7       7m/s
0,6
0,5       5m/s
0,4
0,3       3m/s
0,2
0,1       1 m/s
0   1   2   3   4   5   6   7   8   9   10   11   12   13   14   15       Qarqyn alý uzyndyǵy (km)