• 06 Aqpan, 2013

Qazaqstan Respýblıkasy Bilim jáne ǵylym mınıstrliginiń buıryǵy № 465

310 ret

kórsetildi

8 mın

oqý úshin

Egemen Qazaqstan

Qazaqstan Respýblıkasy Bilim jáne ǵylym mınıstrliginiń buıryǵy № 465

Sársenbi, 6 aqpan 2013 5:58

2012 jylǵy 10 qazan, Astana qalasy

Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý qaǵıdalaryn bekitý týraly

Qazaqstan Respýblıkasy Úkimetiniń 2004 jylǵy 28 qazandaǵy № 1111 qaýlysymen bekitilgen Qazaqstan Respýblıkasy Bilim jáne ǵylym mınıstrligi týraly erejeniń 13-tarmaǵynyń 138-1) tarmaqshasyna sáıkes buıyramyn:
1. Qosa berilip otyrǵan Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý qaǵıdalary bekitilsin.

Sársenbi, 6 aqpan 2013 5:58

2012 jylǵy 10 qazan, Astana qalasy

Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý qaǵıdalaryn bekitý týraly

2. Ǵylym komıteti (N.M. Ybyraıym):
1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) osy buıryqty memlekettik tirkeýden ótkennen keıin buqaralyq aqparat quraldarynda jarııalasyn.
3. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym vıse-mınıstri M.Q. Orynhanovqa júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Mınıstrdiń mindetin atqarýshy M. ORYNHANOV.

Qazaqstan Respýblıkasy Bilim jáne ǵylym mınıstrliginiń
2012 jylǵy 10 qazandaǵy № 465 buıryǵymen bekitilgen

Ǵylymı jáne (nemese) ǵylymı-tehnıkalyq qyzmet
nátıjelerin kommersııalandyrý týraly qaǵıdalary

1. Jalpy erejeler
1. Osy Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý týraly qaǵıdalar (budan ári – Qaǵıda), «Ǵylym týraly», «Indýstrıaldy – ınnovasııalyq jumystardy memlekettik qoldaý týraly», «Avtorlyq jáne aralas quqyq týraly» Qazaqstan Respýblıkasynyń zańdaryna sáıkes ázirlengen, ǵylymı jáne (nemese) ǵylymı-tehnıkalyq jumys nátıjelerin kommersııalandyrý tártibin anyqtaıdy.
2. Ǵylymı jáne (nemese) ǵylymı-tehnıkalyq jumys nátıjelerin (budan ári – ǴTJN) kommersııalandyrý – ońtaıly ekonomıkalyq tıimdilikterge qol jetkizýge baǵyttalǵan, naryqqa jańa nemese jetildirilgen taýarlar, prosester men qyzmetter engizý maqsatynda ǵylymı jáne (nemese) ǵylymı-tehnıkalyq jumys nátıjelerin is júzinde qoldanýǵa baılanysty qyzmet.

2. Ǵylymı jáne (nemese) ǵylymı-tehnıkalyq jumys
nátıjelerin kommersııalandyrýǵa memlekettik yqpal etý
3. ǴTJN kommersııalandyrýǵa memlekettik yqpal etý:
1) ulttyq ǵylymı ınnovasııalyq júıeni damytýdy ekonomıkalyq yntalandyrýǵa kepildik berý, ǵylymı, ǵylymı-tehnıkalyq jáne ınnovasııalyq jumystar salasyndaǵy memlekettik-jeke menshik áriptestikti damytý, Qazaqstan Respýblıkasynyń zańnamalarymen bekitilgen tártipte ekonomıkanyń basym sektorlaryndaǵy tehnologııalardy kommersııalandyrý úshin qarjylandyrý;
2) ǵylymdy jáne ǵylymı tehnologııalyq ázirlemelerdi memlekettik qoldaýdyń artyqshylyǵyn anyqtaý;
3) Qazaqstan Respýblıkasynyń basym baǵyttaǵy ekonomıkalyq sektoryna sáıkes ǵylymı, ǵylymı-tehnıkalyq jáne ınnovasııalyq jumystardyń basym baǵyttaryn anyqtaý;
4) memlekettik bıýdjet qarajatynan qarjylandyrylǵan jáne memlekettik-jeke menshik áriptestik negizindegi jeke kásipkerliktiń sýbektilerine bólingen qarjymen ǵylymı-tehnıkalyq baǵdarlamalardy qalyptastyrý jáne júzege asyrý;
5) ıntellektýaldy menshikti kommersııalandyrýǵa yqpal etý jáne damytý jónindegi normatıvtik quqyqtyq aktilerdi ázirleý jáne jetildirý;
6) ınnovasııalyq ónimdi jasaý jáne paıdalaný prosesterin yntalandyrý júıelerin jetildirý;
7) ǵylymı-ınnovasııalyq jumystardy damytý jónindegi respýblıkalyq jáne óńirlik Keńesterdi qurý, olardyń quramyna ekonomıkalyq damý qajettilikterin zertteýge baǵyttalǵan sharalardy ázirleý úshin memlekettik basqarý organdarynyń, jeke kásipkerlik sýbektilerin, ǵylymı uıymdar men joǵary oqý oryndaryn (budan ári – JOO) engizý, sondaı-aq, olardy is júzinde júzege asyrýǵa (kommersııalandyrýǵa) yqpal etý;
8) ǵylymı jáne ınnovasııalyq jumystardyń aqparattyq ınfraqurylymyn damytý, oılap tabylǵan patenttelgen zattar, ǵylymı ázirlemelerdiń nátıjesi boıynsha ortalyqtandyrylǵan derekter qoryn qurý, oǵan ǴTJN iske qosýǵa (kommersııalandyrýǵa) múddeli tulǵalardyń, naryqqa qatysýshylardyń qol jetkize alýyn uıymdastyryp, ony is júzinde qoldanýǵa múmkindik berý;
9) ǴTJN kommersııalandyrýdy qamtamasyz etetin ınfraqu-rylymdardy damytýdy jedeldetý;
10) ǴTJN kommersııalandyrýdy júzege asyrýǵa baılanysty máseleler boıynsha keńes berý qyzmetterin usyný;
11) memlekettik jáne oǵan teńestirilgen jaratylystaný ǵylymdary men tehnıka salasyndaǵy jetekshi zertteýler júrgizetin ǵylymı uıymdar men joǵary oqý oryndarynda kommersııalandyrý bólimshelerin qurý ádistermen qamtamasyz etiledi.

3. ǴTJN kommersııalandyrý nysandary
4. ǴTJN kommersııalandyrý mynadaı joldarmen júzege asyrylady:
1) ǵylymı jáne (nemese) ǵylymı-tehnıkalyq jumys nátıjelerin kommersııalandyrýǵa yqpal etetin qurylymdyq bólimshelerdi qurý;
2) lısenzııalyq kelisim jáne (nemese) ǴTJN nysanynyń menshik quqyǵynyń ózge tulǵaǵa aýysýy týraly kelisim jasaý;
3) tehnologııalardy kommersııalyq paıdalaný úshin zańdy tulǵany qurý;
4) jeke jáne zańdy tulǵalarǵa kelisim negizinde qyzmet kórsetý arqyly ǴTJN paıdalaný;
5) Qazaqstan Respýblıkasynyń zańnamalarynda qarastyrylǵan ózge de ádistermen.

4. Ǵylymı jáne (nemese) ǵylymı-tehnıkalyq jumys nátıjelerin kommersııalandyrýǵa yqpal etetin qurylymdyq bólimshelerdiń qurylýy jáne qyzmet atqarýy
5. Memlekettik ǵylymı uıymdar jáne memlekettik joǵary oqý oryndary ǵylymı jáne (nemese) ǵylymı-tehnıkalyq jumys nátıjelerin óndiriske engizý maqsatynda kommersııalandyrý bólimshelerin qura alady.
6. Kommersııalandyrý jónindegi bólimsheler – kommersııalandyrýǵa qatysýshylar arasynda ony bólý jáne ǵylymı jáne (nemese) ǵylymı-tehnıkalyq jumys nátıjelerin kommersııalandyrýdan túsetin tabysty uıymdastyrý jáne bólip alý maqsatynda ǴTNJ is júzinde qoldanýǵa yqpal etý, izdeýge baǵyttalǵan jáne ǵylymı jáne (nemese) ǵylymı-tehnıkalyq jumys sýbektileriniń bólimsheleri.
7. Kommersııalandyrý jónindegi bólimshelerdiń negizgi jumys baǵyty tehnologııalardy kommersııalandyrý keshendi qyzmetin usyný bolyp tabylady, sonyń ishinde kommersııalandyrý tehnologııalaryn baǵalaý, marketıngtik zertteýler, ıntelektýaldyq menshikti qorǵaý salasynda keńes berý qyzmeti, tehnologııalardy kommersııalandyrý strategııasyn ázirleý, ǵylymı jáne (nemese) ǵylymı-tehnıkalyq jumys sýbektileri men jeke kásipkerlik sýbektileri arasynda, olarmen tehnologııalardy kommersııalandyrý salasynda kelisimder jasaý maqsatynda ózara qarym-qatynastardy uıymdastyrý.
8. Ǵylym salasyndaǵy ýákiletti organ jáne salalyq ýákiletti organdar mynadaı belgilengen kórsetkishter boıynsha kommersııalandyrý jónindegi bólimsheler jumysynyń nátıjesine jyl saıyn baǵalaý júrgizedi:
1) kommersııalandyrý jónindegi bólimsheler tirkelgen ǴTJN sany;
2) berilgen ǴTJN qorǵaý qujattarynyń sany;
3) júrgizilgen tehnologııalyq aýdıtter sany (ǴTJN saraptaý);
4) jasalǵan lısenzııalyq kelisimder sany;
5) qurylǵan ınnovasııalyq kásiporyndar sany;
6) jasalǵan/júzege asyrylǵan zertteý sharttarynyń sany;
7) qurylǵan ınnovasııalyq kásiporyndarmen shyǵarylǵan ǵylymı ónimder kólemi.
9. Alynǵan ǴTJN týraly aqparattardy ashý qaǵıdalary mynalar:
1) berilgen aqparattyń shynaıylyǵy;
2) berilgen aqparattyń relevantylyǵy;
3) berilgen aqparattyń tolyqtyǵy.

5. Tehnologııalardy kommersııalyq paıdalaný úshin zańdy tulǵany qurý
10. ǴTJN kommersııalandyrý jónindegi zańdy tulǵany qurý sharttary, eger quryltaıshylardyń (qatysýshylardyń) bireýi nemese jalǵyz quryltaıshy (qatysýshy) ǴTJN ıntelektýaldyq menshik nysanynyń quqyq ıegeri bolyp tabylsa nemese kommersııalandyrý deńgeıi joǵary ǴTJN- niń avtorlarynyń qatysýymen jáne ǵylymı-tehnıkalyq bazasy bolsa.
11. Intelektýaldyq menshik nysanynyń jeke quqyqtaryn memlekettik ǵylymı uıymdarmen, joǵary oqý oryndarymen basqarý olardyń menshik ıeleriniń – ýákiletti memlekettik organdardyń kelisiminsiz júzege asyrylady.
12. Intelektýaldyq menshikti baǵalaý shyǵyndary kommersııa-landyrýdy júzege asyratyn uıymnyń (bólimsheniń) qarajaty esebinen qaıtarylady.

Buıryq Qazaqstan Respýblıkasynyń Ádilet mınıstrliginde 2012 jylǵy 23 qarashadaǵy Normatıvtik quqyqtyq kesimderdi memlekettik tirkeýdiń tizilimine № 8096 bolyp engizildi.