Aımaqtar • 27 Qyrkúıek, 2019

Aqtaýda Á.Kekilbaıuly atyndaǵy ortalyq qurylysy aıaqtalýǵa jaqyn

190 ret kórsetildi

Bul týraly О́ńirlik kommýnıkasııalar qyzmeti alańynda ótken brıfıngte Aqtaý qalalyq qurylys bóliminiń basshysy Eldar Mashyryqov málimdedi. Qazan aıynda Aqtaýda aýdany 8742 sharshy metrdi quraıtyn Ábish Kekilbaevtyń murajaıy ashylady.

- Qyrkúıek aıynyń sońynda tapsyramyz dep josparlanǵan mádenı ortalyqtyń daıyndyq jumystary qarqyndy júrgizilýde. Qazirgi ýaqytta aktileri, qurylysqa qajetti qujattary jasaqtalyp, tapsyrýǵa daıyndap jatyrmyz. Al kitaphana men mýzeı qurylysynyń aıaqtalý merzimi 2020 jyldyń sońy,- dedi Eldar Qýatuly.

Merdiger uıymnyń dırektory Rızabek О́tegenovtiń aıtýynsha, qurylysqa paıdalanylǵan materıaldar negizinen qazaqstandyq taýar óndirýshilerden, ishinara Reseı, Ońtústik Koreıa jáne Japonııa materıaldary bar. Murajaıdyń aldynda Ábish Kekilbaevtyń eskertkishi bolady. Jobanyń ınvestorlary ıtalıandyq kompanııa. Eki myń oryndyq kitaphana men teatrdy biriktiretin bul ortalyq 10 ga aýmaqty qamtyp otyr. Joba avtorlary - elordalyq mamandar. Sondaı-aq kitaphanada 304 myń kitap bolady.

Aıta keteıik, murajaıdyń ashylýy osy jyldyń 12 qazanyna josparlanǵan. Al kitaphana 2020 jyldyń jeltoqsan aıynda paıdalanýǵa beriledi dep josparlanýda.

 

Mańǵystaý oblysy

Sońǵy jańalyqtar

Mennıdiń taǵy bir márttigi

Kásipqoı boks • Keshe

Uqsas jańalyqtar