Ádebıet • 25 Qyrkúıek, 2019

Qalam ushyndaǵy qasiret

59 retkórsetildi

Taıaýda elordadaǵy Ulttyq akademııalyq kitaphanada jazýshy, Qazaqstannyń eńbek sińirgen qaıratkeri Sáýle Dosjannyń «Qasiret pen taǵdyr» atty kitabynyń tusaýkeseri ótti.

Jańa romannyń jelisi sosıalıstik rejim qurbandaryna aınalǵan Semeı óńiri halqynyń qasiretine qurylǵan. Onda shyǵarmanyń bas keıipkeri Aıaýlymnyń basynan ótken qıyn taǵdyry baıandalady. Ol atom bombasy synaǵynan jary men perzentinen, ata-anasynan aıyrylyp, qaıǵyly da qasiretti kúnderdi bas­tan keshedi.

Tusaýkeser barysynda Altynshash Jaǵanova, Shárbaný Beısenova, Orazkúl Asanǵazy, Sherýbaı Qurmanbaıuly, Kópen Ámirbek syndy zııaly qaýym ókil­deri sóz alyp, avtordyń shyǵarmashy­ly­ǵyna toqtaldy.

«Sáýle bala kúninen aýyldyń qyzyǵy men qıyndyǵyn kórip ósti. Mektep qa­byrǵasynan gazetke maqala jazyp, qalamyn ushtady. Kóp qalamger aldymen jýrnalıstıkaǵa kelip, keıin jazý­shylyqqa bet burdy. Sáýle qaryndasym da osy joldan ótti. О́leńge ǵashyq bolyp, birqatar jyr jınaǵy jaryq kórdi. Odan keıin aqyryn prozaǵa oıysty. «Úlken úıdegi úreı», «Jatqa týǵan bala», «О́geı júrek» degen kitaptary oqyrmannyń kóńilinen shyqty. Jáne osy prozalyq jınaqtary qazaqtyń keń dalasynan qanat qaǵyp, Eýropaǵa jol tartty. Shvesııa men Germanııada tárjimalandy. Qazaq jazýshylary arasynan ádebı agentin qalyptastyrǵan birden-bir qalamger. Búgingi jańa romany da oqyǵan jandy tereń oıǵa jeteleıdi», dedi keshtiń sóz tizginin ustaǵan fılologııa ǵylymdarynyń doktory Ýálıhan Qalıjan.

Kesh sońynda qalamger Sáýle Dosjan romannyń jazylý oqıǵasyn baıandap, oǵan eki jyl ýaqyt jumsaǵanyn aıtty.

 

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar